Step by step with Amira Allam

🛑 للام والاب والعائله 🛑
اديله التاب او الفون شغلي كرتون او طيور الجنه خليه يتلهي فيه ويتكتم انا جاي من بره مصدع مش عاوز صووت ❌❌❌

اوعي تنسي التاب واحنا خارجين الخروجه هتبوظ وهيفضحنا قدام الناس📵 🤦🏻‍♀️

بسرعه بسرعه الحقي هتفتح الجعورة شغلولها اغنيه "ماما زمانها جايه" 🔌📲📱

طبعا الكلام ال فوق ده كلنا بلا استثناء قولناه او سمعناه من ناس كتير ف كل خروجه او تجمع بدرجات متفاوته واحنا مش حاسين🤦🏻‍♀️
الام او الاب اول ما ابنهم يطلعله حس ويبدأ يتعرف ع كل شئ حواليه تدور ع اي حاجه تسكته بيها كأنها بتكتم *بلاعه*
😘مش ده البيبي ال كان نفسكو فيه؟
وكان نفسك يناغي ويلعب ويتفاعل معاكي وتسمعي صوته وضحكته وزنه يملي الدنيا كلها
ليه مصرين تسكتوه وتكتموه بشتي الطرق وتلهيه بطرق تخليه عُرضه جدا للتأخر في الكلام والانطواء والبعد الاجتماعي والتوحد
وتدخلو ف دوامه وتلفو ع الدكاتره
🔴في دراسات بتأكد ان القنوات ال بتعرض اناشيد برتم معين زي *طيور الجنه* بتكون سبب من اسباب التوحد اللاجيني وبتخلي عندهم اعراض معينه زي🔻
◀️مش هتلاقي تواصل بصري بينك وبين الطفل
◀️مش هينتبه لو ناديتي عليه بإسمه
◀️لما تحضنيه مش هيتجاوب معاكي
مش بيتجاوب بنظره مع الاحداث ال ف البيئه المحيطه الل حواليه ع عكس الاطفال ال ف سنه
◀️مش بيحب يلعب ولا تفاعل مع اصدقاءه
◀️عدواني بشكل كبير
◀️بيعمل لنفسه عالم خاص بيه من اللعب
◀️الطفل بيكون عنده خمول وكسل شديد
والمشكله الاكبر بقي ان الام او الاب بيفرحو جدا ان الطفل سكت وبقي هادى لما ادمنو الفون او الشاشه وبطلو زن ومش بيلاحظو الاعراض الل ظهرت عليهم وخصوصا لو في اطفال اكبر منه واخدين تركيز الام او الاب ف المذاكره والامتحانات
وحرام نحرمهم من تفاعلهم مع البيئه والناس والمجتمع عشان نرتاح من زنهم ونعرف نشرب اي كوفي ونتكلم براحتنا بدون زن وعييط
الطفل لازم يلعب ويناغي ويكتشف البيئه من حوله ويكسر ويفشكل اللعب ويركبها ويبتكر
عشان يطلع سليم ومتزن
❌ارجوكــي بلاش تديله الفون او التابلت📵
✔️ارجوكــي فضي نفسك واقعدي معاه والعبو سوا ✨🎊
باللعب والمكعبات
احكولهم قصص والعبو بالصلصال
لونو مع بعض الاشكال والرسومات
بس بلاش نسيب اولادنا للشاشات ال بتدمر نمو عقلهم

🔴للاباء فقط 🔴
ممنوع ان تكون صامت داخل المنزل ممنوع شخصيتك تكون صارمه
⬅️عندما تصبح أبًــا🔻

✨ لازم تكون شخصيه مرحه وتنزل لمستوي الطفل وتدخل عالم الاطفال
تلعب وتشاركه في جميع الانشطه وتتناقش وتتفاعل مع الطفل كثيرًا
ولو كنت عكس ذلك!! فكيف يكتسب طفلك اللغه والمهاره والنطق؟

🛑علامات تشير الي جلسات تنميه المهارات🔻

🔴تأخر في تحقيق المهارات الاساسية لو لاحظتي ان ابنك يعاني من صعوبات اكتساب اللغه والمهارات الأساسية مثل القراءة والكتابه والحساب والنطق فقد يكون بحاجه الي دعم إضافي

🔴صعوبات ف التركيز والانتباه:-
اذا واجه ابنك صعوبه ف الانتباه لفترات طويله ويكون من الصعب عليه التركيز علي المهام المدرسيه أو الأنشطة الاخرى فقد يحتاج إلى تدخل خاص لتنمية مهارات التركيز والانتباه
🔴صعوبات في التواصل الاجتماعي:-
لو لاحظت ان ابنك يفتقر الي التواصل او يجد صعوبه في التواصل مع الاخرين وفهم العواطف والتعبير عن مشاعره فقد يستفيد من جلسات تنميه مهارات التواصل الاجتماعي
🔴ضعف في مهارات التخطيط والتنظيم:-
اذا واجه ابنك صعوبه في تخطيط وتنظيم المهام المدرسيه والحياتيه واليوميه ويكون من الصعب عليه تنظيم الوقت وادارة المهام فقد يستفيد من جلسات لتطوير مهارات التخطيط والتنظيم

طفل يشتكي من أمه والسبب تأخر الكلام؟ !!

يا جماعة انا زهقت ، امي دي غريبة جدا ، ليل نهار رايحه جايه تزعق فيا وانا لا حول ليا ولا قوه ، يرضيكوا كده يا جماعه ! 😔

والسبب ايه ، تخيل يا استاذ ،تخيلي يا أستاذه🤔 علشان مش بتكلم ، كل شويه تزعقلي وتقولي يا واد انطق دي اسمها ايه ، يا واد اتكلم انت مش بتتكلم ليه ! 🤬

علشان كده انا قررت أديلها اخر فرصه واقولها النصائح دي ولو معملتش بيها وقعدت تزعقلي هسيبها وأروح عند تيتا 😎

- اتكلمي معايا كتير كتيير جدا كأنك بتتكلمي مع صاحبك فتكتات علي الفون انتي طول اليوم ساكته ، عايزاني اتعلم الكلام منين وانتي مش بتتكلمي معايا ! 🤔

- هو انتي فكراني راجل كبير ؟ ، اما تتكلمي معايا كلميني بجمل بسيطة علشان أفهمها واتعلم منها - أكل رز ، أغسل أيدي ، ألعب كورة، أشرب مايه - الجمل الطويله بتخليني أتوه ومش بفهمها. 🤷🏻‍♂️🤦🏻‍♀️

- ليه بتتكلمي بسرعه ؟ لو حد بيجري وراكي قوليلي وانا هتصرف انتي معاكي راجل في البيت ، اتكلمي براحه شويه وخلي صوتك واضح علشان ألقط الكلام. 🤓

- بتقعدي كل شويه تمسكي حاجات في ايدك وانا مش عارف اسمها .. ممكن تسميلي كل حاجه بتيجي في ايدك بعد اذنك علشان اتعلم اسمها ايه واقولها بعد كده. 🌚✌🏻

- انتي مش بتشجعيني خالص ، الله يباركلك اما اتكلم او اقول اي حاجه شجعيني علشان افهم ان الكلام ده حاجه انتوا بتحبوها واتكلم كتير بعد كده. 😃

- خلي بابا يجيب حاجه حلوه علشان بحبها 😂