30/01/2026
🚨رسالة لأولياء الأمور:
- مهما تكون كفاءة المدرس اللي بنت او ابن حضرتك بياخد عنده درس؛ من غير متابعة من ولي الأمر في البيت النتيجة هتبقى صفر.
- طبيعة الجيل الحالي مبقتش زي الاول وأن الطالب يبقا عارف مصلحته كويس، بقا الهدف المشترك عند معظم الطلبة وأولياء الأمور أن الطالب ينجح بس، بغض النظر هو فاهم او لأ.
- ودا يرجع لأسباب كتير منها ان الأب بيبقا مسافر او في الشغل طول الوقت ومش بيبقا عنده وقت يتابع مع أولاده؛ بس دا على المدى البعيد بيأثر على الطالب سواء من الجانبين التربوي او التعليمي؛ وبالتالي المحصلة بتبقا طالب مستهتر غير متحمل للمسؤوليه، ودا بيأثر على تكوين شخصيتة بعد كدا بشكل خاص والمجتمع بشكل عام.
- منظومة التعليم عبارة عن مثلث اضلاعه التلاته ( المُعلم - الطالب - ولي الأمر )، اي تقصير من احد الأضلاع بيأثر على منظومة التعليم.
- اتمنى أولياء الأمور يتقوا ربنا في اولادهم ويعرفوا ان :"كلُّكم راعٍ وكلُّكم مسؤولٌ عن رعيتِهِ".🤝❤️
