14/10/2020
نصيحة للماميز قبل الدراسة خصوصا قى مناهج انجلش حكومى من 1 ل 3 ابتدائى قبل اعدادى كمان:
بلاش لما تشوفى مناهج وواجبات ابنك ولا بنتك تقولى: يالهوى كل ده واجب وكل دى كلمات لأنهم بمجرد مابيسمعوا كلمة يالهوى دى عقلهم الباطن واللى مش باطن بيعمل Error وبيحلف طلاق تلاتة ماهو فاهم ولا متعلم ولو جبتيله توماس أديسون وأينشتاين مش هيفهم منهم لأن مامته قالت يالهوى وبعد يالهوى دي خلاص تجيبي سعد زغلول يقولّك: مفيش فايدة ولازم تراعوا إن زمنهم غير زمانكم واستيعابهم غير استيعابكم زمان لأننا درسنا انجلش من 4 ابتدائى وفضلنا سنتين ناخد على وهبة وهالووو على وهالووو هبة ....
Mr. Amr AL Mokabati
