Mr. Ibrahim Madkour - Biology

Mr. Ibrahim Madkour - Biology خبرة 23 سنة بمدارس فخر اللغات بالدقهلية

24/10/2025

Enjoy the videos and music you love, upload original content, and share it all with friends, family, and the world on YouTube.

🧬حبايبنا دفعة ثانوية عامة 2025 ....جه الوقت نتكلم عن خطتنا إن شاء الله السنة دى و هنعمل إيه هنجاوب على أسئلة زى:*هنعمل إ...
09/08/2024

🧬حبايبنا دفعة ثانوية عامة 2025 ....جه الوقت نتكلم عن خطتنا إن شاء الله السنة دى و هنعمل إيه هنجاوب على أسئلة زى:

*هنعمل إيه؟
*هنشتغل ازاى؟
*الحل أخباره؟
*المتابعة
*الدعم العلمى
*سنتر و لا أونلاين؟
*الامتحانات و حاجات تانية....

🧫(Plan of the year):
إن شاء الله الكلام اللى جاى ده هو إجاباتنا على أسئلتكم ...

#نظام الشغل:
سواء كنت أونلاين أو سنتر فى حصتين ليك منفصلتين أساسيتين كل أسبوع إن شاء الله ..الحصة الواحدة حوالى ساعتين او ساعتين الا حاجة بسيطة (مظبطينك فى الوقت اهو) هتختار نظامك و معادك براحتك عادى خالص ..لو كنت سنتر لازم تحضر من بعد أول حصة إن شاء الله قبل معادك بحوالى نص ساعة عشان حاجة جميلة مستنياك اسمها "Quiz" و ده اللى هنمتحنك فيه على الحصة اللى قبلها و كل ما هتخش فى الباب هتلاقى أسئلة تراكمية من أول الباب عشان نتأكد أنك بتراجع و مش بتنسى بسهولة المعلومة ...اخر معاد دخول ليك هو قبل الحصة بربع ساعة (أقصى حاجة) ....طب يا مستر حصل ظرف طارئ و اتأخرت بسبب الطريق مثلا...عادى جدا هتخلص حصتك و تمتحن و ممنوغ دخولك للحصة اللى بعدها إلا اما تكون مخلص امتحاناتك كلها (طب حصل تأخر أكتر من مرة و بدون سبب واضح ساعتها هنتواصل مع ولى الأمر)...

أخيرا خلصت الQuiz هتخش الحصة خلاص هنبدأ نعمل مراجعة سريعة Quick revision على اللى خدناه الحصة اللى فاتت و نبدأ نخش فى الجديد و نشرحه على مهلنا و بالراحة و كله مفهوم إن شاء الله و فى اخر الحصة بنحل أسئلة الثانوية العامة على الجزء المشروح إن شاء الله

و فى اخر الحصة طبعا فى واجب مش كتير عشان ميكونش ليك حجة فيه افكار متوسطة و اسئلة حلوة و أسئلة ممكن تبقى عالية عليك فى الأول بس و إياك تيجى من غير الواجب 3 مرات ورا بعض (حظك هيبقى جميل لما ترجع البيت و تلاقى الحاج قاعد مستنيك)

#طب يا مستر بس كده؟
لا بس كده إيه؟ احنا لسة بنسمى
هتستلم مع المذكرة إن شاء الله مذكرة تريكات El-Kabsoula و مذكرة أسئلة تفكير عالية Bullets

و مع نهاية كل باب إن شاء الله فى ورشة عمل عليه بنجمع فيها إن شاء الله أفكار الكتب الخارجية لغات أو عربى فى محاولة مننا نلم بكل الأفكار اللى تيجى على الباب ده و كمان بعد كل عدد أبواب محدد كده بنشوف الطالب محتاج إيه بنعمل على الأبواب دى ورشة مجمعة فيها بردو أسئلة و ملحوظات

هتستلم كمان مع المذكرة إن شاء الله كراسة رسم صغيرة
To learn it, draw it
و ده بعد ما تضح لينا بعد كتر أسئلة الثانوية إنك تفتكر الرسمى بكل تفصيلة مهمة و ده هيساعد ذاكرتك التصويرية (البصرية) لأن واضح إن اللى بيحط امتحان الأحياء بيحب يتقل كتير على تفكيرك فى الصور

#الحل كده كويس يعنى؟

و الله لو التزمت إن شاء الله فأنت كده عملت تقريبا كل اللى تقدر عليه معانا و احنا عملنا اللى نقدر عليه معاك و يتبقى إنك تدعى ربنا و إن ربنا يوفقك لكن كأسباب دنيوية فأنت هتكون إن شاء الله عامل كل حاجة

#المتابعة
السنة دى فى المتابعة غير إن شاء الله سواء سنتر أو اونلاين كل شهر إن شاء الله هيتبعت لولى أمرك حضورك و حلك للامتحانات الجزئية و الشاملة بدرجاتك و كمان حلك الواجب عن طريق الهبد و لا فكرت 🤔

#طب عايز أسأل يا مستر!

هناك يجى دور الدعم العلمى...هيبقى معاك إن شاء الله ناس ترد على أسئلتك و تحاول تقنعك على أد ما يقدروا إن شاء الله باللى مش مفهوم عندك

# سنتر و لا أونلاين؟

الطلاب فى الأغلب تلات شخصيات

الأول: طالب مش بيلتزم إلا بمعاد حقيقى و ده نقوله احترم شخصيتك و انزل سنتر و بلاش اونلاين عالاقل الوقتى

التانى: واحد ملتزم جدا بس مبيحبش الفرهدة و وجع القلب و نزول و طلوع نقوله الاونلاين احسنلك خده و كده كده معاك الحصص مسجلة طول السنة و ليك نفس مميزات السنتر (ممكن بس هتفقد حتة ان المستر قدامك عشان تناقشه ..لو معندكش مشكلة يبقى اونلاين و توكل على الله)

التالت: واحد لا هو ملتزم اوى و لا سايب اوى نقوله جرب سنتر و اونلاين و الأنسب ليك خده و كده كده *السنتر ليه كود يفتح بيه حصص الأونلاين كمان بسعر مخفض*

#الامتحانات
طبعا بعد كل باب ان شاء الله فى امتحان سنتر و اونلاين و قبل كل امتحان شامل بينزل ليلته امتحان اسمه Green Test امتحان ظريف لطيف بيراجعلك على معلوماتك بأفكارها و كده و ده إجبارى و لكن درجته مش محسوبة

تيجى اليوم اللى بعده تاخد الامتحان الحقيقى و هو هيبقى تقيل شوية عن اللى قبله و ده اسمه الBrown Test عشان نعودك على الصدمات عشان ميحصلش اسوأ منها أخر السنة إن شاء الله

فى النهاية، نتمنى تكون كل حاجة وضحت إن شاء الله تبقى سنة سعيدة عليكم و علينا و ربنا يكلل عملكم بالنجاح و التوفيق

_Mr. Ibrahim Madkour_
_Teacher of Biology_

Address

الدقهلية/المنصورة
Mansoura

Website

Alerts

Be the first to know and let us send you an email when Mr. Ibrahim Madkour - Biology posts news and promotions. Your email address will not be used for any other purpose, and you can unsubscribe at any time.

Shortcuts

Share

Category