miss menna tallah

السنتر مكتمل عدد من فترة كبيرة، وفيه أولياء أمور كتير كلّموني مؤخرًا، بس للأسف مفيش أي مكان متاح حاليًا.
وإن شاء الله هنفتح باب الحجز للترم التاني قريب.

ممنوع العقاب !!
بس الطالب يتنطط في الحصة
ويقوم من مكانه
ويضرب زميله
ويوقع المياة على الارض
ويشتم ال جنبه
وياكل ويرمي على الارض
ويزعق ف الدرس
ويرقص قدام زمايله
ويقعد ربع ساعة في الحمام
وميكتبش ورا المدرس
وميكتبش واجباته
وميعملش حساب لحد
وولي الامر ميعجبهوش اسلوبك لو اعترضتي ع سلوكه

بس ممنوع العقاب يا جماعة ، نفسية الاولاد حرام مش كدا ، بس المدرس يولع عادي

الطالب الضعيف في القراءة مش جاهل ، لكن متأسسش صح من البداية ، لذلك سوف أعرض لكم خطة علاجية لتعلم القراءة للضُعاف أو للمبتدئين..

تم رفع سعر الحصه ١٠ جنيه زياده
لأني بتكلم كتير وبحـر.ق بنزين وانا بشرح

السلام عليكم 😊
بفضل الله وكرمه أنا مدرسة تأسيس والحمد لله عندي خطة ف التأسيس مأخوذة من جميع مناهج التأسيس بعد الإطلاع عليها مع إضافة الطابع الشخصي وطريقتي الخاصة بيا وشغالة بفضل الله من حوالي٧ سنين
والإطلاع على كل ما هو جديد في مجال التأسيس
وببدأ مع الطفل اللي مش بيعرف يقرأويكتب مع الإتفاق مع مامته ان 👇👇👇
1️⃣●مفيش منهج بدون إجادة القراءة والكتابة
2️⃣●مفيش اشتغلي ياميس منهج مع التأسيس
3️⃣●مفيش مُعلمة فاهمة ومتقنة تقول هتشتغل مع طفلك كدة وهو لسة ضعيف
لو بقى يقرأ ويكتب بس لسةف قصور بسيطة ممكن ابدأ منهج وبأسس من خلال المنهج
ونظامي إن مفيش شغل منهج بالإكتفاء بشرح الدرس ومعانيه واسئلته فقط،لازم قراءة وكتابة واستخراج قواعد وأساليب المنهج مش تلقين
وبس كده 😊🤷‍♀️
دمتم حبايبي ومتفقين دائما

لو عندك طفل سنتين ونص
ابدأ اديله قلم وخليه يشخبط
عشان ميتعبكش في مسكة القلم بعد كدا
ومتسمعش لكلام ال يقولك غلط علي عضلات أيده
انا هنا مش بجبره انا بخليه يلعب والهدف اسمي

اسرار البيوت كلها موجودة مع ميس الحضانة وميس الصف الاول الابتدائي🙆😂

نظام التعليم الجديد معمول عشان الأم اللي مذاكرتش وهي صغيرة تكمل تعليمها 😂

لو ابنك بياخد دروس عند نيوتن و أينشتاين والفارابي والجبرتي ، وبيحفظ قرآن عند ابن الجزري لن يتفوق أو يفلح من غير متابعة في البيت وتربية ، لأن البيت هو أهم حاجة ، المُعَلّم بيشرح نفس الشرح وبيطلع من عنده الدكتور والبلطجي ، وكنز المُعَلّم هو الطالب المؤدب المجتهد ، واللي عمل الفرق بين الاتنين هو البيت وليس المُعَلّم .🌹💛