30/04/2026
🚨 لو حد بيهددك أو بيبتزك… ركّز معايا كويس عشان غلطة واحدة ممكن توديك في داهية!
الناس كتير بتتصرف غلط في اللحظة دي… وده اللي بيخلي المبتز يتحكم فيها أكتر 👇
❌ أول غلطة: إنك تمسح الشات
إوعى تعمل كده!
الشات ده هو الدليل الوحيد اللي يثبت حقك… ومسحه = ضياع حقك بإيدك.
❌ تاني غلطة: إنك ماتحتفظش بإسكرين شوت
لازم تاخد سكرين شوت فورًا لكل حاجة
خصوصًا لو الشخص ممكن يمسح الرسائل من عنده في أي وقت.
❌ تالت غلطة: إنك تدفع فلوس أو تنفذ طلباته
لو دفعت مرة… هتفضل تدفع طول عمرك
المبتز عمره ما بيشبع.
❌ رابع غلطة: إنك تتعامل لوحدك عرف اقرب شخص ليك بتثق فيه لأنك في اللحظة دي محتاج اللي يوجهك
لازم تشرك حد تثق فيه + تبلغ الجهات المختصة فورًا.
❌ خامس غلطة: إنك تسكت
سكوتك هو أكبر قوة للمبتز
كل ما تسكت… هو يتمادى أكتر.
✅ تتصرف صح إزاي؟
✔️ متخافش ومتستجبش لأي تهديد
✔️ احتفظ بكل الأدلة (شات + سكرين شوت)
✔️ بلغ مباحث الإنترنت أو أقرب قسم شرطة فورًا
⚖️ وخليك عارف:
الابتزاز جريمة… وعقوبته ساعات بتوصل للسجن المشدد 15 سنة وغرامة توصل ل300الف جنيه دا غير التعويض المدني
والقانون دايمًا في صف الضحية مش المجرم
