Mr: Eslam Hassan - Maths in Mansoura

01/08/2026

هااااام لكل طلاب المنصوره
( مدينه مبارك و الاستاد مجمع المحاكم حى شرق )

تم التعاقد مع سنتر اكاديميه مدينه مبارك على التواجد هذا العام باذن الله

لكل المراحل
Sec1 / pr3 /pr2 / pr1
Pr6/ pr5 / pr4

عنوان السنتر /
مدينه مبارك شارع طه شوقى امام جامعه الازهر
أو من ابو الليل عند جيم yt

و تم الاتفاق على. ان تكون عدد المجموعه فى كل مرحله عدد محدود جدا

فا لو ناوى تشرفنا فى السنتر تواصل معانا و مع اداره السنتر لأن فى مجموعات شبه العدد فيها اكتمل

الحق مكانك و أسالنا على كل التفاصيل و المواعيد

Mr: Eslam Hassan
What's app/ 010 15753724

ارقام الحجز و التواصل مع اداره السنتر
01030894471
01140051474

19/07/2026

الناس كلها عماله تفتح حجز
و الحق باب الحجز و خلاص هنقفل و مش هندخل حد

اى يا جماعه براحه شويه احنا لسه فى اجازه حتى ..

بما أن أولياء الأمور مصممين أن الماث اهم ماده
و لازم نلحق نحجز الماث بسرعه

قولت يلا نتوكل على الله و نبدا اليوم
و اسلمك فى ايدك مفتاح باب الحجز
بتاع مستر اسلام فى ماده الماث

لكل مراحل
Sec1 pre3 pre2 pre1
pr6 pr5 pr4

باذن الله نلعن عن بدايه حجز لكل طلابنا
فى جميع محافظات مصر

📌مجموعات حضور فى المنصوره و طلخا

💯 فى مفاجاه حلوه لكل طلاب مدينه مبارك
و المناطق المجاوره ليها هنعلن عنها بكره

📌و اون لاين لايف
لكل طلابنا على مستوى محافظات مصر

و دائما بقولها انا دعايتى هى طلابى و أولياء الأمور
انتو الأساس ❤️
و بيوصلنى كلامكم عنى لكل اللى بيسأل ع ماده الماث
و دى حاجه تفرحنى جدا

انا مش بعمل دعايا و انشر فى كل الجروبات
دائما مقتنع أن ترشيحى من ع لسان طالب او ولى أمر
ده اقوى دعايا ليا

الحمد لله احنا كل سنه عدد الطلاب الاوائل مدارس
و محافظات و المتفوقين فى الماث بيزيد أضعاف عن كل سنه و ده توفيق من ربنا اولا و ثقه أن كل سنه عن التانيه لازم نطور من نفسنا اكتر

احنا فتحنا حجز خلاص بلغ كل اللى ميعرفش عشان يتواصل معانا و يعرف كل التفاصيل

وادخل بس كلمنا برساله بسيطه عن الواتس اب
و ابعتلنا بياناتك
What's app / 010 15753724
و كمل اجازتك براحتك

و احنا لسه هنسق كل حاجه و نتواصل معاكم جميعا

خد حقك من الاجازه عشان لما نبدأ الدراسه تاخد حقها

بالتوفيق للجميع و باذن الله عام دراسي سعيد علينا جميعا

07/07/2026

نصيحه لكل ولى أمر ولاده فى ثانويه عامه 😂😂

هيقولك عندى حصه اون لاين مراجعه فيزياء مهمه الساعه 7

قوله ماشى و روح افصل الراوتر ابنك بيتفرج ع الماتش 😂😂

03/07/2026

للتااااريخ يا مصر.. للتاريخ يا حسام يا حسن.. 🇪🇬✌️

مصر فى دور 16 المنتخب العالمى

مبروووووك يا مصر 👏🏼.. الحمدلله يارب

02/07/2026

امتحان الكيمياء أنهارده امتحان صعب فعلا
بعد ما سألت معظم مدرسين الكيمياء أجمعوا ع كده
و يمكن اصعب بكتير من السنين اللى فاتوا

خلينى اتكلم من وجهه نظر كل الأطراف عشان اوضح الصوره

من وجهه نظر ولى الأمر

يعنى امتحان صعب ابنى حل 15 كتاب و كان بياخد درس فى سنتر و درس اون لاين ازاى يطلع صعب
اكيد العيب ف المدرس أو ابنى مذاكرش

بص حضرتك ابنك لو شاطر و ذاكر و عمل اللى عليه بجد
لو قالك امتحان صعب يبقى فعلا صعب

طب هو كده التقصير من المدرس نفسه بقى أن هو اللى مداش كل الأفكار و قال الماده العلميه بتاعته كامله

احب اقول لحضرتك أن مهما كنت فارم المنهج و الأفكار و مكسر الدنيا انا كواضع امتحان لو عاوز اجيبه ميتحلش ده سهل جدا عليا

و هنا تقييم الصعوبه بيكون عليه عوامل كتير

اسئله محدش شافها قبل كده ف لجنه امتحان
اسئله صعبه وراه بعض تاخد وقت و مجهود طالب قاعد ف لجنه 3 ساعات
و طبعا كلنا عارفين أن معظم اللجان بتكون الجو العام فيها لا يصلح للتركيز ف امتحان
ده غير تفكير الطالب اصلا فى أن مع كل سؤال انا مستقبلى بيضيع أنا مش هجمع درجات

عامل الوقت ف اللجنه ده خطير جدا لأن انا ممكن اجيب لحضرتك سؤال اختيارى ياخد 10 دقائق ف اللجنه
و سؤال تانى يتحل ف دقيقه
هنا بقى لو جبت معظم الاسئله اختيارى تاخد وقت كبير ده لوحده بيصعب ع الطالب
الامتحان حتى لو كان السؤال مستواه متوسط
لان الوقت بيجرى الاسئله لسه مخلصتش و لسه بفكر عاوز اراجع و لسه عاوز اظلل البابل شيت

والله والله اسهل حاجه علينا كمدرسين لو عاوز احط سؤال اخلى الطالب ميحطش. فيه قلم والله مهما كان مذاكر

فا عشان كده ابنك عمل اللى عليه و قال صعب صدقه

انا ليا جمله شهيره جدا بقولها الامتحان هو ( لجنه )
عرفت تتعامل و تسيطر ع اعصابك جوه اللجنه مبروك عليك

و اكبر دليل ع كده اصعب اسئله جو اللجنه لو خرجت من اللجنه و بصيت عليها هتلاقيك حليتها

ده انا ابنى كان بيقفل كل امتحانات الدروس ازاى بيقول ع ده صعب

يا حبيبى. هو صعب عشان ده لجنه ثانويه عامه و تورت و قلق و تفتيش و جو عام يوتر

معلش يعنى ده انت كولى أمر بتكون قاعد مرعوب و انت اصلا بره المدرسه ما بالك ب اولادك بقى

و ع فكره المدرس بتاع ابنك لما بيقول الامتحان صعب أو فيه تريكات هو هنا حاطط نفسه مكان ابنك ف اللجنه
و بيقيم ع مستوى الطالب مش مستواه كمدرس

إنما اى امتحان بالنسبه لأى مدرس عادى يتحل اى المشكله يعنى

فا بلاش حد يطلع يقولك ده الامتحان سهل جدا تقول بس يبقى هو كان بيدرب طلابه ع المستوى و هو كده اشطر من غيره بلاش حد يضحك عليك

الامتحان بيتقيم ع مستوى الطالب ف اللجنه مش المدرس

من وجهه نظر الطالب

انا طول السنه طالع عينى و حليت و عملت كل حاجه و فر نفس الوقت طالع بشتكى من الصعوبة و منهار

بص يا حبيب قلبى انت مهما كان قدرتك ف تحصيل الماده مستحيل توصل لنفس خبره و معلومات المدرس

ما بالك بقى اللى بيحط امتحان ثانويه عامه ده راجل موجه كبير و خبره سنين كتير اوى و مستواه الفكرى ف الماده عالى. لدرجه ان هو بيألف اسئله امتحان

فا اكيد عنده القدره أن يقدر يحط اسئله فعلا تعجز

فا بص يا ابنى انت عملت اللى عليك و الشكوى ع الكل مش عليك لواحدك فا خلاص أرمى وراه ضهرك و لا تفكر اصلا ف الامتحان

حقك تزعل والله بس متخليش الزعل يكتر و ياخد معاه الماده الجايه لا اقفل ع نفسك و فكر ف اللى جاى اللى فات خلاص مش ف ايدك تعدله والله مهما فكرت فيه

والله لحد دلوقتى بسأل نفسى سؤال ملقتش له اجابه والله
اى المميز و المفيد ف انك ك موجه تحط امتحان تعجيزي للطالب

اى الهدف من كده و الله ملقتش اى اجابه مقنعه نهائيا

طبعا بعد ما دخل نظام الثانويه العامه و المتحرر و ان انت تجيب اى اسئله من دماغ الموجه بس أصبح دلوقتى مهما جاب من اسئله تعجيزيه محدش هيقوله حاجه

نفسى اى موجه يعرف حاجه بسيطه
انت بتحط امتحان تختبر فيه الطالب فى تحصيل المعلومه مش بتحط سؤال صعب و يكون لسان حالك لو جامد بقى يا عم الطالب حل السؤال ده لو عرفت

بلاش اسلوب فرد العضلات ده والله لأن انت أجمد بكتير من اى طالب فا هنا المقارنه ظالمه

لو انت بتحط امتحان تعجيزي و حاطط ف دماغك مدرسين الماده و الاون لاين المشاهير و الكلام ده احب اقولك
ان والله الامتحان ده للطالب مش ليهم

الطالب هو الضحيه ف النص
و أنت ف الاخر مش هتحط امتحانات تانى

و المدرس ده هيكمل شغله مع دفعات جديده

الطالب الغلبان هو اللى ضاع ف النص
و ضاع حلمه ف دخوله الكليه اللى عاوزها
بسبب فرد عضلات و فزلكه ملهاش لازمه
و الطالب ملوش ذنب فيها

رجاء من كل موجه مسئول ع وضع امتحان
اتقى الله و هات امتحان متوازن يدى لكل طالب حقه و يفرق بين المستويات بما يرضى الله

صدقنى دعوه المظلوم بلاش تستهون بيها خالص و ما بالك انت قدام 922 الف طالب ثانويه عامه ده غير أولياء امورهم
الدعوات دى مش سهله تقهر الناس عشان ف الاخر شويه اسئله صعبه و ف الاخر مش هتستفيد حاجه

و عاوز اقول لموجه الكيمياء انهارده
أن فى بنت أ ن ت ح ر ت من مدرسه ف اسيوط
بسبب الامتحان

ها قادر تستحمل ذنب حاجه زى دى !!!

فا ربنا يعدى فتره الثانويه دى ع خير و نعمل اللى علينا فى كل ماده عشان نقدر نجمع أكبر قدر ممكن من الدرجات

28/06/2026

انهارده كان أول امتحان ثانويه عامه عربى

طبعا لو فتحت النت مش هتعرف تحدد مستوى الامتحان

طبيعى 922 الف طالب دخلو امتحان عدد كبير جدا جدا متقدرش تاخد رأى كل الطلبه دى و تجمع ع مستوى الامتحاان

نسبه الطلاب الشاطرين طبيعى أقل
فا اللى مستواه متوسط او اقل لما هيتكلم هيعمل دوشه اكتر

فا مستوى الامتحان تعرفه من مدرس الماده فقط لا غير

بلاش نمشى وراه السوشيال ميديا نهائى

فكك من جو صفحات السوشيال ميديا و سؤال الطلبه بعد الامتحان قدام اللجان
90٪ من الطلبه دى عاوزه تبقى تريند و بتقول اى كلام

عشان ترجع البيت تفتح تشوف الفيديو بتاعها جاب كام لايك
و ده لا عارف و لا فارق معاه اصلا

من الاخر الطالب الشاطر و اللى مركز فى مستقبله
مبيتكلمش والله و لا بيقول حاجه
بيروح بيته من سكات و بيحاول يفكر ف الماده اللى بعدها

نصيحه لكل طالب الماده اللى تخلص قول الحمد لله
و ركز ف اللى بعدها انت بتجمع درجات
و اوعى تحسب هنقص كام و لازم اجيب كام

الكليه اللى السنه اللى فاتت كانت بتاخد من 90٪
وارد السنه دى تاخد اقل او اكتر

فا ركز انك مع كل ماده تخلص بلاش تراجع خالص
و ركز ف اللى جاى عشان تجمع اكبر قدر من الدرجات

نصيحه لكل ولى أمر حاول تقلل الضغط و التوتر ع اولادك
و خفف عليهم و نبعد المقارنات نهائى مع أى حد

كلهم هيدخلوا كليات و الله و مش مهم داخل اسم كليه اى

الشاطر اللى هيختار الكليه المناسبه لقدراته
عشان يكون متميز فيها

27/06/2026

حكم الفار اللي لغى جول إيران ف آخر دقيقة 😂😂😂😂

27/06/2026

الحمد لله صعدنا 🤕😂 مينفعش نكسب مرتاحين ابدا منبقاش منتخب مصر 😳

22/06/2026

الرابع على إدارة طلخا

مازن أحمد عاطف ❤️

Congratulations 🎊

22/06/2026

اللى عملوه حسام حسن بين الشوطين
عشان نكسب ماتش انهارده 😂😂😂😂