أسس إبنك من البداية

أسس إبنك من البداية واجعلنا ممن كان سعيه موصولًا بالخير،
مُباركًا بالأثر، مليئًا بالجبر .

23/09/2025

المستوى التانى فى التأسيس ....
بفضل الله معانا نقدر نضع كل الأساسيات ال هتحط طفلك عالطريق الصح .....
التأسيس معانا غير ... 👇👇👇👇👇

21/09/2025

نشيد أسرتى ....
الصف الأول الابتدائي الترم الاول...

12/09/2025

هل في حاجة اسمها تأسيس مع منهج؟؟؟؟🤔
أنا عن نفسى لو ولى أمر جه سالني السؤال دا هقول صعب جد جدا جدا 😔🤦.. طب ليه بقه صعب ياجماعه .. ؟؟؟ اولا المفروض ان المنهج محتاج طفل يقرا ويكتب ... طيب انا بقه كمدرسة اعمل ايه معا 🤔 مهما افضل اشرح واقول واعيد هو مش عارف حاجه حرفيا يبقى حرام عليا الفلوس الى هاخد ها منه فى شرح منهج وانا مبقبلش اى طالب جاى فى الوقت دا مامته تقولى ادى تأسيس ومنهج ... أنا ادى تأسيس الاول ويعرف يقرا ويكتب انما كمنهج معلشى مش هينفع ... عشان كدا ياجماعه للمرة المليون اهتموا بتأسيس اولادكم .... والام الى شيفا ابنها ضعيف تشتغل عليه ف الأجازة لان حرام عليكم تهملوا فيهم .. معلشى اتعبوا معاهم شويه هما يستاهلوا التعب ... 😘
التأسيس معانا غير .. 👆👆👆👆👆👆

28/08/2025

عدم المتابعة في البيت تنسِف مجهود المعلم مهما بلغت كفاءته.....

17/08/2025

نصيحة لوجه الله ...
للمرة المليون ظبطى نوم طفلك وبلاش السهر للصبح وبلاش التليفونات قبل النوم مباشرة ....
بيقابلنا كل يوم والله أطفال عندهم صعوبة تعلم .. تأخر لغوى ... تحسى كدا أن العيل قدامك تايه 🥴 اه والله زى ما بقولك كدا ... وطبعا لما بلاحظ كل دا على الطفل اول حاجه بسأل الام ابنك بينام كويس ؟ تقولى بيسهر للصبح ... طيب بالله عليكى لما يسهر للصبح دا جسمه وعقله هينمو امته ؟ 🤔 طيب هيجيلى مركز ازاى وهيستوعب منى ازاى ؟ اجى اسأله الحرف دا اسمه ايه يرود يقولى الحرف دا اسمه ايه ههههه 😂 اه وربنا زى ما بقولك كدا ... يابن الحلال انا الى بسألك الحرف اسمه ايه .... وهكذا كل يوم .. طيب انا زعلتكم فى حاجه .... تعملوا فيا كدا ليه ها ...... 🤦
معلشى اتعبى شوية مع إبنك .... عارفه ان التربية فى الزمن دا صعب والله بس دى رسالة وأمانه لازم نأديها على أكمل وجه وبلاش تستسهلى وترميله التليفون وتريحى دماغك ... خليكى أم أد المسؤولية ... 😘 التأسيس معانا غير 👆👆👆👆

06/08/2025

📢

👌4 قواعد لتسهيل التعامل مع الطفل العنيد👇..........
-ماما ينفع أتفرج على التليفزيون
❎-لأ..لما تخلصي الواجب الأول.

✅-ماما ينفع أتفرج علي التليفزيون
-أيوا طبعًا ينفع ياحبيبتي، أول ماتخلصي الواجب اتفرجي.

❇️ودي القاعدة الأولى✳️ من قواعد التربية الأربعة لتسهيل الحياة اليومية مع الطفل العنيد:
مابنقولش #لأ أبدًا (لأ بتحسس الطفل انك ضده وبتستفز عناده، الطفل اول مابيسمع كلمة لأ، بيحس أن حريته بتتقيد وأنه لازم يدافع باستماتة عن حقه، فيبدأ يعترض وينفعل ويعند)

❇️القاعدة التانية:❇️
بنطلب اللي عاوزينه منهم بأقل عدد من الكلمات، وبهدوء ومن غير زعيق، ولو رفضو بناخد رد فعل يعني الكلام بيتقال مرة واحدة بس.
مثال:
-من فضلك حبيبي لم ألعابك من الأرض.
-لأ.
-معاك ١٠ دقايق تلم ألعابك، بعدها أي لعبة هتكون ع الأرض هناخدها دولاب ماما ترتاح أسبوع ومش هيكون من حقك تلعب بيها.
لما بنقعد نزيد ونعيد في الكلام ده بيحسسهم أننا سهل نتشد لجدال معاهم، ومابياخدوش كلامنا علي محمل الجد.

❇️القاعدة الثالثة:❇️
هنديله اختيارات، لما بنعمل كده الطفل بيحس أنه القرار في ايده وده بيخليه أهدي و أقل عِند.
مثال:
بنزور ناس أصدقاء وابنك بيلعب مع ولادهم، مش فجأة تقولي ياللا عشان هنروح، قبلها بنص ساعة قوليله:
-حبيبي تحب تلعب مع اصحابك ربع ساعة كمان ولا نص ساعة؟
أيًا كان خياره هنحترمه وهنروح معاه فيه.

❇️القاعدة الرابعة:❇️
لازم نوريه اننا متعاطفين معاه، الطفل العنيد بالذات بيبقي حساس جدًا ومحتاج اللي حواليه يوروه أنهم فاهمين مشاعره، ولما بنطلب منه حاجة بنقوله من فضلك ولو سمحت.
مثال:
المثال اللي فات نبهناه قبل الميعاد بوقت واديناله خيارات، دلوقتي هنقول:
-ياالا حبيبي النص ساعة خلصت.
لو بدأ يتعصب ويقول لأ مش عاوز امشي، اديله حضن وقوله:
-أنا عارفة أنك مبسوط باللعب هنا وعارفة أنه صعب عليك أن وقت اللعب يخلص، عشان كده هنيجي هنا تاني.
اطفالنا مسؤوليتنا 👆👆

19/07/2025

التأسيس معانا غير 👇👇👇
إنشاء الله فتح باب الحجز لدروس التأسيس من سن اربع سنوات وحتى الصف الثالث الابتدائي والتواجد يوميا من الساعه 7مساء شارع موسى المتفرع من شارع بورسعيد فوق المأذون الشرعى بجوار البسطويسى وللتواصل فون او واتس 01283582264

12/07/2025

سنة تالتة ورابعة 🙋 للمرة المليون ... 👇👇👇👇

احفظو جدول الضرب
احفظو جدول الضرب
احفظو جدول الضرب

اللى مش هيحفظ الجدول فى الاجازة هيتعب كتيييير للاسف 😵‍💫

Address

Mit Ghamr

Website

Alerts

Be the first to know and let us send you an email when أسس إبنك من البداية posts news and promotions. Your email address will not be used for any other purpose, and you can unsubscribe at any time.

Shortcuts

Share

Category