30/03/2026
روح المنافسة والتحدى اللى بتكون موجودة بين الطلاب والبلالين فى كل مكان! 🌟🎈
والـSkills الى بتكتسبها من الـTeamwork وغيره، والـ networks الى بتكوّنها بين جامعتك وبين جامعات مصر ومنها لـ إفريقيا والوطن العربى ومنها لجامعات العالم كله! 🌍
عن أجواء حماسية وأجواء جميلة جداً بنعيشها كلنا وبنستناها كل سنة واللى بنبدأها بـ " ECPC Qualifications " لحد ما نوصل لأكبر مسابقة على مستوى العالم فى البرمجيات التنافسية وهى " ICPC "💥
طيب ايه هى ICPC ؟ 🤔
هى اختصار ل "International Collegiate Programming Contest "
وهى أكبر مسابقة على مستوى العالم لطلاب الجامعات فى البرمجيات او بالأخص الـ Problem solving ✨
بتكون أربع مراحل و أول مرحلة بتكون على مستوى الجامعه وهى
1️⃣ ESTCPC "EST Collegiate Programming Contest"
وهنا تيمات جامعتنا بتنافس بعضها عشان يتأهل منها أفضل التيمات الي تقدر تنافس ف المرحلة التانية🙅🏻♂️🔝
2️⃣ ECPC "Egyptian Collegiate Programming Contest"
وهنا التيمات اللي اتأهلت من المرحلة الأولي دلوقتي بتقدر تنافس علي مستوي جامعات مصر 🇪🇬🫡
3️⃣ ACPC "Africa and Arab Collegiate Programming Contest"
وهنا اللي بيقدر يصمد ويتأهل للمرحلة التالتة بيقدر ينافس وسط أقوي تيمات عربية وافريقية موجودة! 🌟
4️⃣ ICPC "International Collegiate Programming Contest"
وأخيراً الأبطال اللي بيوصلوا لآخر مرحلة وهم اللي بيقدروا ينافسوا علي مستوي العالم 🌍🔥
عشان تقدر تشارك فى المسابقة لازم يكون معاك Team، والتيم بيكون مكوّن من 3 أشخاص من نفس الجامعه، بتشاركوا مع بعض وبتتعاونوا على حل مجموعة من المسائل بـ إستخدام لغات البرمجة المسرّح بيها وهى
(C++ , Java , Python )
ايه اللي يخليني اشارك ف المسابقة وايه اللي ممكن استفيده منها؟ 🤔
- اول واهم حاجة طبعا وهي اننا ف خلال الفترة اللي قبل المسابقة ديه بنتدرب بشكل مكثف وبالتالي بنطور مستوانا ف ال Problem Solving بشكل كبير وده السبب الاهم اللي بيخلينا نشارك ف المسابقة لأنها طبعا اهم مهارة من المهارات اللي مهم جدا انها تكون عندك ف المجال بتاعنا علشان تكون Software Engineer ممتاز و تقدر توصل للشركات الكبيرة
- تاني حاجة هي انك بتتعلم مجموعة كبيرة من المهارات من خلال التدريب بتاعك قبل المسابقة زي انك بتتعلم ازاي تشتغل جوا تيم وازاي تتعاونوا مع بعض ف انكم توصلوا لحل مشكلة معينة وازاي تشتغل تحت ضغط وازاي توصل للحل ف وقت قصير وبأقل الموارد
- ثالث حاجة يا عزيزي إن ديه بتكون فرصة مهمة جدا وفريدة من نوعها مش بتيجي غير مرة كل سنة واجوائها بتكون رائعة جدا ومميزة وبتخليك تقابل وتتعرف علي ناس جديدة من كل انحاء الجمهورية من المجال بتاعنا وبيشاركوك نفس الاهتمامات وتقدر انك تتكلم معاهم وتستفيد منهم وتتنافس معاهم كمان ف المجال بتاعنا
عشان تقدر تشارك فى مسابقة ECPC Qualifications لازم تكون فاهم الـRules كويس وعامل كل الخطوات صح ✨
🔹 لازم تكون طالب فى المصرية للعلوم والتكنولوجيا عشان تقدر تشارك معانا وتسجل فى الفورم بتاعتنا ولو انت مش طالب فى المصرية للعلوم والتكنولوجيا ف لازم تشارك تبع جامعتك ومينفعش تسجل معانا فى الفورم بتاعتنا
⬛ ايه هو نظام المسابقة؟ تعالوا نعرف سوا 😃
◀️ المشاركة في المسابقة بتكون في شكل فريق مكون من 3 أفراد.
◀️ المسابقة بتكون مدتها 5 ساعات متواصلة. وبيكون في practice contest قبل المسابقة بتعرف من خلالها اذاي بتتعامل مع الجهاز واذاي بتعمل عمل submit للكود.
◀️ عدد المسائل في المسابقة في المعتاد من 8 لـ 15 مسألة مختلفة في المستوى بيتم حلها بأي من لغات البرمجة المسموح بها.
◀️ كل فريق متاح له يستخدم جهاز كمبيوتر واحد فقط! يعني 3 أشخاص وجهاز واحد بس.
◀️ كل فريق مسموح له يدخل أي مراجع ورقية معاه في ساحة المسابقة 📘
◀️ لما فريق يحل مسألة بياخد بالونة بلون معين مخصص للمسألة.
◀️ ترتيب الفرق في النتيجة بيكون حسب عدد البروبلمز والأسرع في حل المسائل بأقل عدد من المحاولات. ✨
◀️ طبعا نيجي ل فلوس الاشتراك (1500 للتيم ككل) يعني الشخص الواحد 500 ملهاش علاقة بمصاريف السكن والسفر دي مصاريف المسابقة بس
◀️ المسابقة بتعيشك جو التنافس والاجتهاد والفرحة في كل لحظة من لحظاتها في وقت المسابقة انت هتشوف كل ده وهتجربة بإذن الله🤍👏
⬛ المسابقة هتكون إمتي ؟ وفين ؟ وامتى أخر موعد للتسجيل؟ 🤔
◀️ المسابقة هتكون السنة دي في اخر اسبوع في شهر 7 إن شاء الله. ⏳
◀️ في الأكاديمية البحرية للعلوم والتكنولوجيا في أبو قير إسكندرية.
◀️ أخر موعد للتسجيل 20 / 4. 🕡
⬛ طيب بالنسبة للسكن أي نظامه؟
◀️ بيكون في سكن في بيت شباب أبو قير أو فندق الأكاديمية هنعرفكم كل التفاصيل قبلها.
⬛ طيب لو انت عايز تسجل تعمل أي؟
◀️ طبعا لو هتيجي متجيش لوحدك يابطل هات صاحبك النايم دا معاك وشجعه واعملوا تيم مكون من 3 وسجل في الفورم المخصصة للتيمات من تحت 👇
◀️ في حالة لو مش معاك تيم متقلقش يابطل تقدر تسجل في الفورم المخصصة لل individual تحت 👇
لازم كل تيم يختار واحد منهم يكون ليدر للتيم وهو اللي هيسجل في الفورم الخاصه بالمسابقة ودى لينك الفورم للي معاه تيم جاهز ويكون من المصرية للعلوم والتكنولوجيا، فرد واحد من التيم يسجل لكله( اخر ميعاد للتسجيل يوم 20/4) 👇
https://forms.gle/oYj4tpDKaPZuFQ7B6
بنأكد أن شخص واحد هو إلى بيسجل ف الفورم من التيم ولازم يكون التيم ليدر
⛔ مطلوب فى الفورم انك تكتب ايميل ICPC الخاص بكل عضو فى التيم
طبعا لازم لازم تعمل اكونت على موقع Icpc العالمى ولازم تكمل بياناتك صح كامله عليه وبطرق معينه ده فيديو بيوضح كل حاجه ف لازم الكل يسمعه حتى لو انت عامل حساب عليه ف لازم تسمعه برضو ع الأقل تسمع جزء البيانات والمعلومات المطلوبه ودا لينك الفديو 👇
https://youtu.be/5q_AzHwBwBs?si=bj7HyIKZ7gztPC-w
🔴 لينك الفورم للي مش معاه تيم ومحتاج تيم ( اخر ميعاد للتسجيل يوم 12/4)
https://forms.gle/P2AsFHNBpGhYJLw26
لو عندك اي استفسار تقدر تبعتلنا يلا يابطل منشن لصحبك اللي حابب يشارك ويستفيد ♥
Eventually😃
You don’t have to be great to start, you have to start to be great🦾
