15/08/2024
أولياء أمور طلبة المرحلة الابتدائية اللي كانوا بيتفرجوا على خناقة الثانوية العامة.. عندكم خناقة تخصكم 👇
= من العام الدراسي الجديد الصف الثالث الابتدائي نجاح ورسوب زي رابعة وخامسة وسادسة.
= أولى وتانية ابتدائي هيكون عندهم امتحانات شهرية تحريرية وشفهية من ١٠٠ درجة وشرط أساسي إن التلميذ ينجح ويصعد للصف الأعلى إنه ينجح في الاختبارات ويحضر في المدرسة ما لا يقل عن ٦٠٪ من عدد أيام الدراسة.. غير كدة يدخل امتحان تقييم على مستوى المدرسة وتحت إشراف الإدارة يا ينجح يا يسقط.
= مجموع التلميذ من تالتة ابتدائي لحد الصف السادس الابتدائي هيكون كالتالي: امتحان نهاية الترم 60 درجة والمهام الأدائية 10 درجات وكراسة الواجب 5 درجات وكراسة الأنشطة 5 درجات والتقييم الأسبوعى 5 درجات والتقييم الشهرى 10 درجات والمواظبة والسلوك 5 درجات.
=خدوا التقيلة.. الصفوف الابتدائية هيكون ليها أوائل على مستوى المدرسة والإدارة والمديرية التعليمية.
= مفيش درجات وكل النتيجة بالألوان ولو ابنك جاب لون أحمر في مادة ودخل فيها دور تاني وجاب أحمر برضو هيعيد السنة.
= الحمدلله مفيش امتحانات في كي جي ١ ولا كي جي ٢
= خناقة السنة الدراسية الجديدة مش هتتقفل كدة.. شكلها هتتقفل قفلة كبيرة تليق بيها 🙂
