26/08/2026
تجربتي كأم لأول مرة ❤️🧸 | ألعاب جبتها لابني وفعلاً استفدت منها
بما إني أم لأول مرة، في حاجات كتير اشتريتها لابني وأنا مش عارفة هي فعلًا هتفيده ولا مجرد شكل حلو 😅❤️
لكن فيه شوية ألعاب حسيت إنها فرقت معايا فعلًا، فقلت أشارككم تجربتي يمكن تفيد أم جديدة زيي 👇🏻
🔔 1️⃣ الشخاليل
من أول الشهور، ودي من أبسط الألعاب لكن فايدتها حلوة جدًا ❤️
بتساعد الطفل على الانتباه للصوت، وتتبع مصدره بعينيه، ومع الوقت يبدأ يمسكها ويهزها بنفسه، وده بيدرب التآزر بين العين واليد.
🐥 2️⃣ ملاهي البط المتزحلق
دي بقى ابني بيحبها جدًا 😂❤️
الطفل بيحط البط فوق، ويتابع البط وهو بيتزحلق لتحت.
وبتساعده على التركيز وتتبع الحركة، وفهم فكرة السبب والنتيجة، وكمان بتدربه على الإمساك بالبط ووضعه في المكان الصحيح.
ومع الطفل الأكبر نقدر نستغلها في العد والألوان كمان 👌🏻
🧸 3️⃣ الألعاب الـ Soft
الألعاب الناعمة اللي فيها خامات وأشكال مختلفة بتخلي الطفل يستكشف باللمس، ويحاول يمسك ويسحب، وده بيساعد على تقوية عضلات اليد والأصابع والتنسيق بين العين واليد.
🦷 4️⃣ ألعاب السيليكون والعضاضات
خصوصًا مع بداية مرحلة التسنين ❤️
بتدي الطفل فرصة يستكشف بفمه بشكل مناسب، وبتساعده على الإمساك والتحكم في اللعبة، وبعضها ممكن يخفف إحساس انزعاج اللثة عند التسنين.
✨ واللي اتعلمته من تجربتي:
مش لازم ألعاب الطفل تكون كتير أو غالية عشان يستفيد منها!
اللعبة البسيطة ممكن تكون وسيلة ممتازة للتعلم وتنمية مهارات الطفل، لو اخترناها على حسب سنه واستخدمناها بطريقة مناسبة.
📌 مهم جدًا: السن المكتوب هنا تقريبي، والأهم دايمًا نتأكد إن اللعبة مناسبة لعمر الطفل، مفيهاش أجزاء صغيرة قابلة للانفصال، ونستخدم الألعاب اللي تحتاج إشراف تحت عين الأم.
لو حابين أشارككم الألعاب اللي اشتريتها لابني من أول شهر لحد دلوقتي، واحدة واحدة وفايدة كل لعبة اكتبولي ❤️👇🏻
