Enlightened Minds Academy - E.M.A

فيس بوك حساس

منحة برمجة تطبيقات الموبايل من الصفر للشباب بدعم 50% مقدم من وكالة التعاون الالماني
لو انت سنك من 13 ل 28 سنة او تعرف حد في السن ده ركز معايا 🧐
طب ليه تتعلم برمجه التطبيقات 🤔
👈90% من استخدام الانترنت بيكون من خلال الموبايل !
👈مش محتاج تكون عارف أي حاجة عن البرمجة قبل بداية الكورس لأن الكورس بيبدأ من الصفر🔝
👈واحدة من اكتر المجالات المطلوبة في سوق العمل عشان مستقبلك
👈هتتعلم من مهندسين خريجي هندسة القاهرة ولو تايه هيوجهوك ازاي تختار المجال الي هتتخصص فيه فالجامعة وهتعرف ايه اكتر المجالات الرائجة وازاي تتخصص فيها عن طريق Road Maps عشان تكمل بعد المنحة.
👈في الكورس هتتعلم عن العمل الحر Freelancing وازاي تقدر تشتغل من البيت في الاجازة وتكسب فلوس بالدولار $$
👈 بيكون فيه متابعه 24 ساعة بحيث لو بتطبق لوحدك ومحتاج مساعدة هتلاقي instructor تسأله ويتابع معاك خطوة بخطوة
👈هتتعلم البرمجة بنظام Learn By Doing يعنى كل محاضرة بمشروع جديد بتعمله، من ضمن المشاريع الي هتتعلمها هي برنامج بيحمل الفيديوهات من يوتيوب وبرنامج بيعمل فلاتر للصور زي SnapChat , instagram
👈 و في اخر المنحة هيبقي في شهاده إتمام معتمدة من ExP والشريك التقني Coursera
وشهادة معتمدة من الشريك الأكاديمي
جامعة ميرليند الامريكية زي اللي في الصورة
👈في أخر المنحة في مسابقة لأحسن Application يتعمل ويترفع على Google Play والجايزة كبيرة!
للاسف الاماكن محدودة فكل ما حجزت اسرع كل ما كانت نسبة انك تتقبل اكبر ومفاجأت تانية هتعرفها وانت في الكورس
الكورس هيبقي اون لاين عشان تقدر تحضر من أي مكان في مصر😎
مدته شهر ونص بمعدل محاضرتين في الأسبوع
📌اخر معاد للتقديم يوم 4 فبراير
لو عايز تقدم كلمنا وهنبعتلك كل التفاصيل واتساب ع الرقم ده
01212116044
او سيب كومنت واحنا هنكلمك

ارحمني يارب من إدانة زميلي ...
فليس شيء يعيب الصلاه ويعوق التوبه قدر فتح عيناي
علي اخطاء غيري حتي لو كانت حقيقه... 💔🙏

بلغنا الله ليلة القدر🤍✨

عِند الست مع جوزها بيحرمه من الأحساس بالأمان و الحب و الثقه و التقدير .💔

خليكوا لينيين العِند مش ليكوا ✋
زي ما بتحسي هوه بيحس

متنساش وانت ف طريقك لحلمك اياً كان هو "تقفل ودانك"
سواء من المشككين في قدارتك او المشفقين عليك من صعوبة الطريق او حتي الحاقدين تخيل كدا واخد عربيتك ورايح مشوار وكل عربيه تجري من جمبك او تضيق عليك
تنزل تتخانق معاه وتثبت انك صح .. عمرك ماهتوصل
اقفل ودانك وتعمّد التجاهل وبلاش تضيع وقتك ف شرح او اثبات اي حاجه لأي حد .. استمتع بالرحلة ❤️

الخطوة الأولى هي الأصعب ، افعلها وكل شيء سيصبح سهلًا ..

الفشل هو أن تفتح عينيك فـ تجد نفسك فـ حفرة من حفر النار ،
فيما عدا ذلك فـ هو إخفاق يمكننا القيام بعده مادمتُ تتنفس ، و مادامت الشمس تشرق .💛

حاولت مرة تُجبر نفسك على وِرد القرآن يوميا .. زي ما يوميا بتجبر نفسك تروح الشغل حتى وأنت تعبان ؟!

حاولت مرة تضغط على نفسك وتصلي الصلوات في مواعيدها وتصحى للفجر .. زي ما بتضغط نفسك أيام الامتحانات وتسهر وتطبق وتذاكر ؟!

حاولت مرة تحاسب نفسك على تقصيرك في الأذكار وتلزم نفسك بوقتها كل صباح ومساء .. زي ما بتحاسب نفسك على مواعيد الخروج وبتفضي نفسك لشراء شيء معين ؟!

جيت في مرة في وقت انتكاسة وقولت لأ ولو حتى مش قادر هقوم وهعمل عبادة !

هل جيت في مرة وجمعت فلوس لإخراج صدقة أو لإعانة مسلم .. زي ما جمعت فلوس موبايلك ومصيفك وسفرك ؟؟

هل حصل ودبرت أمور حياتك على حسب مواعيد الصلاة مثلا .. قبل ما أنزل هصلي الظهر .. وفي المسجد الفلاني هنلحق العصر مثلا .. وهرجع قبل المغرب والحقه في البيت ؟!

حاولت مرة تقف مع نفسك وقفة حازمة .. تُدرك فيها إن كل سعي الدنيا وأمور الدنيا هباااء بجانب أمور الآخرة ؟

حسست نفسك بفرضية كل فرض .. ومكانة كل سنة .. وثواب كل نافلة .. ولا بتعمل كده للتخلص وإخلاء ذمتك وخلاص ؟!

هل سعيت لمعرفة كل حكم في دينك .. ولجأت لسؤال أهل العلم وجاهدت لتحصيل ما لا يمكن جهله في الدين على الأقل.. زي ما جاهدت لكسب الخبرة في مجالك عشان توصل لفرص شغل أكبر وأعظم ؟!

حتى في الدعاء .. هل بتدعي بالثبات وحفظ الدين والنجاة من الفتن والفردوس .. زي ما بتدعي بالنجاح والزواج والشغل والفلوس ؟

لو الإجابة في كل دول لأ (وده للأسف معظمنا)
فأنت محتاج ترتيب أولويات .. وضبط مبادئ .. وإسراع في إنقاذ ما يمكن إنقاذه ..

لازم ندرك إن الدين هو الأساس .. والعبادة هي الطريق .. والآخرة هي الهدف !
أمور الدنيا مهمة والسعي لها له فائدته المؤقتة .. لكن أمور الآخرة أهم وأعظم وأكثر غنيمة والله لو نعقل ونفهم !

لازم نتدبر ..
من كان يريد العاجلة = عجلنا له فيها ما نشاء لمن نريد ..
ومن أراد الآخرة وسعى لها سعيها وهو مؤمن = فأولئك كان سعيهم مشكورا

وللآخرة أكبر درجات وأكبر تفضيلا ! 💛
-لقائله

كل نجاح مرهون بالتخلي عن بعض هوى النفس، نجاحك الدراسي يتطلب التخلي عن جزء من اللعب عشان تدخر الوقت لمحاولات الفهم والمذاكرة، نجاحك في الشغل يتطلب التخلي عن الأنتخة وبذل مجهود والتزام، نجاحك في علاقتك مع صحابك بتحتاج انك تيجي على نفسك وتستحمل هزارهم التقيل واختلاف وجهات نظركم، نجاحك في علاقة عاطفية بيحتاج طول الوقت تتخلى عن جزء من أهواء العذوبية وتبذل مجهود في سبيل ان العلاقة تنجح وتحس بالتزامك تجاه الطرف التاني، نجاحك في الرياضة او الفن أو أي شيء مرتبط بالتخلى عن جانب من الحاجات اللي بتحبها وبذل مجهود والتزام تجاه حاجات تاني بتحبها أكتر ونفسك تنجح فيها، حتى الجنة عشان تنجح تدخلها لازم تتنازل عن جزء من هوى النفس وتبذل مجهود، لو حسيت انك عايش حياتك أو عاوز تعيشها من غير ما تيجي على نفسك في أمور أنت عاوزها، اعرف انك في اتجاهك المباشر ناحية الفشل

كونك شخص لسة غير متزوج، او بنت لسة غير متزوجة.

ده معناه إنك "طير" حر طليق.

- وبيحتاج منك الوضع ده من باب أولى إنك تستغل أوقات فراغك في تثقيف نفسك ف حاجات مش هتلاقيلها وقت لما تتزوج وتشيل المسؤولية.

- مفيش حاجة اسمها هثقف نفسي في العلاقات ومهارات التواصل لما اتخطب او اتزوج.

ومفيش بردو حاجة اسمها هقرأ عن تربية الأبناء لما أكون أم/أب.
أو هتعلم الاستثمار المالي لما يبقي ف ايدي فلوس ويبقي عندي وظيفة.. هتعلمه ليه دلوقتي وأنا مفلس!

- في حاجات لو فضلنا نستناها وبعدين نبقي نشوف الكلام علي اي وقتها، مش هنلاقي وقت نطور نفسنا فيها.

وعشان كده حاول تقلل استهلاكك للسوشيال ميديا، والتليفزيون، والافلام والمسلسلات والروايات الركيكة، والكلام الكتير ف أوقات فراغك.

واستثمر ال ٣ ساعات دول ف حاجات هتحتاجها على مدار حياتك.

قال صلي الله عليه وسلم : (نعمتان مغبون فيهما كثيرٌ من الناس، الصحة والفراغ)

ودول أهم ١٠ حاجات تسثمر فيهم فراغك هيسهلوا عليك حاجات كتير في المستقبل إن شاء الله. ❤

١- إدارة الوقت.
٢- فن التواصل مع الناس.
٣- فهم الطرف الآخر + تربية الأبناء وكيفية التعامل مع الأطفال والمُراهقين.
٤- مهارة التفاوض.
٥- مهارة استثمار وإدارة المال.
٦- الذكاء العاطفي للذات والمجتمع.
٧- فن الكاريزما وإقناع الآخرين بما تريد.
٨- كيفية التعامل مع الضغوطات والقلق والأزمات.
٩- الاسعافات الأولية.
١٠- مهارة التخطيط لحياتك ومستقبلك.

مصادر التعلم بتكون عن طريق :
☑الكتـب.
☑الكورسات.
☑فيديوهات اليوتيوب.
☑بودكاست صوتية .
☑مقالات دسمة وموثوقة.

كل ما هتتحكم ف نفسك في أوقات راحتك وفراغك - كل ما هترتاح في المستقبل وتكون شخص قد المسؤولية وجذاب لشريك حياتك، ولزمايلك ف الشغل، ولجيرانك، وأهلك كمان، والأهم من كده، إنك هتكون واثق من نفسك وفخور بيها. ❤

يا ساعة النهاردة ببلاش ~ بكرة تبقي بفلوس. ✅