08/10/2025
لما اتعصبتى على إبنك أو بنتك اثناءالمذاكره..كسبتى إيه؟
هل ركز معاكى؟...طبعا لأ
هل فهم بسرعه؟...طبعا لأ
هل كنتى مبسوطه؟...طبعا لأ
مش هتكسبى غير القولون والصداع والتوتر
طب ايه الحل؟
الحل بسيط جدا...ان حضرتك تفهمى ان الطفل ده مش بيحضر ماجستير او مطلوب منه يجيب 100 من 100 فى كل المواد
الحل ان حضرتك لازم تفهمى ان الطفل بيتعلم بالتشجيع او اللعب او الاغانى او الرسم او الحركه
غير كده....يبقى هنتعب نفسنا
طب يا ميس ....انا معنديش طاقه للعب وللحركه🙄
يبقى الحل...فى التشجيع والله ده حل سحرى👌
طيب ايه طريقته؟؟
اولا...تسأليه سؤال سهل او تافه وتكونى متأكده انه هيجاوبه.
ثانيا...تشجعيه وتحسسيه انه اخترع الذره وطلع القمر وتقوليله (ماشاء الله انت اشطر منى...طب يلا كده ورينى خطك...طب يلا كده نشوف السؤال اللى بعده)
ثالثا...لازم لازم لازم نهزر ونضحك مع الاولاد عشان عقلهم الباطن (يخزن ان لحظات المذاكره بتبقى ممتعه)
بعكس لما نتعصب....الطفل عقله الباطن بيخزن ان لحظات المذاكره شى مش لطيف.
الحل سهل...و رخيص...ومش مكلف...
جربوها وهتدعولى
لقتها فى جروب جمبنا قولت اريح قولونكم
تابعونا عشان يوصلكم كل مفيد
