مركز شفاء

إرشادات غذائية مبسطة للأطفال ذوي فرط الحركة وتشتت الانتباه
(رسالة تشجيعية لكل أم مجتهدة)
أولًا: أحب أأكدك إنك أم شاطرة، وكل خطوة صغيرة في الأكل أو النوم أو الروتين اليومي بتفرق جدًا مع طفلك.
1️⃣ السكريات… نقللها مش نمنع نفسنا
السكريات الكتير بتزود:
النشاط الزائد
العصبية
قلة التركيز
طيب لو طفلي أكل حاجة مسكرة؟
ما نقلقش ولا نعاقبه، نعمل حاجة ذكية:
ندي له بعدها مباشرة بروتين زي:
بيض
لحمة
سمك
جبنة
لبن أو زبادي
علميًا: البروتين بيساعد الجسم يحرق السكر في الدم بشكل متوازن، وده بيقلل الاندفاع وفرط الحركة.
2️⃣ الخضروات… وقود المخ
نحاول نزود الخضار في أكل الطفل، خصوصًا:
خيار
خس
جرجير
فلفل
كوسة
بامية
بسلة
الخضار غني بالفيتامينات والمعادن اللي بتدعم المخ والجهاز العصبي وبتساعد على الهدوء والتركيز.
3️⃣ الفاكهة الطبيعية مهمة للنمو
نقدّم فاكهة طبيعية بدل العصائر المصنعة، زي:
بطيخ
برتقال
عنب
تفاح
الفاكهة بتدي طاقة صحية وبتساعد على النمو، بدون التأثير السلبي للسكر الصناعي.
4️⃣ الميه… نقطة مهمة جدًا
يفضّل:
نشرب ميه نظيفة ومفلترة
نبتعد عن ميه الحنفية قدر الإمكان
لأن بعض المواسير القديمة ممكن تأثر على جودة الميه، وده ممكن يسبب صداع أو توتر، والصداع أحيانًا بيزود أعراض فرط الحركة وقلة التركيز.
5️⃣ حاجات نقللها أو نمنعها
نحاول نبعد عن:
الأكل اللي فيه مواد حافظة
الشيبسي
البيبسي والمشروبات الغازية
المنبهات الكتير
التونة بكثرة (علشان نسبة الأملاح أو المواد الحافظة)
6️⃣ الحركة… بس بشكل مناسب
الطفل محتاج رياضة
تكون فردية وغير عدوانية
زي: الجري الخفيف، ركوب العجلة، تمارين بسيطة
الحركة المنظمة بتفرغ الطاقة الزايدة وبتحسّن التركيز.
7️⃣ النوم… أساس الهدوء
الطفل محتاج ينام حوالي 7 ساعات ليلًا
نحاول نثبت ميعاد النوم
لأن هرمون النمو والترميم العصبي بيُفرز أثناء النوم الليلي، وده مهم جدًا للأطفال ذوي فرط الحركة.
8️⃣ مواعيد الأكل
3 وجبات رئيسية
في مواعيد شبه ثابتة
ممكن سناك صحي بين الوجبات
انتظام الأكل بيساعد على استقرار مستوى السكر في الدم، وده ينعكس على السلوك والانتباه.
كلمة أخيرة ليكِ كأم
الخطة دي مساعدة وليست ضغط،
وأي تحسّن بسيط في الأكل أو النوم هو خطوة كبيرة لطفلك.

معلومه مهمه لكل ام امته أشك أن طفلي اصابه دماغيه او شلل دماغي أو حاله ضمور ايا كان المسمي من أو يوم بعد الولاده
اول حاجه الطفل دا مش هيعرف يرضع أو يمص اصابعه وكمان مش هيعرف يثني رقبته وكمان اهم رد فعل انعكاسي وهو اسمه موروا. يعني ايه موروا أن هحاول اقعد الطفل وأحط ايدي تحت رأسه وهبدء انيمه شويه شويه وهعمل وكاني بسيب راس الطفل في الحاله دي الطفل الطفل هيعمل رد فعل انعكاسي وكأنه بيمسك باي شيء يحميه من الخطر دا دا لمده ثواني معدوده ودا الطبيعي لكن
في حاله لو عمل رد فعل انعكاسي بشكل مبالغ فيه أو معلش اي رد فعل انعكاسي في الحاله دي الطفل احتمال كبير أنه يكون اصابه دماغيه

ان شاء الله بكرا هنزل فيديو عن الفرق بين متلازمه ارلن وصعوبات التعلم //اضطراب التعلم المحدد//

الفرق بين السماعه وزراعة القوقعه
السماعه عباره عن معين سمعي مع عدم تدخل جراحي يعني مش بقرب للقوقعه كل البتعمله السماعه بتكبر الصوت
أما القوقعه انا بفضيها من كل الموجود فيها من السائل الدهليزي ويكسر كل اجسام كورتي الموجوده فبكد ا بكون دمرت كل البقايا السمعي الموجوده عشان كدا بقول ندي فرصه للشغل مع الطفل هو لبس السماعه من خلال قراءه شفاه وتدريبات سمعيه
طيب بقا انا اشتغلت مع الطفل قراءه شفاه وتدريبات سمعيه ومفيش تقدم في الحاله دي ايه العمل في الحاله دي بالجا لزراعه القوقعه لو توافرت عندي شروط زراعه القوقعه في الطفل ودي هشرحها لوحدها في بوست
طيب هل كل الحالات بتزرع قوقعه لاطبعا في اطفال بيركبوا سماعه أو يلبسوا سماعه ويشتغل معاهم تدريبات سمعيه وقراءه شفاه ومش بيحصل تقدم وفي نفس الوقت مش بزرع قوقعه طيب ليه لانه ببساطه متوفرش فيه شروط زراعه القوقعه
طيب ازرع في اي إذن والله لو الاثنين نفس درجه السمع ازرع في الأذن اليمني وده لانه مراكز اللغه بتكون في اليسري فبيكون افضل
بالنسبه للمميزات
لما ازرع في إذن واحده بيكون افضل من حيث أن القوقعه جهاز من صنع الانسان يعني ممكن يعطل فيكون عندي فرصه أن ازرع في الأذن الأخري ليه لان مش هينفع افتح الجرح مرتين فبزرع في الأذن الأخري
طيب ايه العيوب أن الطفل هيكون من الصعب عليه فهم للغه تانيه غيره لغه بلده كمان الموسيقي مش مس هيكون متاثربيها أو يفهمها طيب ازاي والطفل