البِنداري في العلوم المتكاملة والأحياء - Mr/ Ahmed Wael

تالتة ثانوي 🚨

للمره المليون اهو ، عشان مترجعش تندم 😂🤷
الناس اللي كلمتني علي مجموعة جديدة للچيولوچيا ؛
ان شاءالله هنبدأ من الأول خالص ( شرح ومراجعة ) 👌
الوقت الباقي مش كبير للأسف ، لكن هيكون كافي يخليك تضمن الچيولوچيا ومتشيلش همها بأمر الله 🖤🖤
فيه مجموعتين دلوقتي( صبيان - بنات ) 🤷

○ مجموعة الصبيان (يومين في الأسبوع) :
الاتنين / الأربعاء ⬅️ الساعة 6 ⏰️
○ مجموعة جديدة بنات ( ثلاث أيام في الأسبوع ) :
السبت / الاتنين / الأربعاء ⬅️ الساعة 4 ⏰️
العنوان : جامع الأميرة - منزل الحاج وائل حسين جَروش بجوار منزل الشيخ محرم العطار 👍

بلاش تطنش عشان هتيجي في الآخر وتلطش 😂

♡ أعانَكم الله وكتب لنا ولكم كل الخير ♡❤️
أ / أحمد البِنداري 🧬❤️

الصف الثالث الثانوي ( عام ) 🚨🚨
ان شاءالله مجموعة جديدة ، بداية جديدة لمادة الچيولوچيا ( شرح و مراجعة ) 👌
الچيولوچيا هتتشرح ليك من الأول خالص وهتراجع عليها وتحل تدريبات قبل الامتحان 🤎
خليك عارف : مش معني إنها صغيرة تبقي ملهاش لازمة ❌️ ، الچيولوچيا لو أهملتها ممكن تضيعك 🤷👍

الحضور : حصتين بس كل أسبوع
الميعاد : الإتنين - الأربعاء ⬅️ الساعة 6
المكان : مسجد الأميرة - منزل الحاج وائل جَروش - بجوار منزل الشيخ محرم العطار
رقم التواصل والواتساب 📞 : 3403 1779 010

♡ كَتَب الله لنا ولَكُم كُل الخير ♡❤️
أ / أحمد البِنداري ♡❤️🧬

كل عام وأنتم بخير وصحة وسعادة 🖤
كل عام وأنتم دائماً أقرب إلي الله 🖤

الترم الأول والتاني توأم مش شبه بعض 🔥🤷
أول ڤيديو علي صفحتنا علي تيك توك دلوقتي يا شباب ❤️
ڤيديو بسيط ، نصيحة بسيطة سهل تفهمها وتستفاد منها ❤️
ومتنساش اللايك والفولو الجميل بتاعك 🥰
♡ كَتَب الله لَنا ولَكُم كُل الخير ♡
لو عندك تيك توك اضغط علي رابط الڤيديو 👇👇
https://vt.tiktok.com/ZSuxFEGcL/
يهمني رأيك ❤️

بسم الله نَبدأ ونَستَكمِل ❤️
خَلّص يا باشا أجازتك واتبسط ... هتلاقيني مستنيك عشان نُدخل الترم التاني مع بعض 👬🚶‍♂️🖤
إن شاءالله مواعيد بداية الترم التاني لعام 2026 لجميع المراحل التعليمية في الصورة اللي قدام حضرتك 🖤

نصيحتي ليك بلاش غياب الترم التاني بالذات في كل دروسك عند جميع المُدرسين عشان دايماً بيكون ترم قصير وبيجري بسرعة 🏃🤷❤️

أ / أحمد البِنداري ♡❤️🧬
رقم التواصل والواتساب ☎️: 3403 1779 010
المكان : مسجد الأميرة - منزل الحاج وائل حسين جَروش - بجوار منزل الشيخ محرم العطار •

♡ كَتَب الله لَنا ولَكُم كُل الخَير والنجاح ♡

حاجة كده مِنّي ليكم قبل بداية الامتحانات ❤️
عزيزي المُتسرع وعزيزتي المُتسرعة 😂🩶
لو راجعتم نفسكم آخر كام سنة في إجاباتكم علي معظم الأسئلة هتلاحظوا إن الإجابة الخاطئة بتطلع منك قبل الإجابة الصحيحة بكام ثانية فقط ، صح ولا ايه ؟!!😂
أنا جاي النهارده اقولك خد وقتك في التفكير قبل ما تجاوب أي إجابة ، عشان الإجابة الخاطئة متطلعش منك والإجابة الصحيحة تطلع بأجمل صورة 🩶
في فرق بين السرعة والتّسرع ، خليك سريع مش متسرع 🖤
إتقَل ومتستعجلش عشان تجاوب صح 🤌🖤
أ/ أحمد وائل البِنداري ♡❤️🧬

طلاب 3 ثانوي 🚨🚨🚨
مجموعة جديدة في الجيولوجيا من البداية 🩶
أربع حصص بس كل شهر ، ومعاد الحصة كل جمعة ، رغم ان الجيولوجيا 6 دروس بس ، لكن حضرتك لازم تفهمهم وتراجع عليهم كويس عشان متواجهش صعوبة في مذاكرتهم لذلك هنبدأ مع بعض من الأول خالص 🖤
ابدأ جيولوجيا متكسلش واوعي تستهتر بيها عشان هتزعل ، حصة كل جمعة مش كتير لكن ان شاءالله تفرق معاك 🤝🖤
أ/ أحمد وائل البِنداري ❤️
رقم التواصل والواتساب : 01017793403
أعانَنا وأعانَكم الله وكَتَب لَنا ولكُم كُل الخَير ❤️

عزيزي الطالب وعزيزتي الطالبة 🖤
تعالوا أنصحكم نصيحة أخوية صغيرة 🖤
لو فاكر إنك ممكن تحقق أحلامك وأهدافك بالدعاء والصلاة بس !! تبقي بتضحك علي نفسك عشان تداري علي فشلك وضعفك ..
مفيش نجاح من غير تَمَن ، والتمن غالباً بيكون مجهود او معاناة أو الاتنين 🖤
خليك عارف ان مفيش حاجه اسمها حظ ، والخطوة اللي فيها غِش عمرها ما هتفيدك أبداً
خَلّي عندك ضمير واعمل اللي عليك والباقي كله علي ربنا 🩶🖤
أعانكم الله وكتب لنا ولكم كل الخير 💚
أ/ أحمد وائل البِنداري ♡🤎

استمتع 🖤 كوباية الشاي بتاعتك وتعالي 🖤
شوف الصورة الأول وارجع إقرأ الكلام 👇☝️

شوفتها ؟! تمام بص يا صديقي ..
《 أهلا بك في جسم الإنسان 》
ركّز عشان تقول الحمدلله 🩶

تخيل عشان تحرك اي جزء في جسمك او حتي تتحرك خطوة واحدة بس ده بيحتاج معجزة بس عشان انت مش عارف فاكرها حاجه بسيطة وسهلة 🤷

ربنا خالق ليك أربع أجهزة كاملين متكاملين في جسمك مخصوص عشان تقدر تتحرك حتي لو حركة بسيطة جداً

4 أجهزة بيشتغلوا عشان تقدر تاخد كوباية الشاي بتاعتك من علي مكتبك وتشرب منها (بوق) وترجعها مكانها تاني !!
< إليك الأجهزة الأربعة بإختصار شديد > 🖤

1/ الجهاز العصبي ( الأعصاب ) :🩶
لك أن تتخيل إن احنا لو ربطنا جميع أعصاب أي شخص بالغ مع بعضها وحبينا نقيس طولها هنلاقيه تقريباً 145 ألف كيلومتر (انت متخيل المسافة !!) ، تخيل شبكة كاملة بالحجم ده داخل جسمك عشان تنقل أي إشارة عصبية تخليك تروح لكوباية الشاي بإيدك وتشيلها وتشرب منها ! 🖤

2/ الجهاز العضلي ( العضلات ) :🩶
حضرتك لما بتكون شخص بالغ في مرحلة الشباب هتلاقي جسمك بيحتوي علي تقريباً 620 عضلة معظمهم تحت أمرك في أي وقت ، العضلات تنقبض وتنبسط عشان تحرك الجزء اللي انت عايزه يتحرك ، يعني عضلات دراعك كلها عملت انقباض وانبساط عشان حضرتك تقدر تشيل كوباية الشاي 🖤

3/ الجهاز الهيكلي ( العظام ) :🩶
وانت في مرحلة الشباب بيكون عندك تقريباً 206 عظمة كلهم موجدين عشان يرسموا شكل جسمك ويشيلوا جسمك كله ويساعدوك في كل حركة هتعملها مهما كانت تافهة عشان كده حضرتك قدرت تمسك كوباية الشاي بإيدك بكل قوة وتَمَكّن ، والعظام بتتحرك بسبب انقباض وانبساط العضلات 🖤

4/ الجهاز الدوري ( الدورة الدموية - الدم ) :🩶
قلبك مع كل نبضة بيضخ كمية دم لكل أجزاء جسمك ، الدم بيمشي في خراطيم إسمها أوعية دموية ، الأوعية دي لو ربطناها مع بعض هيكون طولها تقريبا 96 ألف كيلومتر ( متخيل !! )، والدم مهم جدا جدا عشان حضرتك تقدر تتحرك ، هتقولي ازاي !! هقولك ان هو اللي بينقل الغذاء والأكسجين للعضلات عشان تصنع الطاقة وتتحرك هي كمان ومن غيره مفيش غذاء هيوصل للعضلات يبقي مفيش انقباض وانبساط يبقي مفيش تحريك عظام يبقي مفيش حركة اصلا 🖤

تخيل كل المشاركة والترابط والتناغم اللي بين الأجهزة ده عشان حضرتك تاخد بوق شاي واحد 🙂🖤

يعني من الآخر الأعصاب بتنقل الأمر للعضلات ، تقوم العضلات تصنع طاقة من الغذاء اللي الدم جايبه ، فتبدأ تنقبض وتنبسط فتؤدي إلي تحريك العظام بالطريقة اللي مخك عايزها ..

شوفت بقه !! دول أربع معجزات بس من معجزات ربنا في خلقه ، حافظ علي صحتك وقول الحمدلله 🖤
آسف لو طولت عليكم 🩶

أ/ أحمد وائل البنداري 🖤