08/03/2025
ازاى اعمل جلسة صح ؟
الكلام مش للاخصائى بس الكلام للامهات كمان
ياااااااالاه بينا
اولا
عشان اعمل جلسة صح محتاج بيئة خالية من المشتتات
1- بصرية.......... يعنى حضرتك مينفعش تشتغل فى اوضة فيها ملصقات على الحيطة وكمان الادوات بتاعت شغلك مينفعش تكون موجود على الترابيزة بتعمل تشتيت للطفل .......فى البيت بقى مينفعش ياماما نشتغل الجلسة مع الطفل والتلفزيون شغال او فى مكان فيها مشتتات بصرية تانية
2- سمعية ..........كذلك الكلام هنا مينفعش ادير جلسة فى مكان فيها مجموعه من الاطفال فيها مراكز بتكون قسم الاوضة بفواصل خشبية وبالتالى بيكون فيه صوت اخصائى اعلى من التانى وده بيعمل تشتت للطفل ...... وفى البيت مينفعش اعمل جلسة فى وسط اخواته او مكان ما هما بيلعبوا
ثانيا
الكرسي....... يكون مناسب للطفل مينفعش طفل صغير ويقعد على كرسي كبير ويقعد يحرك رجليها شمال ويمين ما هو تحت منها فراغ وكذلك الطفل الكبير الكرسي يكون بردوة مناسب عشان لو صغير رجليها هتتعب عشان متنيها تحتها
الترابيزة ......تكون مناسبة لآرتفاع الكرسى والطفل مينفعش ترابيزة عالية مع طفل صغير ويبقا مش طايل وكذلك طفل كبير ترابيزة اصغر هيكون موطى وضهره هيتعب
ثالثا
تحضير الاهداف ...نركز هنا وانت فى البداية ابدء بهدف بسيط يكون الطفل عارفه وعشان تعمل تهيئة للطفل فى اللى جاى مش ادخل كده هو مطلوب كده اعمل وبس وقبل كل ده بناء العلاقة مع الطفل من اهم الحاجات فى ادارة الجلسة كمان
معرفة مدخل الطفل
بصرى
سمعى
مختلط
ودى بقى شطارتك فى الجلسة
هتلاقى طفل مثلا بيحب البالونه .عليك انك تستخدمه مدعم وفى نهاية الجلسة بياخده يلعب بيها
وده بيكون حسب برنامج الطفل
تحضير الانشطة اللى تخدم الاهداف
ناخد مثال
مثلا ... هدف بيقول
تنمية المهارات الحركية الدقيقة للطفل
طيب هنا هستخدم ايه عشان اوصل بيها للهدف بتاعى
1- الصلصال
2- كرة الضغط
3- نقل الماء من طبق لطبق
4- تقطيع ورق
بعد كده اهتم بتحضير الادوات اللى استخدمه فى الجلسة
والادوات ليه شروط وهى
تكون واضحة .الكرت ميكونش مقطع
مثيرة
شيقه
امنه
كمان تكون على يمين الاخصائى وتكون مرتبه بترتيب الاهداف عشان ما اخدش وقت وانا بدور على الاداه اخلص النشاط انقل الادوات على الشمال
نقطة مهمة جدا
اختيار الوقت المناسب للجلسة
مينفعش اعمل جلسة والطفل جعان او عاوز ينام او تعبان
ادارة الوقت
تحديد وقت الجلسة .بمعنى
احدد للهدف وقت معين يعنى لو الجلسة عندى نص ساعه او ساعه اقسم الوقت على الاهداف واكون عامل حسابى فى خمس دقايق اكتب اللى اتعمل فى كراس الطفل واشرح للام انا عملت كذا وكذا وازى تنفذى فى البيت
تحديد المعززات
وده بقى بتعرفه من الام ابنك بيحب ايه اكتر وايه اقل شوية
معرفه السلوكيات الصادرة عن الطفل
🧩
📈
✌️
06/03/2025
05/03/2025