اكاديميه فيوتشر كيدز بالطيريه

26/08/2026

26/08/2026

👀 عارفين إن أحيانًا سبب تأخر الطفل في القراءة مش ضعف في الحفظ؟

ممكن يكون السبب ببساطة إن الحصيلة اللغوية عند الطفل قليلة.

الطفل محتاج من صغره يسمع كلام كتير، يتحاور، يسأل، يحكي، يوصف اللي حواليه، ويلعب ويستكشف… كل التجارب دي بتبني عنده رصيد كبير من الكلمات، وده بيساعده بعد كده في القراءة والفهم. ❤️

وكمان لما يكون وقت الشاشات كبير جدًا على حساب الكلام واللعب والتفاعل، ممكن تقل فرص الطفل في ممارسة اللغة والانتباه والاستكشاف.

طيب نقدر نساعده إزاي؟ 🤔

ابدئي كل يوم بكلمة أو حرف من الكلمات اللي بيتعلمها الطفل، واكتبي الكلمات المرتبطة بالحرف في كراسة، وخليه يحاول يقرأها بنفسه.

في البداية ممكن نستخدم التشكيل كوسيلة مساعدة، ومع تحسن الطفل نبدأ نقلله تدريجيًا، لحد ما يقدر يقرأ الكلمة بشكل مستقل.

لكن هنا بقى الجزء الأهم 👇
ما تخليش التدريب ينتهي عند قراءة الكلمة!

خلي الطفل يستخدم الكلمة في جملة، وبعدها اسأليه أسئلة بسيطة تساعده يفهم اللي قرأه:

🐱 لعب كريمُ مع القطة.
🍎 أكلت مريمُ التفاحة.
🚗 ركب عمرُ السيارة.

واسأليه:
مين لعب مع القطة؟
مريم أكلت إيه؟
مين ركب السيارة؟

بالطريقة دي إحنا بنشتغل على أكتر من مهارة في نفس الوقت:
📖 القراءة
🧠 الفهم
🗣️ الحصيلة اللغوية
💭 التفكير والتعبير

ومع الاستمرار يوم ورا يوم، هتلاحظي فرق كبير بإذن الله. 🌷

مش المطلوب وقت طويل… المطلوب ممارسة بسيطة ولكن مستمرة. ❤️

ولو حضرتكِ معلمة، خلي النشاط ده جزء ثابت من الحصة، ولو أم خصصي حتى دقائق قليلة يوميًا للكلام والقراءة والحوار مع طفلك.

جربوا وشاركونا تجربتكم ❤️

ا/دعاء سمير 🌷

24/08/2026

كلام حضرتك أسعدنا جدًا ❤️

شكرًا من القلب على دعمك وكلامك الجميل عن تيم الحضانة 🙏🏻🌷
الكلمات دي مش مجرد شكر، دي طاقة ودافع كبير لينا إننا نكمل ونحاول كل يوم نطلع أحسن ما عندنا علشان أطفالنا يستحقوا الأفضل دائمًا ❤️

وجود أمهات مقدّرة تعبنا ومجهودنا هو أكبر دعم لينا، وربنا يديم بينا المحبة والثقة دايمًا 🤍✨

24/08/2026

أمير 🥰

24/08/2026

لولو🥰

24/08/2026

English time ✅
إليان 🥰