Basma Elsherif

30/07/2026

✍🏻عندما يضرب الأب أبنه عند الغضب.

💢✨يجب أن يتوقع الأب أن ابنه قد يضرب الأخرين عند الغضب

30/07/2026

هل طفلك عنيد ولا يسمع الكلام؟ تعرفي على أسباب العناد عند الأطفال وأفضل الطرق التربوية لتعديل السلوك، وكيف تتعاملين مع طفلك بهدوء وحزم بعيدًا عن الضرب والصراخ لتحقيق نتائج فعالة
المقال دا مفيد جدا

تعرفي على أهم التغيرات النفسية والسلوكية التي يمر بها طفل عمره 12 سنة، وأفضل طرق التعامل معه في بداية المراهقة، مع نصائح تربوية تساعدك على بناء علاقة

30/07/2026

-طفلك مش ملطشه تحت ايدك وتحت ظروفك وعلى حسب مزاجك
دي حقيقه صادمه لو قعدنا مع نفسنا وفكرنا ايه ذنبهم انهم لسه صغيرين مثلا مش بيعرفوا يتكلموا ويدافعوا عن نفسهم
طفلك بيخزن كل شئ وبدايه من عمر 3 سنوات بيخزن الطفل مواقف ممكن تستمر معاه العمر كله في ذاكرته

ملوش دعوه بحالتك النفسيه وعلاقتك بأهلك وصحابك
ملوش دعوه بظروفك الأقتصاديه والمصاريف والفواتير

✔✔طفلك مش ملطشه لما ✋👇
¤¤- لما يجي يضربك او يزقك بلاش تهينه او تضربه امسك ايده بقوه مع نظره جدية
هيتعلم ان دا تصرف غير مقبول وهيتعلم اسلوب دفاع عن النفس ويصد ضربات الغير بدل ما يقابل العنف بالعنف وهيتجنب الكثير من المشاكل في حياته في المدرسه او النادي او الشارع

¤¤- لما يجي يشرب من الكوبايه وتقع تتكسر متضربهوش هو ميعرفش انها هتتكسر ولا قاصد يرميها ممكن تكون تقيله او كبيره عليه ومش عارف يتحكم فيها
دايما خلي لطفلك أدوات خاصه بلاستيك يستخدمها بسهوله وامان
¤¤- لما يعيط ويزن متصرخيش في وشه وتقوليله كفايه بقي
انزلي لمستواه وافهميه وشوفي عايز ايه واقنعيه بسهوله ولو مقتنعش سيبيه يعيط لوحده من غير ما تزعقي وتزوديه هيسكت لوحده وان طالت المده

¤¤- لما ابنك يرسم علي الحيطه مش لازم اضربه هو ميعرفش انك هتتعبي في مسحها ولا قاصد يشوهه منظر الاوضه هو عنده موهبه وطاقه
اما اخلي دايما كراسه رسم والوان في متناول ايده او اعلق ورق كبير علي الحيطه يشخبط ويرسم ويلون واغيرها لما تخلص

¤¤- لما يكون قاعد بلاش تفتحي مواضيع ونقاشات مع زوجك عارفه ان هيكون فيها شد وجذب وهتقلب بخناق
هو ملوش ذنب في مواضيعكم ولا مجبر يسمعها هو عايز بيت هادي ام واب متفاهمين

¤¤- لما يجيلك ضيوف ويتصرف تصرف مش لذيذ متبرريش ليهم تصرفاته وتقولي هو شقي او مجنني او تذكري صفه سيئة فيه خديه في مكان بعيد واتكلمي معاه دايما خلي الاولويه لطفلك واسمعي منه
تصرفاته دي معناها ان في حاجه جواه مش عارف يعبر عنها خاصه لو سنه صغير

¤¤- لما تخرجي في اي مول او مكان عام وطفلك زن او عيط كلميه علطول وحلي المشكله مش تستني لما صوته يعلي ولو حصل متشغليش بالك بنظرات الناس ليكي اهم حاجه متتعصبيش علي طفلك وخدي الامور ببساطه وبلاش ضرب وقرص علشان يسكت دا طفل لسه

¤¤- متسمحيش لحد يهين طفلك مهما كان دايما خليه خط احمر ولما يعمل تصرفات غلط علطول خديه في مكان منفصل واتكلمي معاه متسنتيش لما الناس تعدل وتتكلم عليه
كوني لطفلك كما يريد
ليكن لكي كما تريدي
كوني له ام بمعني الكلمه طفلك لا يريد منك اكل وشرب هو يريد منك ما لايستطيع غيرك ان يقدمه

30/07/2026

🌸🍃

الأبناء لا يحتاجون إلى أسرة مثالية بقدر حاجتهم إلى أسرة آمنة ..

فالضحك، والعفوية، والدفء العاطفي، أكثر أثرًا في صحتهم النفسية من منزل شديد التنظيم تسوده الجدية والتوتر والانتقاد .

29/07/2026

💙 رسالة دعم نفسي لأمهات الثانوية العامة بعد ظهور النتيجة
إلى كل أم...
سواء كانت النتيجة زي ما كنتِ بتحلمي أو أقل من توقعاتك، افتكري إن الدرجات بتقيس مستوى في امتحان، لكنها ما بتقيسش قيمة ابنك ولا مستقبله كله.
لو نجح وفرح، شاركيه فرحته من غير ما تحمليه ضغط المرحلة اللي بعدها.
ولو النتيجة ما كانتش مرضية، بلاش تخلي أول رد فعل يكون اللوم أو المقارنة أو التأنيب. في اللحظة دي ابنك محتاج حضنك، مش محاكمتك.
قولي له: "أنا فخورة بتعبك، واللي جاي بإذن الله أفضل."
كل طريق فيه فرصة، وكل بداية جديدة ممكن تكون سبب نجاح أكبر مما كنا نتخيل.
احتواؤك اليوم هيكون ذكرى عمر كامل في قلب ابنك، فلا تجعلي النتيجة تهدم ثقته بنفسه.
🤲 ربنا يكتب الخير لكل أبنائنا، ويفتح لهم أبواب النجاح والتوفيق في كل خطوة.
✍️ بقلم: بسمة الشريف

29/07/2026

تحية خاصة لأحدث المتابعين لي! يسرني انضمامك! Hussein Anan, Om Muawiya, Nabila Salah, Em Azmi

29/07/2026

ورشة مجانية اونلاين غدا باذن الله
بادر بالحجز فالاماكن محدودة

27/07/2026

🌷 كيف نبني شخصية قوية لأطفالنا؟ 🌷

🔹 عوامل تقوية شخصية الطفل:
✅ الاستماع الفعّال له واحترام رأيه.
✅ الاهتمام والرحمة به دون إفراط.
✅ تجنب الصراخ عليه وهو أكبر مدمر للثقة!.
✅ المدح والتشجيع على الأفعال الإيجابية.
✅ تشجيعه على اتخاذ قرارات مناسبة لعمره.
✅ منحه مساحة للتعبير عن مشاعره وأفكاره.
✅ تشجيعه على خوض تجارب جديدة (السباحة، الطبخ، الخطابة...) لاكتشاف مواهبه وتطوير ثقته بنفسه وتعليمه مسؤولية نفسه .

لقول الرسول صلى الله عليه وسلم: > "وكلٌّ مُيَسَّرٌ لما خُلِقَ له" — ساعد طفلك ليكتشف شغفه!

🚨 أسباب ضعف شخصية الطفل :
1️⃣ الضرب والصراخ والتوبيخ:
هذه الأمور الثلاثة اكبر مدمر لشخصية الطفل
- دراسة يابانية تؤكد أن الضرب الصراخ على الطفل تدمر ثقته وتُشعره بعدم القيمة.
- ونتيجة هذه الدراسة: كره الأسرة، تردد، وخوف من الفشل، عدم الثقة في قراراته وقدراته ويشعره أنه لا قيمة له ولا احد يحبه.

2️⃣ الدلال الزائد: يمنعه من تعلُّم المسؤولية والاعتماد على نفسه.

3️⃣ المقارنة بين الأطفال:
- لكل طفل مهاراته وذكاؤه المختلف.
- ونتيجة المقارنة: يشعر بالنقص ويفقد الثقة.

4️⃣ الإهمال والتجاهل:
- تجاهل رأيه أو قول: "رأيك لا يهم" يدمر احترامه لذاته.

5️⃣ التخويف والتهديد:
- يُفقد الطفل الإحساس بالأمان (وهو حاجة نفسية أساسية للطفل).

✨
"الطفل كالزهرة.. يعتمد نموّها على البيئة التي نصنعها لها!" 🌱

27/07/2026

✍️مهم جدًا تكتشف مَلَكات ابنك وتنميها وتفهم إن من رحمة ربنا وحكمته أنه أعطى لكل مخلوق ميزة معينة في حياته تكون سببًا لرزقه

بتعجب من الناس اللي مش بيحددوا مَلَكات عيالهم وينموها فيهم من الصِغَر
وأعجَب منهم اللي ابنه يقعد يتحايل عليه علشان يدخل مجال معين أو يدرس دراسة معينة علشان شايف نفسه فيها وهو يحاربه في كدا !

من كام يوم كان عندي أخ جايلي في مشكلة ومعاه ابنه ما شاء الله عليه ، الطفل عنده حوالي 4 سنوات بمجرد ما شافني لقيته حاطط إيده على كتفي وبيقوللي: (عامل إيه ياصاحبي)🤣

قعدت ألاغي فيه وأعمل معاه حوار لقيت الواد بيستجيب وبيتجاوب وعنده سرعة بديهة وبيدخلك في حوار

قلت لوالده: (الواد دا عنده كل مقومات المبيعات)

قاللي: (فعلًا ، رحت بيه مشوار في يوم لقيته بيقنع واحد نظارته عجبته ياخدها منه ويديه بتاعته وبيجيب له أدلة وبراهين من ألوان ملابسه إن نظارته هي اللي تنفع مع الملابس دي علشان يبدلها معاه)😀

طفل زي دا لو قعد في الدراسة والنوادي وبس موهبته تتقتل ، الدراسة المجردة من غير ممارسة الموهبة دي عمليًا تأخر الطفل كتير وتخليه يطلع موظف بيشتغل عند الناس

👈من حوالي سنتين شفت طفل في المرحلة الإعدادية بيقوللي: (يا عمو هو أنا لو أخذت من عندك بُن أعرف أبيعه ؟)

قلتله: (ومتعرفش ليه ؟)

قاللي: (طب هو بكام ؟)

الولد كان شكله ابن ناس كدا وعيل تربيته وأخلاقه عاليين ، فقلتله: (متشيلش هَم الفلوس خالص ، أنا هديك 2 كيلو من عندي تروح تبيعهم وتجيب الفلوس بعد ما تبيع وتاخد المَكسَب)

وقعدت معاه أشرح له يبيع إزاي وفين ، ويدخل عالزبون إزاي ويقول إيه وميقولش إيه ، رجع بعد شوية فرحان جدًا ومش مصدق نفسه إنه باع ، واتشجع وبقى يتعامل مع الناس ولسانه بقى حلو في الكلام وبقى يحكيلي إنه بقى معاه فلوس كتير لإني كنت عامل له سعر في البُن مش موجود تشجيعًا له ، لدرجة إن أمه جاتلي عالمطحن تشوف هو مين اللي عمل في ابنها كدا لحد ما الواد بقى معاه فلوس🤣

قلتلها يومها إنها لو فضلت معتمدة على المدارس الإنترناشيونال وتعليمه السباحة وكرة القدم إحتمالية فَشَله هتكون كبيرة جدًا لما يكبر ، قلتلها ابنك مكنش بيعرف يدير حوار دلوقتي علمته يبيع ويشتري ويشيل مسؤولية وكل دي حاجات هتنفعه قُدام فمتقلقيش عليه سيبيه يجرب ويتعلم

👈ابنك اللي بيحب الكمبيوتر وقاعد تجيبله ألعاب ونظرة بيروح عالفاضي وبقى عيل غبي.. علمه البرمجة ياحاج

ابنك اللي في الإعدادي والثانوي وشايل موبايل أندرويد وما شاء الله الواد بقى مستواه حلو في المزرعة السعيدة
نزله المزرعة الحقيقية أو سوق الخضار ياحاج عند أخ من الإخوة في الأجازات تكون عارفه يشتغل ويتعامل علشان المزرعة السعيدة مش هتنفعه في الظروف اللي جايه والله

نزلوا عيالكوا ياجماعة وعلموهم يكونوا رجالة بدل ما يتزوج موظفة لما يكبر علشان تساعده في المعيشة

انتوا اللي بتخلوا عيالكوا مش أد فتح بيوت من البداية وبعدين بتشيلوا هَمهم طول العُمر

ادرسوا مَلَكاتهم ووجهوهم علشان اللي جاي مش حلو

27/07/2026

زعلان؟ اديله الموبايل.
نعسان؟ سيبيه ينام وهو ماسك التابلت.
زهقان؟ افتحله أي جهاز يتسلى بيه.
الأم مشغولة؟ شغّلوه بالموبايل لحد ما تخلص.
الأب عايز يرتاح؟ اسكتوه بالجوال.
في ضيوف؟ ادوله التابلت عشان يقعد ساكت.
وقت لعب؟ خلوه قدام البلايستيشن بالساعات.
في الجنينة أو الملاهي؟ بلاش يجري ويلعب... خليه ماسك الآيباد.
في المول أو السوق؟ بدل ما يتفرج ويتعلم من اللي حواليه... اديله الجهاز.
مش راضي ياكل؟ افتحوله كرتون على الموبايل وكلوه بالعافية.
وبعدين نستغرب ونقول:
ابني شخصيته ضعيفة.
ابني مش بيذاكر.
ابني تركيزه ضعيف.
ابني مش بيساعدني.
ابني عصبي وبيصرخ.
ابني مش بياكل غير بالموبايل.
ابني بقى تايه ومش بيعرف أبسط الحاجات.
والسبب؟
إحنا من غير ما نحس حولناه من طفل بيجري ويلعب ويتعلم ويغلط ويكتشف... لطفل عايش جوه شاشة.
الجهاز وسيلة، مش مربي... ومش بديل عن حضن، أو لعب، أو حوار، أو وقت حقيقي مع أولادنا.
كل دقيقة بنرجع فيها أولادنا للحياة الحقيقية... هي استثمار في شخصيتهم ومستقبلهم.