Nursing Vibes أجواء التمريض

Nursing Vibes أجواء التمريض � كل ما يخص عالم التمريض: تعليم – خبرات – نصائح

20/07/2026

دى وصله aerogen
متوفر في بعض الرعايات الناس تتعلم ازى تستخدمه في عمل الجلسات وخصوصا لمرضي COPD❤️👌

🔴 اعلان وزارة الصحة عن وظائف تمريض بسلطنة عمان ✅
02/04/2026

🔴 اعلان وزارة الصحة عن وظائف تمريض بسلطنة عمان ✅

معلومات مهمه عن معهد فني تمريض 👇✔ خريج المعهد بيدرس سنتين + 6 شهور امتياز، وبعدها بيتخرج على الدرجة الرابعة كـ فني تمريض...
02/04/2026

معلومات مهمه عن معهد فني تمريض 👇
✔ خريج المعهد بيدرس سنتين + 6 شهور امتياز، وبعدها بيتخرج على الدرجة الرابعة كـ فني تمريض.

✔ من مميزاته إنك بتخلص بدري وبتستلم التكليف، فبتبدأ شغلك وتعتمد على نفسك بسرعة.

✔ بعد المعهد تقدر تكمل:
✔ كلية تمريض حكومي (أفضل اختيار)
✔ كلية تمريض خاص زي MTI
✔ بكالوريوس تخصصي في علوم التمريض مع الاستمرار في الشغل

✔ تقدر تاخد دبلومات معتمدة من:
نقابة التمريض المصرية
أكاديمية السادات

✔ ومن أهم التخصصات:
✔ الإدارة
✔ الجودة
✔ مكافحة العدوى (Infection Control)

✔ تقدر تشتغل في مستشفيات حكومي وپرایڤت في نفس الوقت.

✔ السفر متاح لدول عربيه زي السعودية أو دول أوروبية زي ألمانيا وإنجلترا بعد تطوير نفسك.

✔ تقدر تشتغل في كل أقسام المستشفى (رعاية – حضانات – طوارئ – عمليات – غسيل كلى… إلخ).

✔ خريج المعهد ليه دور كبير جداً في تشغيل المستشفيات ومش أقل من أي حد.

✔ لو كملت كلية تمريض ممكن تتفوق وتتعيّن معيد.
✔ كتير من المعيدين أصلاً كانوا خريجين معاهد وكملوا بعد كده.

✔ خريجين المعاهد اللي بيكملوا كلية بيحققوا تقديرات عالية وبيشتغلوا في أماكن كويسة (كليات – معاهد – مدارس تمريض – التأمين الصحي الشامل).

✔ تقدر تكمل بكالوريوس تخصصي وتبقى أخصائي تمريض على الدرجة الثالثة، وبعدها تفتح لنفسك طريق دبلومات وزمالة وماجستير ودكتوراه.
✔ البكالوريوس التخصصي معتمد من المجلس الأعلى للجامعات ويفتح لك فرص سفر كأخصائي.

✔ ولو حابب، ممكن تكتفي بالمعهد وتشتغل وتطور نفسك في اللغة والخبرة وتسافر.

✔ في النهاية… الطريق قدامك فيه اختيارات كتير، اختار اللي يناسبك وركز على تطوير نفسك وسيبك من أي إحباط ✨

📢 محتار في "بكالوريوس التمريض التخصصي"؟خلينا نخلص الجدل ونفهم كل حاجة من الآخر!هل البرنامج معتمد؟✅ أيوه رسميًا من المجلس...
01/04/2026

📢 محتار في "بكالوريوس التمريض التخصصي"؟
خلينا نخلص الجدل ونفهم كل حاجة من الآخر!
هل البرنامج معتمد؟

✅ أيوه رسميًا من المجلس الأعلى للجامعات
يعني بتدرس في جامعة حكومية، وشهادتك زي أي خريج تمريض حكومي.
لو مش مصدق؟ خش على موقع المجلس واتأكد بنفسك!
طب فيه تكليف من وزارة الصحة؟
✅ أكيد!
نفس معاملة كليات التمريض الحكومية والخاصة والأهلية.
(لو حد قالك "مالوش تكليف"، قوله "ماشي يا نجم" وسيبه في حاله)

مدة الدراسة؟
📚 4 سنين دراسة + سنة امتياز
3 سنين General (بتدرس كل التخصصات)
سنة رابعة تخصص
الامتياز: 6 شهور General + 6 شهور في التخصص

التخصصات المتاحة:
👶 أطفال
🎗️ أورام
🧕 نسا
🚑 طوارئ وحالات حرجة
🤱 قبالة

مين يقدر يقدم؟
1️⃣ طلاب الثانوية العامة (بتنسيق أقل شوية من التمريض الحكومي)
2️⃣ خريجي المعاهد الفنية للتمريض أو الصحية - شعبة تمريض عام
(بشرط: تم تعديله، والمجموع ≥ 75%)
لكن الشروط دي مش مطبقة في كل المحافظات
نظام القبول؟
🔹 عدد محدود
🔹 خليط بين طلاب ثانوي ومعاهد
🔹 الدراسة من سنة أولى عادي

نظام الدراسة؟
⏱️ بنظام الساعات المعتمدة
وبتدرس نفس عدد ساعات أي كلية تمريض حكومية أو خاصة او الاهلية

المصاريف؟
💰 من 20 لـ 30 ألف جنيه
(قارنها بجامعات خاصةاو اهلية بتوصل لـ 60 ألف وطالع!)
بعد التخرج؟
🎓 تقدر تكمل: دبلومة - زمالة - ماجستير - دكتوراه
✈️ تقدر تسافر برا عادي
🏥 بتتخرج "أخصائي تمريض" على الدرجة التالتة
أماكن البرنامج؟
موجود في:
📍 القاهرة - عين شمس - حلوان - طنطا - الزقازيق - أسيوط - بنها
🔹 أعلنت نقابة التمريضالفرعية بأسوان إن هيتم فتح البرنامج في جامعة اسوان سنة 2026 وفي الانتظار
🔹 جامعة سوهاج فتحت البرنامج بس اقتصرت على طلاب ثانوي عام وأبناء المحافظة، ونتمنى السنة دي يبقى في تعديل

موقف الجيش؟
للولاد:
بعض المحافظات بتأجل التجنيد، وبعضها لأ
(فـ لازم تتأكد من مكان تقديمك)
طب السؤال الأشهر:
"مين أحسن؟ العام ولا التخصصي؟"
الجواب:
✨ "اللي بيميزك هو تخصصك"
لو بتحب تتعمق وتتميز، يبقى التخصصي ليك
في أمريكا فيه أكتر من 20 تخصص تمريضي!
طيب لو دخلت تخصصي، مش هينفع أشتغل غير فيه؟
لأ طبعًا!
إنت أصلاً درست كل التخصصات 3 سنين General+ امتياز 6شهور General
يعني تقدر تشتغل في أي مكان، بس بتكون مميز في تخصصك
الخلاصة:
✅ التخصصي = معتمد + ليه تكليف
✅ نفس مدة وساعات دراسة العام
✅ بيفتح لك باب التميز والاحتراف
✅ المستقبل للتخصص… فخليك دايمًا سابق بخطوة!

Address

Egypt
Luxor

Website

Alerts

Be the first to know and let us send you an email when Nursing Vibes أجواء التمريض posts news and promotions. Your email address will not be used for any other purpose, and you can unsubscribe at any time.

Shortcuts

Share

Category