لكن طبعا كل ناجح وليه كاره وحاقد ... وناس بتدبر الشر لاتنين لا فكروا يأذوا حد او يعملوا حاجة تضر بحد بالعكس كل اللي بيشتري منهم بيدعيلهم
اللي سرق التابلت من مبنى الوزارة ماتحاسبش ولا جت رجله ف القضية !!!
والتاجر اللي اشترى من اللي سرق ولا كأنه يعرف اي حاجة عن القضية
والتاجر اللي اشترى من التاجر الاول ولا ليه ف الموضوع
واللي كان ف الصين بيجيب بضاعة وخلى الناس اللي شغالة معاه تستلم التابلت
علشان هو مش مدي اي خيانة او غدر هايجيله من اي ناحية لاي حد
هوب يتحكم عليه ب 10 سنين لسوء النية ف السرقة واللي سرق او اشترى ف الاول وبعدين ولا اسمهم جه ف الموضوع
#سلطان اخد 10 سنين لمجرد بس انه شريك كوكو اند اس -
ولا يعرف اي حاجة اصلا
حتى كوكو ف الڤيديو مش هامه نفسه قد ما هامه صاحبه اللي شايف انه مالوش ذنب غير انه اسمه شريك ؟!!
طيب معلش فهمونا
هل معقول واحد عنده بدل الفرع 6و 7 و 10
بيدخله فلوس من اي حاجة بتتباع
هايضحي بسمعته وشهرته اللي وصللها علشان شوية تابلت
مكسبه فيهم ممكن يجيبه ف يوم واحد شغل او يومين
فكرتوا ف ده !!
فكرتوا ازاي منظر اولاده وهم بيتقالهم ابوكم حرامي واتحبس
ورد سجون وهو ولا ليه ف اي حاجة ؟؟
اكيد عشمانين ف كرم ربنا انه يفك كربكم ي كوكو انت وسلطان
وعشامنين فيك ي سيادة الرئيس انك تنظر للموضوع بعين الرحمة لاتنين من ابنائك المصريين اللي مثال كبير للنجاح يشرف اي حد
وف القضاء المصري انه اكيد مش هايظلم ولا يرضى بظلك لاي طرف
وربنا اكيد هايظهر الحق لكل مظلوم 🙏🙏
ده حقيقي كنت واحد من ضمن الفاشلين ف ثانوية عامة وحتى الكلية كمان ماكنتش من ضمن الناس اللي بتجيب تقديرات عالية
معرفش ايه اللي خلاني اكتب البوست ده بس ده كلامي اللي عاوز اوضحه لاي حد فاكر ان . نهاية الرحلة و بداية اي مستقبل كويس
كان حلمي ادخل كلية صيدلة واشتغل برضو تدريس كيمياء وعلوم ! 😂😅
اللي هو ماتفهمش ازاي .. كنت بحب المواد والتفاعلات والحاجات دي وبرضو كان ربنا مديني نعمة اني اوصل معلومة وابسطها واشرحها بشكل يتفهم شوية
ف اتصدمت ب مجموعي اللي كان 90% وكانت وقتها صيدلة اخدت من 96.5%
وخلاص عملت تعاقد مع اليأس والكآبة لفترة كبيرة حتى بعد مادخلت كلية التربية اللي المفروض اني داخل تربية كيمياء عن اقتناع
اتمرمطت ف الكلية شويتين 😅👌. لان كان جزء كبير جدا من المواد اللي فيها بيتعمدوا ع الحفظ مش الفهم ...انا كنت استوعب الحاجة بسهولة وممكن اشرحها لاي حد من زمايلي لكن اني احفظها .. ده شبه انك بتملى مياه ف كيس مخروم 😅
خلصت دراسة ومش عارف هاعمل ايه.. ابتديت اخد كورسات علشان املى ال CV بتاعي زي ماتضحك علينا وقالولنا كدة خدوا كورسات من اماكن معتمدة 😂👏
خلصت وانا حرفيا شايف ان اللي درسته ف الكلية ولا الكورسات ينفع يخليني ابقى مدرس... حسيته مالوش لازمة ومش هحتاجه اصلا ف التدريس
ابتديت بعدها اشتغل ع نفسي ف 3 حاجات
English
Computer
فهم الطالب ومستواه وازاي اتعامل معاه واوصل ليه معلومة
نيجي بقى للي ماكنتش متوقعه
لما جيت اشتغل واقدم ف مدارس تقريبا مافيش مدرسة سألتني جبت كام ف ثانوي او تقديرك ايه ف الكلية او درست فين او ايه الكورسات اللي اخدتها
صدقوني الحاجات دي اخدتها ك ورق بس .!
المدارس اللي اتقبلت فيها وكانوا عاوزيني اشتغل معاهم
كل اللي طلبوه كان ال Demo بس
وللي مايعرفش ال Demo ده عبارة عن جزء من درس معين بتختاره وتشرحه بطريقتك ف وقت معين علشان يلاحظوا كل تصرفاتك واللغة عندك وطريقة شرحك وهكذا
لما جين ف مرة اسأل دكتور من اللي كنت بشرح قدامهم ال Demo ليه حضراتكم ماطلبتوش الشهادات والورق اللي معايا مع انه مهم وتعبت فيه وممكن يكون الناس اللي معايا مش نفس التقدير ولا واخدين نفس الكورسات رد عليا
قاللي جايز تكون الشهادات مزورة ... ممكن تكون كنت بتغش وانت بتمتحن طول دراستك
الطالب لما انت تشرحله وييجي يشتكي انه مش بيفهم منك مش هاعرض قدامه ورقك وشهاداتك ولا هادافع عنك بالورق اصلا
كل اللي معاك ورق وشهادات مش هاتلزمني ولا هاتلزم الطالب اللي مستني يفهم منك
ولي الامر والطالب اللي كان بيحجز معايا درس ويجيب امتياز مايعرفش درست ايه ولا جبت كام ولا معايا شهادات ايه
ف بلاش تخلي مجموعك اي كان صغير او كبير يأثر ع مستقبلك
مستقبلك لسة هايبتدي اصلا حتى لو جايب مجموع كبير
اشتغل ع نفسك اتعلم اي حاجة خاصة بالتكنولوچيا او ال English او تي لغة تاني
اتعلم ازاي تكبر ف اي مجال بتحبوا
النت مليااان كورسات ببلاش بس للي عاوز يستغلها ويكبر ف اي مجال بيحبه
لو جاتلك فرصة سفر سافر
لو جاتلك فرصة سفر سافر
لو جاتلك فرصة سفر سافر
لو جاتلك فرصة سفر سافر
لو جاتلك فرصة سفر سافر
لو جاتلك فرصة سفر سافر 😂🤝
Be the first to know and let us send you an email when Science with Mr Yowaqeem Ehab posts news and promotions. Your email address will not be used for any other purpose, and you can unsubscribe at any time.
