SP/Yasmena Esam

مع اطفال ال Adhd وهو اضطراب فرط الحركة ونقص الانتباه بنعاني من كذا مشكله زي قله تركيزه واندفاعيته وفرط ف نشاط مبالغ فيه

مخ الطفل عبارة عن مراكز🧠
وكل مركز مسؤل عن وظيفة
ومراكز مخنا دي عامله زي العضلة💪🏻
لو شغلتها وتمرنت عليها هتكبر وتقوي👌🏻
لو سبناها واهملنا فيها هتضعف اكتر واكتر 🤦🏻‍♀️

⭐️اول مركز : مركز العواقب )Consequences awareness)
مهم ننميه عند الاطفال زي مثلا يعرف يعني اي عواقب يعني اي هيحصل اي؟🤷🏻‍♀️
يعني هيحصل اي او اي عواقب عدم مذاكرة واهمال دراستك؟
او اي عواقب اهمال تمارين رياضه مستمرين فيه؟
او عواقب اهمال واجبات عليك ملزم بيها من بابا او ماما ؟
اي عواقب اننا نتسرع ف حاجة ونندفع ف فعل معين بنعمله من قبل م نحسم الامور وخطورتها بعد كدا؟
⭐️تاني مركز وهو مركز تركيز (concentration centres )
ودي مراكز مسؤلة عن تركيز ودي عاوزه نشتغل عليها ضروري اوي عشان دي اكتر حاجة بتوجلهنا مشاكل مع أطفالنا انو مش مركز وغير كل (ده هو بيزهق بسرعة ) من كثر النشاط معاه

⭐️تالت مركز وهو مركز الذاكرة طويلة المدي( long term memory )
دي الذاكرة اللي كلنا نفسنا نقويها ف أطفالنا وف نفسنا عشان نفضل ل اطول فترة ممكنة فاكرين حاجات
عشان طفلك يكون فاكر معلومات للامتحان وبعد الامتحان ول امتحان السنة اللي بعدها لو فيه معلومة هتفيده
عشان يفتكر تفاصيل عن رياضه اللي بيلعبها ويعرف يبتكر فيها

🌟🌟كل المراكز دي عاوزه شغل وتكثيف علي انواع ذاكره وتمارين ل زيادة الانتباه والإدراك وتركيز للطفل
#ذاكرة
#تشتت

مساء الخير
هنتكلم ف بوست ده عن التلعثم او زي م بنقول بينا وبين بعض التأتأة
لسه في ناس فاكرة إن التلعثم مجرد “تأتأة” أو توتر وقت الكلام، لكن الحقيقة إنه أكتر من كده
التلعثم مش ضعف، ومش حاجة نخجل منها هو تحدي بيواجهه الطفل
أو الشخص يعني تلعثم ممكن يظهر فجاة عليا وانا كبير؟ ايوا ممكن جدا في كل كلمة، وكل جملة، ومحتاج دعم وفهم مش خوف وتريقة مننا

طب اي هو تلعثم بشكل اوضح؟
هو اضطراب في طلاقة الكلام، بيخلي الشخص يكرر صوت أو مقطع أو يتوقف أثناء الجملة.
وبيظهر غالبًا في الطفولة، خصوصًا وقت بداية تكوين الجمل والكلام بطلاقة

طب لي بيحصل ي دكتور

الأسباب ممكن تكون:
• عوامل وراثية.
• ضغط نفسي أو توتر.
• اختلاف في طريقة عمل مراكز الكلام

الأسباب ممكن تكون:
• عوامل وراثية.
• ضغط نفسي أو توتر.
• اختلاف في طريقة عمل مراكز الكلام بالمخ واللي هي فيرنك وبروكا
• أو أحيانًا بيظهر بدون سبب واضح.

🔹 إزاي نساعد الطفل اللي بيتلعثم؟
• منقاطعهوش وقت الكلام.
• نسمعه بهدوء ونبص له بعين الاهتمام مش الشفقة.
• منعلقش على طريقته في الكلام
• نوفر له بيئة هادية وآمنة يتكلم فيها براحة.
• والأهم نلجأ لأخصائي تخاطب يساعده بطريقة علمية ومناسبة لعمره واللي ابسطها واساسي فيها
نعمل تمارينات التنفس ب كل اشكالها هتساعده ينظم نفسه وقت الكلام ودا اكتر حاجة هتساعده يقول كلام ب طلاقه صحيحة
#تخاطب #تلعثم #تاتاة

أهلاً بيكم
النهاردة هنتكلم عن موضوع مهم جدًا بيواجه أطفال كتير ف وقتنا الحالي وهو التأخر اللغوي🗣️
ساعات بنلاحظ إن الطفل اتأخر في الكلام أو مش بيعبّر زي اللي في سنّه
ودا ل بعض الاهالي والامهات مشكله وباقي بيستهون لحد م بيعيدي وقت كان احسن نستغل المشكله ونحلها وهي لسه صغيره بس الحقيقة إن كل مشكلة ليها حل لما نفهمها صح ونتعامل معاها بدري
هنعرف مع بعض يعني إيه تأخر لغوي، إيه العلامات اللي تخليّنا نلاحظ بدري، إيه أسبابه، وإزاي نساعد طفلنا يطور اللغة ويحسن من اداء لغته

طب هو الطفل اللي متاخر لغويا دا مش ذكي ؟

لا مش مقياس مش كل طفل اتاخر ف اللغة مش ذكي هو بس محتاج مساعدة وتوجية بدري عشان يثبت ذكائه ب افعال ولغة
طب هو اي التأخر اللغوي؟🤫
الطفل ما يوصلش لمستوى الكلام والتعبير المناسب لعمره مقارنة بالأطفال في نفس سنه او اقل منه سن
يعني مثلاً طفل عنده سنتين ولسه ما بيقولش كلمات واضحة أو مش بيكوّن جملة أو طفل عمره 3 سنين ولسه كلامه قليل جدًا أو مش مفهوم

طب اي الحاجات اللي لو لاحظتها لازم اسال واعرف دي مشكله ولازم احلها بدري مع طفلي؟🤔

* كلامه اقل من اللي ف سنه
* لغة تعبيرية عنده ضعيفه يعني بيفضل المشاوره
* بيتكلم بس هو بيشاور اكتر الوقت دا
* كلامه مش مفهوم للي حواليه
*استجابته للكلام ضعيفه لغته الاستقبالية ضعيفة
* مش بيقلد اصوات او حركات

اي ممكن يكون سبب للتأخر اللغوي📌

قله التحفيز ودوافع للغة وكلام حوالين الطفل
مشاكل ف السمع
تأخر نمائي
سمات ل اضطرابات توحد
اسباب ترجع ل نفسيه او بتوضح مع الاسرة وولي الامر

ازاي احل المشكلة🧐

احفز طفلي للغة ب بيئة مشجعة ل دا
نبعد الشاشات
والاهم المتابعة مع اخصائي تخاطب

كل كلمة بتعلميها لطفل بتفتحي له باب لعالم كامل🩷

"وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَىٰ عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ"

اللدغات من حاجات اللي كلنا وحوالينا بنحب نسمعها ك نطق من الناس اللي عندهم اضطراب زي كده
وبنحب نسمع كلمات ب نطق ل حرف مش صح معاهم
اللدغه دلوقتي مش بس لازم لما نستقبلها نضحك ونكمل ف كده وبس لا لازم نبدأ نعالج
طب اي هي اللدغه؟
هو اضطراب من اضطرابات النطق 🗣️
بتعمل صعوبة ف نطق اصوات ل حروف زي السين والراء واللام والشين والتاء والكاف
وكل ده بسبب وضعية للسان خطئ❌
اللدغه ممكن تعمل صعوبة كبيرة ف حياة الشخص من طفولته مشاكل من انواع كتير (نمائية او اجتماعية او اكاديمية او نفسية )
علاجها سهل وبسيط و ببعض التمارين اللي بننفذها وبيتم علاجها ف أعمار مختلفة والاحسن ف طفولة الشخص