Hanaa Najy

أقولك على نصيحة اكتشفتها مؤخرًا بعد فترة كبيرة من الصراع مع النفس والتشتت والبحث والتعلم؟

لو عايز تنجح في كاريرك، شغلك، دراستك أو أي حاجة في حياتك…
اتعلّم لأنك فعلًا حابب تتعلّم وتفهم وتكتشف، مش لمجرد إنك مجبر علشان تشتغل أو تجيب فلوس وبس.

لأن اللي بيتعلم بحب بيكمّل، حتى وقت التعب والضغط.
أما اللي بيتعلم غصب، أول ما الحماس يروح بيقف.

زي ما اتقال في كتاب Atomic Habits:
“You do not rise to the level of your goals. You fall to the level of your systems.”

يعني النجاح الحقيقي مش مجرد هدف…
النجاح إنك تبني عادة إنك تتعلم وتتطور كل يوم حتى لو بخطوة صغيرة.

ودائمًا استثمر في نفسك…
لأن ده أحسن معروف ممكن تعمله لنفسك في يوم من الأيام.

المخاطرة المحسوبة هي جوهر النجاح، أما الحذر المفرط الناتج عن الجبن فهو قيد يمنعك من نيل المكاسب دون أن يضمن لك الأمان. إذا كان المصير المحتوم سيواجهنا في كل الأحوال، فمن الأذكى استراتيجياً أن نواجهه ونحن في موقف الهجوم والكرامة، بدلاً من الانتظار في خندق الخوف.

إنت قاعد متردد تبدأ دراسة 4 سنين… أو حتى سنتين
علشان شايف إنك عندك 25 سنة
وبتفكر: "طب لما أخلص هبقى 29 أو 30!"

بس الحقيقة؟
العمر كده كده بيعدّي… سواء بدأت أو لأ

بعد 4 سنين من دلوقتي
يا إما هتبقى واقف مكانك…
يا إما هتبقى شخص اتعلم حاجة وقرّب من اللي عايزه

الفكرة مش في الرقم
الفكرة في إنت عملت إيه بالوقت ده

إنك توصل لسن معين وإنت بتعمل حاجة بتحبها
وعندك فرص أحسن
ألف مرة أحسن من إنك توصل لنفس السن…
وإنت لسه بتفكر تبدأ

مفيش وقت “مثالي”
ومفيش ظروف “كاملة”

فيه قرار واحد بس:
إنك تبدأ

حتى لو بإمكانيات بسيطة
حتى لو خطوة صغيرة كل يوم

البداية مش محتاجة تكون كبيرة
بس محتاجة تكون حقيقية

ابدأ… والباقي بييجي مع الطريق ❤️

مرة كنت قاعدة مع واحدة صاحبتي شاطرة جدًا في البرمجة… من الناس اللي أي حاجة تمسكها تفهمها بسرعة، سواء JavaScript أو Python.
وبالصدفة قابلنا بنت صاحبتنا، لسه بادئة تتعلم… وكانت متحمسة بطريقة حلوة أوي.
قعدت تحكيلنا عن أول كورس أخدته، وورّت لنا أول موقع عملته… حاجة بسيطة بـ HTML و CSS، بس كانت فرحانة بيه جدًا.
وبصراحة… كان فيه أخطاء 😅
وأنا مستنية بقى التصحيحات تبدأ…
بس اللي حصل؟ ولا حاجة.
صاحبتي فضلت تسألها:
"عملتي ده إزاي؟"
"إيه الفكرة ورا الجزء ده؟"
وبتسمع لها باهتمام… كأنها بتتعلم منها.
البنت كانت مبسوطة أوي… باين عليها قد إيه فخورة بنفسها.
بعد ما مشينا، سألتها:
"ليه ماقولتيش أي ملاحظات؟"
قالتلي:
"مش لازم دايمًا تبقي أحسن واحدة… لا في القعدة ولا على السوشيال."
وسكتت شوية وقالت:
"فيه وقت تصحّحي… وفيه وقت تسيبي الناس تفرح بالبداية."
الكلام بسيط… بس فرق معايا جدًا.
بقينا نشوف ده كتير دلوقتي
حد ينزل أول مشروع ليه…
أول فيديو…
أول محاولة يتعلم حاجة
وتلاقي تعليقات من نوع:
"ده غلط"
"فيه أحسن من كده"
"إنت لسه بدري عليك"
طب ما هو لسه بيبدأ أصلاً…
مش كل حاجة محتاجة تصحيح في لحظتها
ومش كل مرة لازم تثبتي إنك فاهمة أكتر
أحيانًا دعم بسيط…
بيخلّي حد يكمل طريق كامل
وانتقادة واحدة غلط…
ممكن تخلّيه يقف خالص
فبلاش دايمًا نحاول نكون "الأشطر"
لا في القعدة… ولا على السوشيال
خلي في مساحة لناس تبدأ… وتغلط… وتفرح بنفسها شوية ❤️

الناس الشاطرة الحقيقية عارفين انها بتاخد سنين.
حتى لو حصل و عملوا حاجة في سنة.

هو شاطر و بيقول لنفسه اهدا.
بتاخد سنين.

الرحلة دي رحلتك أنت، وفي بدايتها هتلاقي ناس كتير بتتنمر، وناس بتتريق، وناس بتقف تتفرج وتضحك عليك لأنك لسه بتجرب وبتحاول.

لو سمحت لك ودانك بالكلام ده، هتتعب وهتتحبط وممكن تبطل تحلم.

لكن افتكر دايمًا: أنت بدأت ليه؟ وعايز توصل لإيه؟

واعرف إن اللي بيضحك عليك النهارده، ممكن جدًا بعدين يكون أول واحد عايز يتصور معاك.

كل البدايات صعبة، ومفيش حد بيبدأ وهو محترف.

كنت ناوية أنزل فيديو واحد في الأسبوع، لكن قررت أزود وأخليه فيديوهين في الأسبوع. وهبدأ بكاميرا عادية جدًا وفي أوضة في البيت، وبمعلومات بسيطة وإمكانيات على قدها، بس المهم إني أبدأ.

الثقة الحقيقية مش في المكان أو الأدوات، الثقة في الاستمرار… وأنا مكملة مهما كان البداية شكلها بسيط.

بتعامل زي سيدات الأعمال لما بنام بقفل الواي فاي واعمل وضع طيران عشان ميرنوش عليا ويزعجوني

اوعي تدي الفرصة لأي حد يقولك انك اتأخرت لأي سبب كان..

- سنة جيش
- سنة لسه تايه مش عارف تعمل ايه
- 3 سنين جيش
- 50 سنة جامعة
- 70 سنة من غير شغل ولسه بتدور
- غيرت مجالك بعد 90 سنة وابتديت مجال جديد
- سنتين في حادثة

قال الله تعالى: "وَفِي السَّمَاءِ رِزْقُكُمْ وَمَا تُوعَدُونَ"
قال ﷺ:" لَوْ أَنَّكُمْ تَوَكَّلْتُمْ عَلَى اللَّهِ حَقَّ تَوَكُّلِهِ لَرَزَقَكُمْ كَمَا يَرْزُقُ الطَّيْرَ، تَغْدُوا خِمَاصاً وَتَرُوْحُ بِطَاناً"

عليك السعي والمعافرة والمحاولات والأخذ بالأسباب، مش عليك انك توصل، عليك انك تموت علي الطريق، "أروا الله من انفسكم خيراً"..

احسن الظن بالله وتوكل على الله و ارض بما قسمه الله لك تكن اغني الناس.

"علمت أن رزقى لا يأخذه غيرى فاطمأن قلبى"❤.

أنت عارف كل حاجة، بس بتحب (تستهبل).

• عارف إن اللغة أساسها الاستمرارية.
• عارف إنك لازم تسمع وتشادوينج كل يوم.
• عارف إن بعد مستوى A2 لازم تبدأ تتكلم مع نيتف أو حد عربي مستواه أعلى منك.
• عارف إنك لازم تقرأ في مجال مختلف عشان تطلع خمس كلمات جديدة وتحطها في معجمك كل يوم.
• عارف إنك لازم تكتب وتتعلم صياغة الجمل صح.
• عارف إنك لازم تتدرب على الجرامر عملي بالأسئلة والممارسة الشفهية.
• عارف إن بعد مستوى B1 هتعطل فترة، وهتكون فترة مملة وصعبة بس معندكش خيار غير إنك تكمل.
• عارف إنك لازم تسيبك من ال Ai عشان لغى دماغك، ومبقتش قادر تتحرك من غيره، وبتشكك في كل معلوماتك حتى لو 1+1 بكام.
• عارف إن في نهاية المطاف لازم تعمل مصادرك بإيدك، ومينفعش تعتمد على مصادر غيرك الجاهزة.
• عارف إن بعد ما هترجع من كورس الساعتين في الأسبوع، مفيش مفر برده غير إنك تنمي اللغة بنفسك.
• عارف إن مينفعش توقف حياتك على ماسدج بعتها لواحد بتاع لغة عايزه ينصحك... أنت مش صغير، ولا هو عنده كلام جديد يقوله.

عزيزي، طريق اللغة واضح، ولكنه طويل، وهتتعب في بدايته وتعيط وتدبدب في الأرض ... واللي يقولك "هختصرلك الطريق ده في شهرين" بيضحك عليك، واللي يقولك إن "عنده طريقة عمرك ما سمعتها في تنمية اللغة" فعايز ريتش، واللي عامل محتوى تنمية بشرية "أنت تقدر، اللغة سهلة، والحياة بينك" فده بينيمك ... فوق لنفسك يا عزيزي وابدأ، عشان البداية صعبة، واستمر، عشان ده اللي هيوصلك.

لو بتعاني في الإنجليزي زيي كده… البوست ده ليك!

بصراحة أنا كنت دايمًا فاهمة الإنجليزي كويس (قراءة وكتابة)

بس لما ييجي وقت الكلام… بحس إني تايهة

لحد ما عرفت كورس اسمه Power English

لـ AJ Hoge

الكورس مختلف شوية عن الطرق التقليدية،

بيعتمد على إنك تسمع كتير + تفهم + تتكلم بدون ترجمة

مش حفظ قواعد وخلاص…

لكن تدريب فعلي يخليك تبدأ تتكلم بثقة

مناسب جدًا لو:

بتفهم إنجليزي بس مش بتتكلم

بتتوتر لما تحاول تتكلم

عايز تحسن الـ Listening & Speaking

أنا لسه في البداية،

بس حاسة إنه فعلاً طريقة مختلفة ومفيدة 💙

اللي حابب يجربه، هسيب اللينك في الكومنتات 👇

❤️ لو حد جربه قبل كده يقولي رأيه