Nourhan Fouad - Life Coach

كل سنه وانتم طيبين و بخير 🤍 رمضان كريم عليكم جميعا 🌙🌻

كل سنه و كل بنت و ست جميله و سعيده و ناجحه و بخير بمناسبة اليوم العالمى للمرأة 🩷🌷

خليك عارف إن مهما الدنيا قفلت في وشك .. إختيار انك تصمد و تصبر و متيأسش، دايماً ليك 🌻

الحب .. 🤍

الحب هو المعني الحقيقي للحياه جوانا، هو كل المعاني الحلوه ..

الحنان، السكينه، الأمان .. أمان انك مقبول زي ما انت بكل الحلو و الوحش فيك، وانك كلك علي بعضك زي ما انت .. ملكش بديل.

الحب .. انك تسمع و تفهم، انك تحس.
الحب .. انك تدعم اللي بتحبه و تقويه، و تبقي فخور بيه.

الحب .. هو الشغف و الشجن، و الجنون. هو الرقه و الحنيه و الكلمه الحلوه.

الحب في كل حاجه حوالينا؛ شوكلاتايه لطفل صغير، ورده في عيد الحب، حواديت بابا قبل النوم .. و أحلي كوباية شاي لتيتا.

الحب دعوه حلوه من قلب صافي .. طبطبه .. حضن دافي.

حاجات الحياه من غيرها .. مالهاش معني ولا طعم 🌹

مهما كان الطريق طويل ..
مهما كانت التحديات كتير ..

متفقدش الشغف 🌻

أحيانا من إعتياد النعمه مبنشوفهاش، و بتفضل عينينا بس علي الرزق اللي مستنينه اللي لسه مجاش و اللي لسه مش معانا .. و بننسي النعمه اللي فعليا معانا.

عشان تركيزنا فقط علي اللي ناقصنا و اللي مجاش .. و مش بنستمتع باللي بقي حقيقه في إيدينا.

كل ما تضيق عليك اوي اوي و تحس إن ناقصك كتير .. عِد النِعَم اللي في حياتك و تأملها هترتاح و تحس إنك غني.

ساعتها أكثِر من الحمد عشان " سمع الله لمن حمده " 🌻

* إبدأ بحب ذاتك *

قواعد التخطي - Moving on rules

القاعده الرابعه ..

" إفتح بابك "

إفتح لنفسك مجال تتعرف علي حد جديد و تعرف نماذج جديده من الناس اللي ممكن تكون مناسبه إنها تكون شريكه لحياتك. إدي لنفسك فرصه تعرف إن انت لسه بتنجذب و تُعجب و تتشد و إن لسه فيه ناس كتير تقدر تلاقي فيهم الحاجات اللي انت بتدور عليها، و إن اللي ضاع منك عادي جدا ييجي اللي أحسن منه بالنسبه لك.

أول ما بتفتح باب قلبك إنه يستقبل شئ جديد، و تفتح باب الإختيار .. بتصدق من جواك أوي إن الحياه مبتقفش علي حد، و إن الحب اللي بتتمناه و شريك حياتك المناسب هييجي الوقت و هتلاقيه، و إن مشاعرك قادره تشتغل تاني عادي، و إنك لسه تقدر تحب بجد، وتختار بإقتناع.

ساعتها بتتأكد إن أي شئ رابطك بالماضي هو مجرد ذكري مش شعور، و إن الحب مبيخلصش مع علاقه إنتهت، و إن .. لسه في الأيام أمل 🌻

إمبارح عدي، و بكره متعرفوش، بس انهارده .. ليك .. في إيدك .. متضيعوش.