ألف باء تعليم مع أ/ هدير نصر

هتفضل أحلىٰ وأجمل طريقة تسويق لشغلك في التدريس إن الأهالي والطلاب تقول لبعضها فيه مدرس شاطر أو مدرسة شاطرة ويرشحوك لبعضهم..
اللهم إنا نسألك التوفيق والنجاح والسداد يارب..

السلام عليكم ورحمة الله وبركاته
- بداية العام الدراسي إن شاء الله هتكون ١٢ /٩ وده مفيش منه مشكلة خالص..
- امتحانات الفصل الدراسي الأول لصفوف النقل من ٩ / ١ لـ ١٤ / ١ ومفيش مشكلة هنا كمان إن شاء الله..
- امتحانات الشهادة الإعدادية من ١٦ / ١ لـ ٢١ / ١ مفيش مشكلة..
- المشكلة بقىٰ أجازة منتصف العام ٢٢ / ١ لـ ٥ / ٢ مع نهاية الاجازة بداية الفصل الدراسي الثاني مع بداية شهر رمضان، بالرغم من مطالبة أولياء الأمور من العام الماضي تكون الأجازة مع بداية رمضان، لأن رمضان اتقدم وكمان الأجازة اتقدمت مع أنها العام الماضي كانت بدايتها ٨ / ٢

حاجتين أولياء الأمور بيقدّسوهم في الأرياف في التدريس:
- المنهج أهم من التأسيس علشان الولد ينجح، رغم إنه بينجح بالغش عادي..
- المدرس اللي بيدي كل المواد علشان يوفر علىٰ ولي الأمر.. 🤷🏻🙆🏻

ماااااافيش حاجة اسمها نشتغل تأسيس مع منهج ❌❌❌❌
لو طفل وصل لـ ٣ ابتدائي مش بيعرف يقرأ ويكتب أو قراءته ضعيفة
فورًا لازم نرجع لقواعد التأسيس الأول ✅
لحد ما الطفل يتمكن من القراءة والكتابة ويتقنهم .
مافيش أهم من طفل يُجيد القراءة والكتابة وبعد كدة نبقى نشوف المنهج دة بيقول ايه 🤷🏻‍♀️