مس سها حمزه mis/soha hamza

الطلاب اللي حصلوا علي اعلي الدرجات في امتحان الوحده التانيه ♥️♥️
اللهم بارك ربنا يحفظهم ويجعلهم متفوقين دايما يارب

- انت متعصبه ليه يا ميس؟!
= جرب تجيب أكتر من واحد جنب ودانك في نفس الدقيقة
- يا ميس …ميس … ميس …يا ميس يا ميس حمام يا ميس تعبان يا ميس جعان يا ميس عطشان يا ميس. زميلي بياكل يا ميس سارة بتتكلم يا ميس عمر نسي كتابه يا ميس رودي بترسم يا ميس الحصة هتخلص امتي يا ميس الفسحه امتي احمد ضربني يا مس محمد خد قلمي ي مش يا ميس عندي صداع يا ميس يا ميس يا ميس
وشوف هتتعصب ولا لا
😔😔😔🥹😭

‏كلمتين لخصوا حياة المدرسين
مهنة التدريس دى قاسية جداا والله..
‏يكتم المدرس أوجاعه ومشكلاته ومرضه و يظهر لطلابه الوجه البشوش،فيظنه الناس مرتاحا يعيش من دون آلام وأمراض وهموم و منغصات..اقسم بالله راجع بيتى باطلع السلم كأنى عندى100سنة بحرك رجلى بالعافية حتى صوتى مش طالع تعب مش طبيعى والله حاسس بيه مش بسبب ساعات الشغل ولا الوقفة على رجلى طول اليوم لالا ، بسبب الضغوط النفسية اللى بنشوفها بسبب خوفنا واهتمامنا بطلابنا وحرصنا على مستقبلهم ضغوط مش طبيعية مايحسهاش غير كل مدرس عنده ضمير فى عمله خاصة فى مرحلة انهاء المقررات والمراجعة..والله بتمنى لو كان عندى برود اشرح حصتى واعمل اللى عليا وبس وكل طالب حر فى مستقبله حاولت اعمل كدة والله مقدرتش انا متاكد في مدرسين عندهم نفس احساسي..
تحياتي لكل مدرس عظيم ..
تحياتى لكل مدرس عنده ضمير 🤍 منقول

لما الاقي الطلاب أخدت موضوع الغلق بجد ومن بعد ٩ مش هيذاكروا

رغم صعوبه الامتحان وكلو عباره عن اسئلة مقالي اوائل امتحان الوحده الاولي ربنا يبارك فيهم ♥️♥️♥️

📌 خطة مذاكرة للترم التاني بدون تراكم

1️⃣ من أول أسبوع = أول بأول

أي درس يتاخد في المدرسة يتذاكر في نفس اليوم

لو مش فاضية: بحد أقصى تاني يوم

متسيبيش أكتر من درسين من غير مذاكرة ❌

---

2️⃣ نظام الأسبوع (مهم جدًا)

اعملي الأسبوع كده:

📖 5 أيام مذاكرة

🔁 يوم مراجعة

😴 يوم راحة خفيفة

اليوم الدراسي:

مادة أو 2 بس (مش أكتر)

كل مادة:

فهم الدرس

حل شوية أسئلة

تلخيص سريع

---

3️⃣ طريقة المذاكرة الصح

🔹 فهم الأول (فيديو / شرح المدرس)
🔹 تلخيص بإيدك (نِقط مش كلام كتير)
🔹 حل أسئلة (حتى لو 5 بس)
🔹 مراجعة سريعة قبل النوم

---

4️⃣ المراجعة الذكية (عشان متراكميش)

كل نهاية أسبوع:

راجعي اللي خدتيه كله

كل نهاية شهر:

مراجعة شاملة + حل امتحان

---

5️⃣ قبل الامتحانات مش هتتعبي

لأنك: ✔️ ذاكرتي أول بأول
✔️ راجعتي أسبوعيًا
✔️ حافظتي على ملخصاتك

ساعتها المراجعة هتبقى سهلة وسريعة ✨

---

6️⃣ نصايح ذهبية 💛

متذاكريش وإنتِ تعبانة → نص ساعة تركيز أحسن من 3 ساعات تضييع

اقفلي الموبايل وقت المذاكرة 📵

كافئي نفسك بعد كل يوم التزام🎁