مدرسة أرض المغامرة للتعليم البديل

زيرو تلات تسعات خلصنا الامتحانات 😍
باقي من الزمن أسبوع واحد وتتعالى صيحات الاحتفال من الأمهات قبل الأطفال 😂❤️✌🏻

للأم العزيزة اللي الامتحانات خلصت عليها احنا هنا علشان نروق عليكي
برحلتين أروع من بعض 😍

عاوزة تصحي يوم الخميس أول يوم أجازة تنزلي الولاد رحلة لحصاد الفراولة مع فريق أرض المغامرة القمر وتعدي تستجمي وتروقي في البيت بهدوء بعد مدعكة الامتحانات
ماااشي

عاوزة تيجي معاهم رحلة الفراولة وتعيشي يوم قمر معاهم
زي الفل

عاوزين الأسرة كلها تطلع الجمعة رحلة بورسعيد في أحلى وقت لبورسعيد في السنة
زي الفل برضو

المهم إنكو هتختموا أسبوع الامتحانات معانا في يوم كله مرح ومتعة وصور تحفة وذكريات قمر تغسل هموم الامتحانات 😍

الرحلة مناسبة للأسر والبنات من كل الأعمار

تفاصيل الرحلات ⬇️

⛵رحلة بووورسعييييد

رحلة بورسعيد الرحلة التي يحبها الجميع 😍❤️

رحلتنا خارج الحدود رايحين قارة تانية 😍❤️

رحلة بتجمع بين قارة أفريقيا وقارة آسيا 💖

فرفشة وجمال وروقان رحلة بور سعيد بتاعتنا اللي متعودين عليه 🤩💖

بور سعيد السهل الممتنع، رحلة مريحة ورايقة وفي نفس الوقت ممتعة جدا جدا

رحلة عابرة للقارات بباص المدرسة العجيب من قارة أفريقيا لقارة آسيا 😂❤️

هنسافر سوا بورسعيد الجميلة ⚓🌊⛵

⛵قعدة رايقة على شط هادي 🏖️
وكمان معاه كيدز أريا للأطفال يلعبوا ويتسلوا 💖

⛵ جبال الملح وما أدراكم ما جبال الملح واللعب والتنطيط وفرحة العيال بالتسلق واللعب بالملح

⛵ المعدية والنوارس 💖

⛵ بورفؤاد وجمال المدينة وأحيائها الهادية وبيوتها الجميلة

⛵ حديقة فريال اللي تحسسك كأنك سافرت أوروبا 🥳❤️

⛵ جولة حرة لزيارة السوق أو حلقة السمك أو الشوكولاتة المستوردة 😉

🌊 بورسعيد رحلة قريبة وهادية ورايقة وبلد جميلة قادرة تبسط الكبار والصغيرين

👨‍👩‍👧‍👦 الرحلة متاحة للعائلات والبنات من داخل وخارج المدرسة

الرحلة الجمعة ١٦ يناير
الانطلاق من المنصورة 7
والرجوع 11:30 مساءا

الجولات والبحر هيكونوا في جو من الروقان و الحلاوة
الباص مكيف
الرحلة للأسر والبنات في صحبة آمنة وراقية

📌 الإشتراك بالتسجيل على رقم الواتساب هنبلغك البرنامج والمواعيد والتكلفة وكل التفاصيل 💖

🥳 ومتنساش تسأل على هدية الرحلة 😉🤩
وادخلوا الجروب علشان تتابعوا كل تفاصيل رحلاتنا 👇🏻
https://chat.whatsapp.com/BQf9ZeAOJvB1bv42C0BJh8

🍓رحلة الفراولة
رحلة حصاد الفراولة في الإسماعيلية يعني إيه؟ 🤔

يعني رحلة جديدة وتجربة مميزة ومختلفة وسط الطبيعة
يعني صحبة رائعة أسر وبنات رايقة وراقية

يعني فسحة حلوة في بداية الأجازة وصور وذكريات روعة

ايووووة إحنا بنحقق أحلامكم 😂💖

رحلة العيد لحصاد الفراولة في الإسماعيلية 🤩
رحلة حصاد جديدة 🍓 ومغامرة جديدة مع أرض المغامرة 🤩💪🏻

المرة دي رحلتنا للإسماعيلية باريس الصغرى وأجمل مدن القنال 💖✨

فقرات الرحلة :

🍓 حصاد الفراولة في مزرعة فراولة مدهشة في تجربة ريفية متكاملة محصلتش 💖 خبيز عيش وفطير في فرن بلدي و فطار فلاحي يفتح النفس وشاي على الحطب وعصير فراولة لسه مقطوفة ومشاركة في الخبز وصنع الجبن والحصاد واللعب مع حيوانات المزرعة

🍓 جولة في أجمل مدن القنال، الإسماعيلية ✨

جولة صباحية رايقة في منطقة الغابة وشجرها العالي كأنك سافرت برة مصر
ألعاب جماعية للبنات والأطفال طيارات ورق ولعب كورة وشد الحبل

جولة في المدينة وجوها الجميل والاستمتاع بمنظر القنال الصبح والسفن اللي فيه وحكي لتاريخ المدينة وحواديتها

🍓 جولة في مركب في بحيرة التمساح

🍓 موعد الرحلة الخميس ١٥ يناير

🍓 تبدأ من ٧ صباحا حتى ٨ مساءا

🍓 متاح الحضور للأسر والأطفال والبنات من داخل وخارج المدرسة

👌🏻 ادخلوا جروب الواتساب علشان تعرفوا تفاصيل الرحلات الجديدة أول بأول 😉

https://chat.whatsapp.com/BQf9ZeAOJvB1bv42C0BJh8
و سيبوا فراولة 🍓في كومنت علشان نبعتلكم كل التفاصيل رحلة الأحلام ✨💖
اللي فيها كل حاجة بجد 💖💖🤩🍓


، 😉
❤️❤️🌿

مفاجآت لا تنتهي من صندوق المفاجآت 😂✌️
مع كل إنجاز فجأة هتلاقي إيدك وسط حاجات مشوقة كتير وتاخد حاجة تتبسط بيها 😌
آخر هدية أخدتها من الصندوق كانت إيه؟ 🤔

في نهاية ٢٠٢٥ اتعلمنا في درس الفلَك إن الأرض كملت دورة كاملة جديدة حول الشمس 🌞
وراجعنا أحداث السنة كاملة الخاصة بكل واحد، ولقينا كتير من الحاجات اللي شكرنا ربنا عليها وحسينا بالامتنان تجاهها، عنينا لازم تتدرب إنها تلقط كل نعمة! ♥️

كل سنة وأرض المغامرة بخير 😍

الإنجليزي بيحتاج إيه عشان يثبت؟ 🤔
مش بس تمارين وحل أسئلة، ولكن مشاركة فعالة ونطق سليم لكل حرف، مش بنربط الحروف الانجليزي بالعربي وخلاص! لأ، دي لغة تانية ليها مخارجها اللي لازم تتظبط من البداية 👌

عشان كدا بادر بحجز مكان طفلك في المدرسة، المكان اللي هيحب يروحه كل يوم ♥️

تفتكروا حسن كان بيعمل إيه؟ 🤔

تعلم ولعب وشمس وهوا 🌞
أشبال حضانة أرض المغامرة خلال يوم مليئ بتعلم المناهج والانبساط 🤩

لو كل المدارس بنتعلم فيها نفس المعلومات فإيه المختلف عندنا؟ 🤔
١- طريقة عرض المعلومة بتفرق جدا، التركيز مع أنماط الأطفال، مين حركي فنعلمه بطريقة حركية، مين ذاكرته سمعية، مين ذاكرته بصرية، لازم يتم مراعاة كل اللي موجودين.
٢- الأنشطة اللي بتحببهم في المكان وتحسسهم إنهم كل يوم متحمسين ييجوا المدرسة، ممكن يبقى عندنا عمل فني، إعادة تدوير، شوربة عدس عشان الشتاء 😂، أو حاجات كتير ممكن تكتشفها بنفسك 😌
٣- ترتيب المعلومات وطريقتها، عشان كل معلومة تكون في مكانها الصحيح.
٤- المتابعة في الواجبات المدرسية بشكل تفاعلي يخليهم يخلصوا كل اللي وراهم.
٥- التفاعل مع الطبيعة وقضاء وقت ممتع في أماكن متعددة.. من الآخر مفيش ملل 😌

احجز مكان طفلك معانا في أرض المغامرة واسأل على التفاصيل في التعليقات 👇😍

الشتاء بيفصح عن نفسه بأكثر الطرق وضوحًا، الودان بدأت تسقع، والإيدين مش حاسين بيها، والرقبة بتدخل جوا زي السلحفاة 😂
بس أنشطتنا مليانة حركة وطاقة، وممكن تنسى الساقعة في ثانية 😌❤️

شاركنا في مدرسة أرض المغامرة تجربة تعلم فريدة، هتشوف فيها طفلك وعيه بيزيد وبيتعلم بشكل تطبيقي مميز، في ظل نظام تربوي قادر يحسسه بالأمان 🥰

استنوا يا شباب مش معنى إننا بنحب الطبيعة إننا نحضنها حرفيا! 😂
لو ممكن تكتب كابشن على الصورة دي هتقول إيه؟ 👀

من قلب الـ Kids Area عندنا، تقدري تطمني على ولادك إنهم في جو ممتع وآمن ومليان أنشطة 🏃‍♂️
المشكلة الوحيدة إنهم مش هيبقوا عايزين يروّحوا البيت 🤦‍♂️