25/07/2024
👈اول ما بدأت شغل بدأت إعدادى وثانوى وكنت بقول مناهج ابتدائى دى سهلة ولا تظهر مدى مهارة المعلم فى الشرح وكمان صعب التعامل مع الاطفال الصغار
ومع نزول المناهج الجديدة ابتداءا من عام 2017 ومنهج الدراسات الاجتماعيه للصف الرابع عام 2020/2021
واطلعت على المنهج ودرسته جيدا وقفت وقلت لنفسى دى مناهج محتاجة مدرسين ثانوى يدرسوه🫣 اه والله
وبدأت أفكر⏰ أنى اجرب اشتغل مع سنة رابعة اتفاجئت اد ايه بحب الشغل مع الاطفال ويا سلام لما بدأت اشوف نتيجة شغلى معاهم وبعد ما كانت أولياء أمور كتير كانت خايفة وقلقانة من منهج الدراسات الاجتماعية بقت اسهل مادة بالنسبة لهم
والحمد لله رب العالمين اللى فى رابعة كبروا معايا وبقوا خامسة ووصلنا سادسة مع بعض وكل سنة بتزيد روابط المحبة بينا
وكل ما افتكر طول السنين اللى فاتت مدى الصعوبات اللى ظهرت فى الطريق معانا ( من اختبارات شهرية الى مهام ادائية وامتحانات نصف العام واخر العام وحل نماذج كتيييير ) ياااه رحلة طويلة
خضناها سوا
طلابى وطالباتى الاعزاء هذا العام طالعين اولى إعدادى وهم متأسسين عارفين وفاهمين يعنى ايه دراسات اجتماعية ومش خايفين منها لانهم على أرض صلبة
🤲🤲ربنا معانا وياخد بإيدينا سوا ونكمل الطريق حتى الثانوية💪💪 🏆 🏅 ♥️♥️🏆🏆🏆
السعيد
