Mr.perfect hamada azzam

01/05/2023

10/04/2023

💗❤️❤️❤️💗💗

08/04/2023

24/11/2022

❤️👍🏻❤️

17/11/2022

#هاااااام لطلاب الثانوية العامة 2023👌❤️❤️❤️❤️

= لو المدارس اتعاملت في الغياب رسمي، زي الوزارة ما بتقول، وتحديدا في الثانوية العامة، فالطالب اللي هيتجاوز نسبة الغياب هيتحول منازل.. طب ولو اتحول منازل؟ هيكون ملزم يرجع التابلت للمدرسة بنفس حالته اللي استلمه بيها.. يعني لا مكسور ولا مخدوش ولا شاشته فيها حاجة، ولا عطلان، ولا بطاريته بايظة، ولا من غير شاحن، والطالب هيصلحه على حسابه قبل ما يسلمه.
= الطالب اللي هيتحول منازل، هيمتحن ورقي (بتكلم عن أولى وتانية ثانوي)، بس السنة الجاية من حقه يرجع طالب نظامي مرة تانية، ويستلم التابلت عادي كطالب منتظم.
= ادخل كل فترة بص على غيابك، شوف اتفصلت ولا اتسجل لك كام يوم غياب، وده بيكون من على موقع الوزارة، علشان ممكن تتفاجئ إنك خلاص على وشك الفصل.. ولو بتغيب بانتظام، يعني يوميا.. أنصحك بلاش، لأن لو فيه مدرسة مش ملتزمة في تسجيل الغياب ممكن تكون مدرستك ملتزمة بالتسجيل علشان تنفذ تعليمات الوزارة.
= امتحانات نص السنة للصفين الأول والثاني الثانوي، تقريبا يعني، نسخة طبق الأصل من امتحانات الشهر بتاعت أكتوبر وبتاعت نوفمبر.. بس هتكون إلكترونية.
= امتحانات أولى ثانوي وتانية ثانوي، هتكون على مستوى الإدارة التعليمية، مش على مستوى المحافظة ولا على مستوى الجمهورية، وكلها إلكتروني على منصة المدرسة بتاعتك.
= امتحانات الصف الثالث الثانوي.. ورقية بالكامل.. 85% أسئلة اختيار من متعدد.. 15% مقالي.. والسؤال المقالي إجابته في سطرين تلاتة مش ورقة كاملة ولا حاجة.
= الامتحانات أوبن بوك.. بس مش من كتاب.. كل طالب هيتسلم مجلد مفاهيم مطبوع فيه ملخص للمادة والمفاهيم اللي انت هتحتاجها في الامتحان.. وفي نهاية وقت الامتحان الطالب هيسلم المجلد ويرجع يستلمه تاني المادة اللي بعدها.
= الوزارة هتعمل امتحانات تجريبية للصف الثالث الثانوي على شكل وطبيعة أسئلة امتحانات آخر السنة.. ودي هتكون بداية الترم التاني (يعني على شهر مارس).. وهتكون نسخة من امتحانات آخر السنة.. وأسئلة آخر السنة.. السؤال هيتحط بحيث يكون له إجابة واحدة فقط.
بالتوفيق للجميع❤️❤️❤️

13/11/2022

كورس ٤ حصص skills
الحصه ساعتين
الحصه ٣٠ جنيه
الورق ٥٠ جنيه
بالتوفيق للجميع.
استاذ حماده عزام
٠١٠٠٢٠٢٥٦٤٤

02/11/2022

٣ث وحده اولى

01/10/2022

السلام عليكم ورحمة الله وبركاته
كنت مقرر أكتب البوست بعد المغرب وأرد على تعليقات أولياء الأمور
بس للأسف الواحد بينفخ فى قربة مخرومة
اعتزر منكم كل واحد دماغه مريحاه
انا هأتعامل مع طلبة تالتة ثانوى السنة دى بطريقتى بس ياريت تتابعو ولادكم وبلاش تدلعو زيادة عن اللازم علشان اخر السنة متندموش وتصدقو انهم اتظلمو مفيش حد بيتظلم صدقونى طلبة تالتة ثانوى السنة دى بيقروا ويكتبو بالعافية يعنى لما أسأل الطلبة أسئلة عادية جدا ومجموعات بالكامل مش عارفة تجاوب
عامة انا كنت هأكتب لأولياء الأمور يساعدونا شوية
بس قررت انى أتصرف بنفسي والطالب اللى هيجى مش مزاكر هينضرب وهيتكرش وهأصفى مجموعات تالتة ثانوى ومش هأخلى منهم طالب فاشل
والفاشل واللى مش فى دماغه ومدلع وبيجى يحضر منظر مش هيدخل الدرس
وابتداءا من الغد نص الحصة أسئلة ونص الحصة شرح
وكدة كدة الطلبة الفاشلة هتخلع لما تلاقى فى أسئلة تكشف فشلهم
أولياء امور الطلبة الفاشلة اللى ولادهم هيقولولهوم احنا مش رايحين درس الانجليزي ابقو طبطبو عليهم وقولولوهم اللى يريحكم وساعدوهم يكملو فشلهم
اوعو تكونو مفكرين انى هازعل اللى بيطلع من الدرس من عندى بيخف العدد شوية وبيريحنى يعنى انا مش ماسك فيه يعنى ومش فارق معايا عندى غيره كتير الحمد لله
و الفاشل ميشرفنيش انه يكون عندى أصلا فى ناس هتعتبر كلامى تنطيط وفى ناس فاهمة انا أقصد ايه وبردو اللى هيفهم كلامى تنطيط هما أولياء أمور الطلبة اللى مش فى دماغهم اللى بيساعدو ولادهم على الفشل وبيبقو سبب فى ضايعم
هل فى ولى أمر فاهم يرد عليا ويقولى امتى ابنك بيذاكر وازاى هيزاكر بعد ٨ ساعات دروس
عاوز حد يرد عليا ابنك بعد الدرس الرابع فى يومه بيبقى مركز فى بقيت الدروس
طيب لو بقا مركز هيزاكرهم ازاى طيب لو فرضنا انه بطل العالم فى المذاكرة وزاكر النهاردة هيقدر يبقى مستر أولمبيا كل يوم يعنى هيبقى بيج رامى كل يوم
ولا بعد أسبوع بالكتير هينهار وده للأسف اللى بيحصل واللى احنا شايفينه

لا أقصد الإساءة لاحد ولكن طفح الكيل هنفضل لحد امتى سبب فى ضياع أولادنا بحجة مش عاوزينهم يقولو اننا قصرنا
هسأل سؤال أخير
ايه اللى ولى الأمر منتظره من طالب بيطلع من بيته الصبح يرجع بعد المغرب درسين تلاته فى كل مادة وفى الاخر المحصلة صفر وفى الاخر نقول العيال ضاعو واتظلمو
هتفضلو كدة لحد امتى
مع العلم ان كل سنة بنقول نفس الكلام واللى بيوصل للى هو عاوزو هو الطالب اللى بيطلع من بيته ٣ أو ٤ ساعات اللى بيوصل اللى بياخد درس واحد ومركز ومش بيطلع من بيته كتير وأهله مش مدلعينه
اسف بس انا بأوضح حقايق واللى عاوز يزعل يزعل وعلى ما أظن إنى عندى رصيد عندكم لانى بأكلم أهلى وأصحابي
دمتم فى حفظ الله ورعايته
تحياتى لكم حمادة عزام .
ملاحظة هامة جدااااااااااا
طلبة الصف الثالث اللى هيجى الدرس مش مزاكر أنصحه ميجيش أحسن ويغير المدرس لان الوضع الجديد أسئلة هيطبق فى كل حصة...... سلام يا حلوين
ملاحظة أخيرة
اللى عاوز يعرف مستوى ابنه يبقى يعدى على مكان الدرس احنا فاتحين كل يوم لحد المغرب يعرف من السكرتيرة ابنه بيحضر ولا لا ويعرف جايب كام فى الامتحانات وميعملش حجة انه بيرن عليا ومش برد عليه لانى بالعقل كدة مش هاقدر أرد على أولياء الأمور حاجة من اتنين اما أرد عليكم أو أشرح لولادكم
مكان الدرس مفتوح ليلى عاوز يتابع ولاده بجد 🥰🥰