15/08/2026
من فترة وأنا ملاحظة ظاهرة غريبه كدة طالعه قدامي اليومين دول كتير...بيجيلي طلبه كتير سنهم كبير( تالته ورابعه ابتدائي )ومش عارفين يقرأوا كلهم عندهم نفس المشكله وحقيقي دي مصيبه كبيرة في الأساس نفسه ، لما نسأل بقي عن الأساس كل اجابه بتصدم اكتر من الي قبلها
"الحقيه داخل سنه خامسه ومش عارف يقرأ"
"اصله متاسس ال3 مواد عن مس فُلانه وطلعت معاها دبلوم " ،" اخدنا مع ميس علانه وبدأت معاة كلمات علي طول وهو دلوقتي محتاس"
ناس كتيرة جدًا شغالة في التدريس وهما مش مدرسين اصلا وخصوصا تأسيس الاطفال ،مش كُل من هب ودب يشتغل مدرس!
التدريس مش شغلانه ، حضرتك مش مؤهل انك تتعامل مع الطفل ب اي شكل من الأشكال ولا حتي الخبره تُغنيك عن الجانب التربوي الي بيدرّس في كُليات التربيه الي جانب المادة العلميه.
ببقى مستغربة لما ألاقي سنين من الدراسة والتخصص والتدريب التربوي بقت بالنسبة للبعض مجرد شغلانه " أصلها غاويه"، كأنها مش جزء أساسي من المهنة.
ناس كتيرة شغالة في التدريس وهما مش مدرسين اصلا وخصوصا تأسيس الاطفال ، مش كل من هب ودب يشتغل مدرس!
مع كامل تقديري واحترامي لاصحاب الدبلومات ولكن حضرتك مش مؤهل انك تتعامل مع الطفل ب اي شكل من الأشكال لمجرد انك غاوي ولا حتي الخبره تُغنيك عن الجانب التربوي الي بيُدرّس في كليات التربيه الي هو اصلا أساس المهنه.
ببقى مستغربة لما ألاقي سنين من الدراسة والتخصص والتدريب التربوي بقت بالنسبة للبعض مجرد تفاصيل علي الهامش، وكأنها مش جزء أساسي من المهنة.
ايه المهنه دي ملهاش أهل يسألوا عليها ولا ايه ؟
التدريس مش مجرد مهنه ،التدريس مسؤولية وتأثير، وكل كلمة وطريقة وتصرف ممكن يفرقوا في حياة طفل أو طالب.
التخصص والتأهيل التربوي ليهم قيمة أكبر مما يعتقد أصحاب الغِوايه، وحتي السادة الزماله الأفاضل مينفعش تدي ال3 مواد مع بعض مدرس التاسيس بياسس الطفل في مادة واحدة فقط ألا وهي تخصص حضرتك ليس إلا!
ورسالتي الاهم لولي الامر ابنك او بنتك يستحقوا حد مؤهل ، دارس وفاهم هو بيعمل ايه مش حد بيقدملك حل مؤقت وخلاص ، قبل ما تسالي الشهر بكام اسالي: مين الي بيدرس ؟ ومؤهلاته ايه؟ غاويه ولا مدرسه؟
"التعليم استثمار، والقيمة الحقيقية لا تُقاس بما يُدفع اليوم، بل بما يُبنى للمستقبل."
