Life Coach Sarah Khattab

حوشت كام 🤔 ؟
هتعرف تحوش ؟
تعالى نحوش سوا 😍

البوست مش للأطفال ..
البوست في مفهوم الإدخار " المستدام "
بتيجي لك فرصة في السنة "شهر " تعيد فيه تقييم حساباتك ..
💚تتعلم تراعي صحتك ..
💙ترتب وقتك " أولوياتك في العبادة والطاعة "
نومك وتعافي جسمك
❤️تفهم وترشد نفقاتك وإنفاقك "صدقة ، زكاة ، ترشيد واعتدال "
🧡تفهم وترتب العلاقات اللي تساعدك .. على الإرتقاء ، الطاعة ..
🤍تصل رحمك ..تود جارك .. تراعي غيرك ..
💜تتعلم تتأمل .. تصبر .. تتعلم .. فتتأدب ..
🤲تشكر ربنا على نعمه .. تقدر كل نفس وتحافظ على نفسك ..

♻️تعيد تشغيل نظامك بالشكل اللي يضمن بقاؤه وإرتقاؤه لأطول فترة ..
🔄كإنك بتعمل Reset إعادة ضبط المصنع لنظامك ..
الداخلي والخارجي ..
😇تعيد إحياء نفسك ..
تربيها وتدربها ..
توفر طاقتها للمفيد ..

ساعتها هتكون حوشت من رمضان رصيد ينفعك خلال السنة .. وتخرج بأسلوب حياة مستدام يساعدك ترتقي وتزدهر
وتحقق وجدد نيتك

لو ما عندكش ... دور عليه 🧐

لما تتأمل حياتك وتزعل على نفسك .. فتسألها .. أنا عايش ليه 🫤
معنديش هدف .. مش لاقي طموح ..
يعني هتفرق إيه ..
ده الدنيا بتخلص والقيامة هاتقوم ..
تفتكر هل الأفكار دي هتساعدك تعمل حاجة ؟؟
هتفيدك تاخد خطوة واحدة لقدام ؟؟
هتقربك من ربنا مثلا 🤔... لو هتقربك إنك تخاف تقابل ربنا وهتعمل للقاؤه .. توكل على الله ..

إنت محتاج تسأل .. أعيش إزاي 🤔
إزاي أسعد بحياتي في الأيام اللي عايشها
إزاي وجودي على الدنيا يفرق ليا .. ويفرق في حياة غيري ؟

اختيارك لكل فكرة بتدور في دماغك .. هو أساس كل خطوة هتنفذها ... أو هتخاف تقرب لها ..

زي ما تبقى قدامك أفكار وطموحات .. وخايف
.. شايف نفسك قليل .. المحبطين حواليك كتير ... فتقف ⛔️

إنما إيمانك بإن ده نوع من أنواع سعيك في الدنيا ... يؤجرك ..
إنك تأخذ بأسباب تحقيق هدفك ... يؤجرك ..
إنك بتختار نية قبل كل خطوة ... يعلي الأجر Intention
تختار معني .. وقيمة .. مع كل نفس بيدخل جسمك وعقلك ووعيك .. يزيد أجرك Meaning & Value
تحيا بهدف ومعنى شامل لحياتك ويساعد ويسعد غيرك ..

ربنا خلق لك أبواب متعددة للسعي .. واختيارات للوعي ..
إنت بتدق أبوابها ..
أساسها إيمانك ويقينك بالله ..
ومفتاحها خطوات بترسم لك الطريق اللي ربنا كاتبه ومقرره ..

نجاحك مسألة وقت ..
💙فيها تحقق إرادة الله ..
💚محتاج إلتزام بإرادتك الداخلية ..
🧡وعي بأهدافك وقيمك والمعاني اللي بتعيش لها وعلشانها

فرص الحب ..
وكده كده .. إنت الكسبان 🥰

رمضان أكبر مساحة للمشاركة ... بعيدا عن الأطباق الرمضانية والآراء في المسلسلات ..
رمصان فرصة لمشاركة الثواب والأجر ..وتبادل الحب غيبا بالدعاء ..
لما يكون حد فكر فيك فأهداك هدية تقربك لله .. سبحة .. مصحف .. مصلية ..
هدايا غالية من البقاع الشريفة ..
تختار تشاركه ثوابها .. وتدعي له بها ..
فيوصلك أغلى رد بتأمين دعاءك من الملائكة ..

كده كده إنت الكسبان ..
والفرحان .. والمستبشر بعطايا الله ..
وما أجمل أيام رمضان أن تنير سماءك بدعوات لغيرك فتستقبلها وتبارك أيامك وحياتك 💙💚🧡

علشان بتحبيه 🤭
لما اتسألت السؤال ده من كان يوم .. ما اتلخبطتش..
وقدرت أجاوب ..😊
اكتشفت إن الموضوع أكبر من الحب .. بكتير
أكبر بمعاني كتير عيشتها ..
أكبر بإحساس حقيقي لمسته ..

بتدرسي علم نفس ليه وإنتي مهندسة 🤔
السؤال ده رغم إني كنت متخيلة إن إجابته سهلة ..
لكن حقيقته لمستها .. في إني حسيت الوجع ..
حسيت ألم الوحدة .. رغم إن حواليا ناس كتير
ذقت طعم الغربة ..بمرارة تغيير المحيط وغياب الأصدقاء
اتصدمت بالواقع مرة واحدة ..
غبت كتير ... جدا ... وسط صفحات الكتب .. علشان ألاقي ونس ودفء وأمان ..
أوقات كتير بكيت لوحدي ..
حسيت إني من كوكب تاني" مافيهوش طموحات مدحت صالح حتى 🙃" وكإني باتكلم لغة تانية... من كتر إحساسي إن محدش فاهمني ..
اتكسرت .. اتجرحت .. اتوجعت ..
عيطت كتير لوحدي .. In Public ... with feelings كمان 🥹

مريت بتجارب فاشلة بإمتياز في الدعم النفسي 🤫

مستمرة في رحلة علم بدأتها من أول ما خلصت دراسة أساسية بأعجوبة وفضل من الله وكرمه ودعم من أهلي وأساتذتي الحمد لله .. من لحظة تخرجي في 2006
ولحد النهاردة ..☺️

كل لحظة ألم .. أو وجع حيرة .. لخبطة مشاعر .. لما بأقول لأي حد بأكلمه في جلسة أو ورشة " حاسة بيك / ي " بتكون حقيقية فعلا .. لإني جربت وعشت ألمه .. واخترت إني أساعده بمسئوليته إنه يتعافى منه ويتخطاه ..
ما كانش كورس ولا كام كتاب قرأتهم .. ولا ورشة غيرت مفاهيمي ..
ده عمر كامل اخترت فيه افهم .. واتعلم .. اختار ..
اتعافى بصدق .. وأغير اللي وجعني .. لما فهمت إن جزء منه راجع لشكل أفكاري .. وجزء محتاج طمأنة وإدارة لمشاعري ..

رحلة التعافي محتاجة مجهود .. وإرادة ..
محتاجة صبر على الألم لحد ما تقدر تشد نفسك وتصلب عودك ..

علشان كده اخترت إن التغيير اللي يوصل يكون " مستدام " تتعافى من الماضى .. تحس الحاضر .. فتعرف تخطط للمستقبل .. واخترت أكون " كوتش التغيير المستدام " 🥰
💙💚🧡

تدريب أفكارك وتحرير ما وراءها وتعافي ممتد بتقنيات التغيير والميتا ثيرابي .. تشوف حقيقة أفكارك وجذورها .. وتفهم نفسك اللي ماكنتش تعرفها وشايفها ..

وادينا عايشين نتعلم .. ونساعد غيرنا يتعلم 💙💚🧡

إيه اللي بيحصل لي ده 🫣
وهل ده يخلينا نخاف من التغيير .. 🤔🤫👇

أغلى هدية تستقبلها في يوم الحب ..
إنك تساعد حد يشوف نفسه صح .. فيقدر يفهمها .. يحتويها .. يحبها ..
يكسر خوف .. يحرر ألم ..
يتغير بوعي وأمان ..
فاللهم لك الحمد على العمل بحب ..
والتأثير بلطف .. للتغيير بعمق ..

حذرونا زمان من سكة اللي يروح ... يتوه ..
يا بينسى نفسه .. يا من حسن حظه ..يعرف يلاقيها ..

وجمال قدره لو اختار يداويها ..

سكة بدايتها بتسمح له يشوف أبعد من اللي شايفه ..
وخلال طريقك بتركز بكل حواسك ..
إحساسك بيزيد .. قبولك لزلات النفس البشرية بيكبر ..
تفهم إنك مهما تخيلت إنك فاهم ... فيه أبعاد أعلى وأعمق..

النهاردة كان بداية رجوعي للجلسات بعد إنقطاع مدة طويلة .. ورغم تخيلي إن استجماع شتات ألمي وطمأنة نفسي هيحصل لما اوقف جلسات .. كان اعتقاد بعيد عن أي صحة ..🫣

النهاردة ريفيو 7 دقائق .. حقيقي .. صادق .. مليان مشاعر ..
بداية ظهور وعي بأمل جديد ..

اتقال لنا هتقابل اللي شبهك .. واللي زيك .. وهتتعامل مع عملاء يا بيفكروك بنسختك القديمة اللي جواها أجزاء محتاجة تتعافى ... يا عندهم أجزاء هتساعدك توصل لأفضل نسخة منك ..

هتلاقي كلامك بتقوله لهم ولنفسك .. هتقدر تداوي وجعك .. لما تواجه نفسك ..
رغم ألم سكة الوعي واحتياجها للجرأة والشجاعة .. إلا إنك عمرك بعدها ما بتعرف ترجع زي وقت فات في حياتك ..

هتلاقي نفسك بتختار نفسك .. بإحتواء .. بوعي جديد .. بقبول لتجربتك الإنسانية بكل لحظاتها .. بإنجازاتها وسقطاتها ..
وكل فخر بكل جزء وجعك .. قواك .. اتعلمت الحكمة من دوره في حياتك ..

فاللهم بالنفع .. وطيب الأثر .. ودوام العلم والتأثير