Hager Mostafa

وتظنُّ أنك خسرت، والحقيقه أنّ ما خسرته تمهيدًا لمكسب عظيم سيكافئ الله قلبك به.

وتظنُّ أنك حُرِمت، والحقُّ أنك رُحِمت..

وتظنُّ أنّ الله ابتلاك، والحقيقة أنّه نَجَّاك..

وتظنُّ أنّ الأوان قد فات، ويكون الأجمل ما هو آت.⁣..

المحايد وقت الظلم مش دايمًا بريء

في ناس كتير بتحب تقول: “أنا ماليش دعوة”، “أنا محايد”، “مش عايز أدخل نفسي في المشاكل”… لكن الحقيقة إن في مواقف معينة، الحياد فيها مش فضيلة، الحياد فيها مشاركة.

لما تشوف حد بيتظلم وتسكت، ولما تشوف كدب بيتقال على شخص وتفضل واقف تتفرج، ولما تشوف حق بيتسرق وتقرر إنك تحافظ على راحتك ومصلحتك… يبقى إنت ما بقيتش محايد، إنت اخترت جانب، حتى لو ما اعترفتش بده.

الظالم عمره ما كان أقوى من عدد الناس اللي سكتت عنه. كتير من الظلم اللي بنشوفه كل يوم ما استمرش بسبب قوة الظالم، لكن بسبب صمت المتفرجين.

في وقت الشدة، ناس كتير بتجري على الضل. يخافوا على مصالحهم، على صورتهم، على علاقاتهم. يسيبوا الشخص الصادق يواجه لوحده حملات التشويه، والافتراء، والهجوم. وبعد ما المعركة تخلص، ييجوا يقولوا: “إحنا كنا عارفين إنه مظلوم.”

طب ما كنتوا فين وقتها؟

الشجاعة مش إنك تقف مع القوي، الشجاعة إنك تقول كلمة حق لما الكل ساكت. الشجاعة إنك ترفض الظلم حتى لو مش واقع عليك شخصيًا. لأن اللي بيتفرج النهارده على ظلم غيره، ممكن بكرة يلاقي نفسه الضحية ومحدش واقف جنبه.

أسوأ حاجة مش وجود الظالم… أسوأ حاجة وجود ناس شايفة، وفاهمة، ومتأكدة من الحقيقة، ومع ذلك اختارت الصمت.

الحياد أمام الرأي المختلف شيء محترم، لكن الحياد أمام الظلم شيء تاني خالص.

لأن بين الحق والباطل مفيش منطقة رمادية… وفي لحظات معينة، السكوت بيبقى موقف، والصمت بيبقى شراكة.

✍️سلمي عرفه

كلمت ماما وقولتلها رمضان قرب وانا لازم اروق الشقة ترويقة كبيرة هاخلص واكلمك😎
مممم ... اعمل ايه الاول بقى🫠
👈قولت هابدأ بالصالة اروقها وبعدين ادخل على الاوض وفي الآخر المطبخ
👈ولا ابدأ بالمطبخ وفي الاخر الصالة🤔
👈ولا ابدأ بالاوض وفي الاخر الحمام😅
(تخطيط وتنظيم مهام)
فدخلت المطبخ اشرب شاي☕
وعملت ساندوتش حلو
(بدء المهمة)
👈ولقيت في الموبايل فيديو عن
كيفية ترويق الشقة استعدادا لرمضان فقعدت اتفرج عليه
مع الشاي والساندوتش😉
(المرونة المعرفية)
👈وبعدين لقيت فيديو لصفحة ايجيبت كدة كدة واللي قعدت افكر يا ترى هي بتاعت ولا لأ 🤔
(تنظيم الانتباه)
وهوووب
👈 ماما بتتصل بيا بتقولي خلصتي🤔
فسألتها بتلقائية خلصت ايه بالظبط فقالتلي الشقة😐
(ذاكرة عاملة)

👈بصيت في الساعة لقيت عدا 4 ساعات من اول ما قولت هاروق
(عمى الوقت)
👈حسيت ساعتها بالغضب من نفسي والإحباط
في دخلة ولادي من المدرسة لقيتني بزعق لهم وبقولهم
متحطوش الشنطة على الارض
(ضبط النفس)
👈وقولت بيني وبين نفسي بكرة أبدأ الدنيا مطارتش يعني
(تسويف)
👈بس رجعت مسكت الموبايل أكمل حدوتة ريديت
كنت بقرأها ل 😁
(مراقبة الذات)

⭕استنى كدة 🤔
هو اللي فوق دا اسمه إيه؟
اسمه خلل في الوظائف التنفيذية
اللي بيعاني منه شخص ADHD
واللي للاسف متكرر بشكل يومي معاه

👈وكل مرة بيحاول يبدأ في اي مهمة المخ بيوصله للدايرة دي
ويلاقي نفسه مبيوصلش لحاجة
ونقيس على دا كل التاسكات اللي في حياته 🙈

👈يا ترى ايه اللي بيحصل في مخ ال ADHD
بيوصله لكدة🤔
👈وهل فيه حل للدوامة دي ولا لأ 🙆
👈وازاي أقدر أقطع أصلا الدوامة او على الاقل أخد بالي إنها بتحصل؟
👈وهل كل ال ADHD عندهم نفس الدوامة بنفس التفاصيل ولا لأ 🥹
👈طيب هل فيه أدوات أقدر استخدمها تساعدني ؟

⭕كل الاسئلة دي واكتر هاجاوب عليها في رمضان
كل يوم في بوست
هاناخد كل الوظائف التنفيذية
✓التخطيط
✓بدء المهمة
✓إدارة الوقت
✓المرونة المعرفية
✓تنظيم الانتباه
✓الذاكرة العاملة
✓ضبط النفس
✓مراقبة الذات
👈هانفهم بتحصل ليه؟
ونتعلم ازاي نحسنها ؟
وايه الادوات اللي ممكن تساعدنا؟
وازاي نربط الوظائف التنفيذية ببعض
✓من غير لوم
(طول عمرك بتلوم نفسك عملت ايه ؟)
✓ولا خوف من اننا نفشل
(ما نقع ونقوم تاني عادي)
👈 عشان بدل ما نكون في ✓دوامة
نكون في دايرة متصلة احنا اللي بنحدد اولها واحنا اللي بنحدد آخرها 🫴

⭕مين جاي معايا الرحلة🤝
اكتب معاكي
عشان اتأكد انك محتاج الرحلة💪

ADHD mentor