التربية النفسية بمدرسة سليمان مبروك الثانوية المشتركة بعزاقة

تغريب اللغة العربية بقي شئ مخيف ‼️
يعني لما واحدة تحب تشتري فستان أو چيبة لازم تقول dress و skirt ومينفعش تقول غير shoes لكن لو قالت جزمة تبقى كده فلاحة ولو قالت حذاء الناس تبرقلها ، والجاكيت الشتوي بقي إسمه coat ولو قالت معطف الناس هتقولها إنتي جاية من عصر فجر الإسلام ، ولو كتبت أنف بدل مناخير الناس هيتريقوا عليها ، إنما لو قالت nose هتبقى من الطبقة الأرستقراطية !!

آخر حاجة لقيتهم عاملين إعلان على مخدة ومسمينها (( كوشن )) ومعاه صورة مرفقة تعرفك يعني إيه الكوشن ، المخدة بنت سلطح باشا بقى إسمها كوشن ومحدش يقول عليها مخدة عشان منفكرهاش بماضيها الحزين !!

تقعد مع طفل تلاقيه بيقولك الـ juice و lunch box وفي grade 2 و class و school والـ garden ومش عايز يبقى naughty وهلم جرا ..

ولو قلت شوكولاتة أبقي Low class ، لازم أقول شوكلت علشان أكون راقي ومتعلم و civilised !!

أنا مش فاهم إيه المشكلة في اللغة العربية بصراحة ، المطاعم بقت تنزل قايمة الطعام بتاعها كلها إنجليزي وكأن اللغة العربية بقت تجلب العار وبتحط من قيمة المكان ، تيجي تطلب الأكل لو قلت مكرونة بدل باستا أو سلطة بدل salad أو الحلو بدل dessert تلاقي الجرسون المصري وأبوه وجده وسواده ولونه مصري بيبصلك بإشمئزاز ، والجروبات إللي عاملينها مصريين وعرب وتلاقي قواعد الجروب مكتوبة إنجليزي ، والمحلات إللي بقت ستورز بقدرة قادر وبتنزل تفاصيل منتجاتهم بالإنجليزي فقط مع إن زباينهم مصريين ، الناس نسيت أصلها وعقدة الخواجة بدأت تطول الكل !!

الواحد معندوش مشكلة في فهم بعض كلمات الإنجليزية المشكلة دلوقتي التوجه العام لإستبدال كلمات عربية بإنجليزية لمجرد الفشخرة الفارغة ، وإنه بعد كده هيبقى فيه جيل صاعد مش عارف معني الكلمة بالعربي أصلاً ناهيك إنه كده بنخلق جيل مشوه فاقد الهوية لا عارف لغته الأم كويس ولا عارف يبقى خواجة !!

فوقوا إحنا كده رايحين في داهية وغالباً مش راجعين
ياريت نعيش عيشة إللي خلفونا يا جماعة 😏

اللغة العربية بكل فخر هي أعظم لغة 👌🏻
يكفي أنها لغة القرآن الكريم ولغة أهل الجنة 💜
#منقول

وماذا بعد ؟
لقد مر الطلاب فيما مر بهم من أيام مضت سعادة قد غمرتهم أو مشاعر حزن قد صدمتهم وذاك بعد إعلان نتيجة الترم الأول وظهورها ، وقد كان لابد لكلمات لهم جميعا ، وقد كان تأخرها عمدا لكي لا يضيع وقعها وتأثيرها ، فبعد تلاشي كلا الحالين ( الحزن والفرح ) لما عرض لطلابنا بعد النتيجة ، وبعد أن استعادت الأنفس استعدادها وتهيأت للترم الثاني وجب علينا أن نذكركم ببعض النقاط لعل لها منتفعا
١- عليك أن تبدأ الترم الثاني وكأنه سنة جديدة مستقلة منفصلة عن ما سبق ، لا تهتم بما حدث لك فى الترم الأول ولا تضعه في حساباتك أيا كان ما وقع ( نجاح أو إخفاق )
٢- لا تنشغل بالتقديرات أو التقييمات السابقة أو اللاحقة - مع أهميتها بلا شك - لكن ركز جهدك على ما تتعلمه وما تبذله حيال ذلك
٣- الموفق في الترم الأول يختار من طرق المذاكرة ما يناسبه ويلائمه وما يرتاح له ولكن إياه والثقة الزائدة في قدراته
٤- الغير موفق يجتهد في تحسين مستواه في المواد التى أخفق فيها ، ولكن لا تشغله عن بقية المواد ، بل يوازن ويكون مبدأه الأهم فالمهم
٥- أنت قادر على الفهم والنجاح وتستطيع ذلك لكن إن أردت ذلك حقا
٦- مدة الترم الثاني قليلة الأيام فلا تؤجل ولا تسوف
٧- ( كن على قدر المسؤلية ) لا أكثر من ذلك
وفقكم الله

* النجاح سلم لا تستطيع تسلقه ويداك فى جيبك

* قد تنسى من شاركك الضحك ، لكنك لا تنسى من شاركك البكاء

* احترس من الباب الذى كثرت مفاتيحه

* الذين يقاومون النار بالنار يحصلون عادة على الرماد

* الإبتسامة كلمة طيبة بغير حروف

* الضربات القوية تهشم الزجاج ولكنها تقوى الحديد

* الذين يفشلون لا يخططون من أجل الفشل ولكنهم يفشلون فى التخطيط

* إذا شاورت العاقل صار عقله لك

* ضعف الحائط يغري اللصوص

* " ولم أر فى عيوب الناس عيبا ** كنقص القادرين على التمام " قالها المتنبي

استفسارات البريد النفسي
س : المنهج أو الدرس مقسم لأجزاء ، إذا امتحنت فى جزء من الدرس بجيب درجات عالية ، لكن لو امتحنت على الدرس كله بجيب درجات منخفضة ، المشكلة ده حلها إيه ؟
الجواب : أولا لابد أن نضع فى الإعتبار إن أغلب بل يمكن كل مناهج الثانوية العامة مناهج تراكمية ، يعنى يبنى بعضها على بعض ، وبالأخص فى موضوعات الوحدة الواحدة والدرس الواحد ، معلومات الدرس أو الوحدة تبنى وتعتمد على ما سبقها من معلومات
ثانيا : إن طبيعة أسئلة امتحانات الثانوية العامة فى النظام الجديد تربط كل ما تم دراسته مع بعضه البعض فهى شاملة وليست قاصرة على نقاط معينة
ثالثا : إن تراكمية المناهج والمعلومات ( النقطة أولا ) وشمولية الأسئلة ( النقطة ثانيا ) يتطلب منا نظرة عامة شاملة تربط بين أجزاء الدرس الواحد وأيضا الدروس أو المواد وبعضها البعض ، وهذه النظرة الشاملة تكون قبل مذاكرة الدرس بالتفصيل وبعد الإنتهاء من مذاكرته وقبل الإختبار
رابعا : قد يرجع زيادة الدرجات عند إختبار أجزاء من الدرس وقلتها عند إختبار الدرس كله إلى ضعف التركيز والتشتت السريع للإنتباه ، بسبب عوامل كالسرحان أو التعب أو تأثير مثيرات خارجية أو داخلية أثناء المذاكرة ، مما يؤدي إلى نسيان المعلومات أو صعوبة استرجاعها
ومما سبق يمكن ذكر أهم نقاط علاج تلك المشكلة كالآتى
1- فهم الفكرة العامة للدرس وربط الأفكار والعناصر الجزئية للدرس بعضها ببعض
2- إجراء امتحانات شاملة على الدرس والتدريب عليها بإستمرار
3- يفضل أن يتم مناقشة هذه الأسئلة ( الإمتحانات الشاملة للدرس ) بعد حل الطالب لها شفويا مع أحد المدرسين أو الأصدقاء ، شفويا
4- أن يضع الطالب بعد إنتهائه من مذاكرة الدرس جميع الأسئلة التى تتعلق بالدرس والتى يمكن أن تخطر بباله حتى لو ظن أنها تافهة أو معقدة أو غريبة نوعا ما