Giga Academy

انضم لرحلة المغامرة مع Giga Academy واحترف ال front end development
🌟 HTML, CSS, and JavaScript

استغل اجازتك وطور نفسك في مجال من المجالات الرائدة حاليا وهي مهارة برمجة وتطوير مواقع الويب.
ومش محتاجين نعرفكم ان مفيش حد دلوقتي مش بيستخدم الويب سواء بتذاكر او بتبحث عن حاجة او حتي بتشتري حاجة اونلاين فكل الحجات دي صفحات الويب عنصر اساسي فيها 🌐.

عشان كدا حبينا نعرفكم ايه هو الويب وايه هي اهم اللغات الـ technologies المستخدمة في مجال الويب وخصوصا الـ front end.
والـ front end بإختصار هو اي حاجة مرئية اقدر اشوفها واتعامل معاها من صور ونصوص وفيديوهات والوان وازرار وحجات تانية غيرها كتير.

✅وهنا ييجي دور لغة 🧱HTML 🧱
ودي اللغة اللي بنبني بيها اساس الموقع او صفحة الويب بدون اي تنسيق او الوان او اي شكل كأننا بنبني موقع علي الطوب الاحمر😂 وطبعا بيكون الشكل بدائي جدا وملهوش اي هوية مجرد شوية صور وكلام وازرار فقط.

✅وبعد كدا بييجي دور لغة 🎨CSS🎨
ودي بقا اللغة المهتمة بشكل الموقع النهائي وبيتم تحديد كل الـ styles الموجودة في الموقع او صفحة الويب ممكن تعتبروها بمثابة مرحلة التشطيب والديكور بعد مرحلة البناء بلغة HTML زي ما عرفنا فوق.
وفي المرحلة دي بقا بنختار اشكال الازرار مثلا هتكون عاملة ازاي والالوان المختلفة اللي هتظهر في الموقع واماكن الصور وترتيبهم واحجام النصوص وحجات تانية كتير.

طيب حد هيسال طيب بعد كل دا كل زرار مثلا هيعرف وظيفته او دوره ازاي طبعا لسا مش فاهمين 🤨🙄
نوضح اكتر تخيل انت بتعمل موقع بيع كتب مثلا وانت محتاج تعمل زرار لما اضغط عليه يزود عدد الكتب اللي انا طلبتها بدل مهو كتاب 1 يبقي كاتبين ازاي الزرار دا بقا هيعرف اني عاوز ازود العدد يا رب تكونوا فهمتو😁

✅وهنا بقا ييجي دور لغة ⚙️JavaScript⚙️
ودي بقا اللغة اللي بتحدد وظيفة كل حاجة في الموقع او صفحة الويب ومن غيرها الموقع ممكن يكون شكله جميل وكل حاجة لكن مقدرش استفاد منه لانه مش بيعمل اي مهمة او وظيفة ولو هنكمل الشرح علي مثال البناء زي مشرحنا في اللغتين اللي قبل كدا فـ لغة JavaScript تعتبر بمثابة الاسلاك اللي موصلة الازرار باللمبة مثلا 💡
الأسلاك دي مش بكون شايفها كـ user لكن لازم تكون موجودة علشان لما اضغط علي الزرار اللمبة💡تنور.

بس كدا شوفت الموضوع سهل ازاي😁
طبعا هتقولي طيب اتعلم منين واطبق علي ايه علشان اثبت المعلومة.
علشان كدا احنا في Giga Academy هنساعدك تفهم وتذاكر الحجات دي كلها واكتر كمان وهيكون فيه مشاريع كتير تطبق عليها والمشاريع دي حقيقية ومن ارض الواقع بحيث تكون بتتعلم وفي نفس الوقت بتجهز الـ CV بتاعك بحيث تلاقي وظيفة بسرعة او حتي تشتغل freelance.

اعمل لايك❤️ وفولو علشان تعرف اكتر
ولو عندك اي سؤال ممكن تكتب كومنت او تتواصل معانا علي ماسنجر او واتساب الرقم هتلاقوه في الصفحة👌🫡