First Step

22/03/2022

Happy Mother's day ❤️
كل يوم بيعدي علينا هو بمثابة عيد للأم 😍
شكرآ ياماما ع كل حاجة عملتيها لينا ولسه هتعمليها 💙🎈

30/11/2021

نصيحة للي عندهم اطفال من 3 إلى 5 سنوات لازم يكون عندكم التطبيق دا علي الموبايل رااااااااااااائع جدا بيخلي الاطفال يحفظوا الارقام والحروف سواء عربي او انجليش بسرعة رهيبة وهم بيلعبوا ويتسلوا في نفس الوقت .. اطفال حواليا كتير حفظت الارقام واشكالها كلها ومعظم الحروف الابجدية منه هو بس وطورها جدااا جربوه

اسمه Ice Hero
https://tinyurl.com/iceherooo

وطبعا حددي مدة استخدام الطفل للموبايل بحيث لا تزيد عن نصف ساعة يوميا لاننا جميعا نعلم اضرار الافراط في استخدام الشاشات عموما كالتليفزيون والكمبيوتر والموبايل.

تعليم اشكال الحروف والارقام العربية والانجليزية بسهولة من خلال اللعب وبطريقة ممتعة للطفل بدون تدخل منك

04/11/2021

احنا عيالنا شطاااار أوي 😍
أي لعبه ممكن تكون مفيده للطفل بس لو زودنا عليها الكلمات عشان تزود حصيلة الطفل من المفاهيم اللغوية ❤️
الفايز يرفع ايده😌💪

29/10/2021

التربية من 4 ل 12 سنة
1. بنت او ولد مفيش لعب او بقاء برة البيت بعد الساعة 8 .
2. 30 دقيقة قراءة في اليوم .. ( كتب هما الي يختاروها )
3. الأب يخف من قول " انا طالع عيني في الشغل" ويقضي وقت مع عياله
4. متضربيش ابنك وتحضنيه لما ينام .. ابنك محتاج الحضن وهو صاحي !!
5. مفيش مهرجانات ولا اغاني تشتغل في بيتنا .. في كلام ربنا
6. خد ابنك الصغير او بنتك معاك المسجد .. حببهم في بيوت الله.
7. مفيش أفلام .. في كارتون محترم
8. بنتك متتسابش مع ولد او رجل حتى لو موثوق فيه .. وبلاش تهاون في الموضوع ده !
9. الساعه 9 يكونوا في سريرهم
10 .آية الكرسي قبل ما يناموا .. وبعدها حضن كبير
11 . يكون موجود جدول للصلاة .. واللي يلتزم يجيله هدية
12 . ولادك ميسمعوش عن خناقة بينك وبين أبوهم ولا حتى صوت عالي
13. إبنك يشوف احترامك لمامته .. علشان يحترم زوجته ..
14 . مفيش تدخين جوه البيت ولا قدام ولادك حتى من الضيوف
15. الاستحمام وغسل السنان كل يوم
16. لما يتكلموا اسمعوا لهم حتى لو كلام تافه ..
لو مفيش انتباه لكلامهم النهارده .. مش هيتكلموا خالص بكرة !!
17 . مفيش نت نهائي في السن ده غير تحت اشرافكم
18. حاولوا يشاركوا في رياضة في سن مبكر
19. نعلمهم يحبوا الناس كلها .. ومنغتبش خلق الله قدامهم
20. علموهم يثقوا في نفسهم وشكلهم ( خصوصا البنات)
21. علموا الولد يحن على اخته ويخاف عليها
22. علموا البنت تحب أخوها وتخاف عليه

استعينوا بالله ❤
الجيل الجديد ده محتاج وقفة بجد ..
احنا في ناحية والافلام الهابطة والمجتمع في ناحية !!
مش عايزين جيل متحرشين جديد
مش عايزين جيل محطم نفسيا ومش واثق في نفسه !
مش عايزين جيل واخد الدين عادة ..
عايزين نعلمهم الأخلاق.
#منقول

29/10/2021

اقفشوه بيعمل حاجة صح.. يمكن يكررها‼️😅

#الفاميليا

27/10/2021

أطفال كتير ممكن تيجي في أوقات تكتب الحروف بالعكس وخصوصآ س.. ش.. ٤..٩...S و٢ مكان ٦ والعكس.. الخ😁 دا اسمه mirror زي المرايا ودا طبيعي جدآ وخصوصآ في سن 4 سنين ل سن 5 سنين... ومع الوقت بتظبط 😌طيب أنا كأم المفروض أعمل ايه؟!🤔
1- مجبرش الطفل انه يمسك القلم الا لو كان هو حابب يمسكه وأسيبه ياخد وقته
2- مزعقش ليه وأضربه لو لقيته عاكس الحروف بالعكس أفهمه براحة خالص وواحدة واحدة.
3-أهتم طبعآ بالمادة التعليمية وأعمله حروف يلمسها بايده حتي لو بورق الكرتون المهم يشوف ويحس وفيه مكعبات ع شكل حروف دي كويسه جدآ.
4- أبعده عن التليفون.
5-مضربوش لو عكس الحروف هو مش رايح الثانويه العامه
6- أبعده عن التليفون.😌🙂

26/10/2021

🎉😍

06/08/2021

مهم جدآ😌