Rawda Salah-Mental health

حابة الفترة الجاية نتكلم أكتر عن أسماء الله الحُسنى 💚

لأنك لما بتحب حد بتحاول تعرفه أكتر،
تفهمه أكتر، وتقرب منه أكتر
ولله المثل الأعلى

النهارده هنتدبر اسم الله المنّان

المنان بيغدق عليك بالنِعم قبل ما تطلب،
وبعد ما تغلط، ورغم تقصيرك

المنّان مش بس اللي بيديك، لكن اللي بيكرمك بعطاء فوق احتياجك، وباب مفتوح مهما حصل 💚

كم مرة كرمك بعطاء خير 💚
كم مرة كرمك بمنع شر 💚

التأمل في أسماء الله .. مش معلومات دينية دي طمأنينة، وقرب، وحياة 🌱

🌻

في ناس كتير فاكرة إن التعب النفسي لازم يبقى حاجة كبيرة عشان نهتم بيه
لكن الحقيقة إن التراكمات الصغيرة هي اللي بتكسّرنا بهدوء..

ضغط مستمر .. تفكير زائد.. علاقات بتستهلكك.. إحساس بعدم التقدير أو اللخبطة...

كل دي إشارات إنك محتاجة تقفي مع نفسك شوية 💚

المشكلة إننا اتعودنا نستحمل!!
لحد ما بنوصل لمرحلة بنبقى فيها تايهين ومش فاهمين إحنا مالنا

طلب المساعدة مش ضعف ده وعي وشجاعة إنك تختاري نفسك 💚

لو حاسة إنك محتاجة تفهمي نفسك أكتر 💚
تفكي اللخبطة اللي جواكي 💚
وتاخدي خطوات حقيقية ناحية راحة نفسية واستقرار 💚

ابعتِ كلمة session وهبعتلك كل التفاصيل 🌻

لو صوتك الداخلي دايماً بيقولك:
• أنتِ مش كفاية.
• كان لازم تعملي أحسن من كده!
• أنتِ اقل حد في اللي موجودين.

فطبيعي تعيشي دايمًا تحت ضغط!
وتدخل في دايرة مش بتخلص من جلد الذات واللوم..

المشكلة مش فيكِ ..
المشكلة في الطريقة اللي اتعلمتي بيها تبصي لنفسك!

لما تبدأي تبني علاقة صحية مع نفسك 💚
• هتعرفي تقبل مجهودك وتقديره مهما كان صغير.
• هتعرفي تحط حدود نفسية.
• هتحسي بقيمتك .. مش من رأي حد فيكِ!

ولو حاسه انك محتاجة مختص يساعدك في رحلة التعافي ابعتيلي كلمة session وهبعتلك التفاصيل.

🌻

التعلق مش حب .. التعلق خوف.

• خوف من الوحدة.
• خوف من الرفض.
• خوف إنك تتحرم من الإحساس بالاهتمام.

عشان كده بتستحمل وبتبرر وبتدي أكتر من طاقتك 10 مرات..

لحد ما تكتشف إنك بتضيع نفسك علشان حد مش شايفك!

والحل مش إنك تبعد عنه وبس .. لانك في الغالب مش هتعرف
الحل إنك ترجع لنفسك وتفهم إيه اللي مخليك متعلق كده ❤

لو حاسس إنك داخل في دايرة تعلق ومش عارف تخرج منها
أنا بقدم جلسات فك التعلق ❤
ابعتيلي رسالة "فك التعلق" على الخاص وهبعتلك التفاصيل

🌻

اللي مش بتقوله جسمك بيقوله!

كتم المشاعر مش قوة
ده ضغط بيتخزن جواك!!

الدراسات اثبتت ان المشاعر المكبوتة ممكن تظهر في صورة
صداع / قولون / إرهاق مستمر وغيرها من الأمراض المناعية المزمنة للاسف!!!

طب الحل ايه ببساطة؟
عبّر (كلام – كتابة – دعاء)💚
اسمح لنفسك تحس من غير حكم ولا جلد ذات

🌻

أخطر جملة ممكن تقوليها لنفسك ( أنا كده وخلاص)

• أنا عصبية وخلاص
• أنا حساسة بزيادة
• أنا مش بعرف أقول لأ

لما بتكرري الجمل دي على عقلك
انتي مش بتوصفي نفسك
انتي بتثبتّي المشكلة وبتقفلي باب التغيير!

الهوية مش شجرة مبتتحركش
الهوية بتنمو وبتتطور وبتتغير 💚

الهوية نتيجة تجارب + أفكار متكررة + مواقف متراكمة.
تقدري تعالجِ العصبية وتكون صبورة اكتر وكمان تقدري تقنن حساسيتك و تتعلمي ازاي تقول لأ بشكل لطيف 💚

🌻

مش كل تفكير كتير .. ذكاء وشطارة!!

أحيانًا
ده قلق متخبي في شكل «تحليل»

بتفكري في كل حاجة
إلا الحاجة الأهم
إنك ترتاحي 💚

فكرتِ النهارده في نفسك؟ فكرتِ ترتاحي؟

الدراسات بتقول إن التفكير المفرط Overthinking
بيزود نشاط المخ وقت النوم، وده بيخلي الجسم مش قادر يدخل في مرحلة الراحة.

وعلى فكره
كل ما تحاولي تجبري نفسك تبطّلي تفكير
كل ما مخك يتمسك بالفكرة أكتر!

الحل مش إنك تمنعي التفكير
الحل إنك "تنظّميه" ♥

جربي ده الليلة دي 😴
اكتبي كل اللي في دماغك قبل النوم بـ 15 دقيقة
واعتبري إنك قفلتِ يومك رسمي

مش كل فكرة محتاجة حل .. في أفكار محتاجة تخرج بس

لو حاسة إن التفكير بقى مسيطر على يومك ونومك
أنا بقدّم كورس كامل لعلاج الأرق

ابعتيلي كلمة أرق وهبعتلك كل التفاصيل

🌻