Mariam Fayez-مريم فايز

Mariam Fayez-مريم فايز Contact information, map and directions, contact form, opening hours, services, ratings, photos, videos and announcements from Mariam Fayez-مريم فايز, Educational consultant, ١٢ ش الحسين بن علي, Heliopolis.

مدرب ومحاضر معتمد
حاصله على ماجستير الصحه نفسيه والارشاد النفسي كليه التربية جامعة عين شمس
ب .دكتوراه الصحه النفسيه والارشاد النفسي جامعة عين شمس . دكتوراه الصحه النفسيه والارشاد النفسي البورد البريطاني

08/09/2026

أطفالنا على السوشيال ميديا
وضوابط تساعدنا
موضوع مهم وجديد محتاجين نتكلم فيه كتير ⬇️⬇️

بمناسبه موسم المدارس عايزين نساعد اطفال ال ADHD ازاى يكونوا مقبولين ف البيئه التعليميه ؟ازاى يستفيدوا ؟وكمان نختار البيئ...
01/09/2026

بمناسبه موسم المدارس عايزين نساعد اطفال ال ADHD
ازاى يكونوا مقبولين ف البيئه التعليميه ؟
ازاى يستفيدوا ؟
وكمان نختار البيئه اللى تناسبهم 🤔🤔

21/08/2026

مين الطفل اللى محتاج جلسات تعديل سلوك
وامتى ياخدها ويستفاد منها 🤔🤔

يلا بخطوات عملية تقدري تعمليها تكتشفي سر الاندفاعيه وازاى نفهمها ونتعامل معاها لأن الاندفاعية مش بتيجي من الفراغ… وممكن ...
20/08/2026

يلا بخطوات عملية تقدري تعمليها تكتشفي سر الاندفاعيه وازاى نفهمها ونتعامل معاها

لأن الاندفاعية مش بتيجي من الفراغ… وممكن ابنك يعمل سلوك مندفع، لكن السبب اللي ورا تصرفه مختلف تمامًا عن طفل تاني.

فبدل ما نقول:

“ابني مندفع وخلاص” ❌

تعالي النهاردة نطبق أداة في علم النفس اسمها **ABC Observation** 🔎

ببساطة كده بنعمل تحقيق صغير في الموقف 🕵️‍♀️ (مش مع الطفل طبعًا 😂.. تحقيق في الموقف نفسه).

**A = Antecedent (ما قبل السلوك)**

إيه اللي حصل قبل التصرف مباشرة؟

* مثال: أخوه خد اللعبة من إيده ⬅️ الطفل ضربه فورًا.
* مثال آخر: طلبتي منه يقفل الموبايل
كان مستني دوره،
سمع كلمة “لا”
، بدأ وقت المذاكرة،
أو كان تعبان وجعان.

> *هنا بنعرف "المُحفّز" أو الزرار اللي بيشغّل الاندفاعية.*

**B = Behavior (السلوك نفسه)**

ابنك عمل إيه بالظبط؟

هنا بنوصف اللي حصل زي كاميرا الفيديو 🎥 من غير ما نحكم أو نوصف مشاعر.

* بدل ما نقول: “ابني قليل الأدب ومندفع” ❌
* نقول: “قاطع الكلام 3 مرات”، “ضرب أخوه”، “رمى القلم”، “صرخ” ✅

**C = Consequence (ما بعد السلوك)**

إيه النتيجة الفورية اللي حصلت بعد التصرف؟

* رمى القلم وقال: “مش هعمل الواجب!” ⬅️ فقلتِ له: “خلاص سيبه النهاردة”.
النتيجة: الواجب مش مهم يتعمل 🤔
هو مخه مش بيخطط بشر ويقول: “خطة عبقرية للهروب من الواجب” 😂.. لكن عقله بيترجم إن التصرف ده خلّصه من حاجة صعبة أو جاب له اللي هو عايزه.

---

**تطبيق عملي لمدة أسبوع:**

في كل موقف تظهر فيه الاندفاعية، سجّلي في ورقة:

* **قبل:** إيه اللي حصل؟
* **السلوك:** عمل إيه بالظبط؟
* **بعد:** إيه النتيجة اللي حصلت؟

بعد كام موقف هتكشتفي إن الاندفاعية مش عشوائية زي ما كانت باينة. هتعرفي هي بتظهر أكتر وقت المذاكرة؟ ولا مع أخوه؟ ولا وقت الرفض والانتظار؟

وساعتها السؤال بيتغير من:

“ليه ابني مندفع كده؟” 🤔

إلى:

**“إيه اللي بيحرّك اندفاعيته؟ وإيه المهارة اللي محتاج يتعلّمها عشان يعبّر صح؟”** ❤️

03/08/2026

مصطلحات كتير للمشاكل الدراسيه متوهانا ومش عارفين ولادنا ايه مشكلتهم بالظبط 😞
هل كل الاطفال اللى عندها مشكله دراسيه ذكائها قليل 🙄
صعوبات تعلم
بطئ تعلم
تأخر دراسي
ايه الفرق بينهم

27/07/2026

٣ قواعد لتعليم الاطفال الحدود والخصوصية
🙅‍♀️ملكية الجسد وحق الرفض
✔️ التفرقه بين اللمسه الامنه واللمسه غير الامنه
👨‍👩‍👦‍👦 دواير الامان اللى اولها دايرتى انا بس

لأن سلامة أطفالنا هي أغلَى ما نملك، ولأن التوعية هي درع الحماية الأول...وكمان المدرسه أصبحت شريك اساسى ف التوعيه وعلشان ...
20/07/2026

لأن سلامة أطفالنا هي أغلَى ما نملك، ولأن التوعية هي درع الحماية الأول...
وكمان المدرسه أصبحت شريك اساسى ف التوعيه
وعلشان كده يشرفني اكون موجوده مع مدرسة سانت انتونى الامريكيه الدولية واشاركهم ف توعية الآباء والأمهات 🙏❤️
St. Anthony Schools

15/06/2026

بعض الأعراض المصاحبة ل تشتت الانتباه
بعض الاضطرابات المصاحبة لل adhd
تأثير ادمان الشاشات

01/06/2026

مهارات مهم نكسبها للطفل للتقليل من الاندفاعيه 👇👇

جايالكم بعد كميه رسايل كلها خناقات وخلافات فى فترة الاجازة مع احباب الله 😂😞وبعد كمية شكر للمدرسين والحضانات اللى لما بتق...
29/05/2026

جايالكم بعد كميه رسايل كلها خناقات وخلافات فى فترة الاجازة مع احباب الله 😂😞
وبعد كمية شكر للمدرسين والحضانات اللى لما بتقفل بتحصل مشاكل اسريه 🤦‍♀️🤦‍♀️
ف قولت نلحق اجازة الصيف من دلوقتي 🙄
فترة الإجازة الصيفية مع أطفال عندهم تحديات أو مشاكل سلوكية بتظهر للوهلة الأولى "حقل ألغام" أو عبء إضافي لكنها في الحقيقة فرصة حلوة مش بنلاقيها في المدرسة، لان الطفل بيكون تحت ضغط أكاديمي واجتماعي مستمر ( وهو للاسف مش بيحب ده خالص ) أما الإجازة فهي المساحة الأنسب لإعادة ترميم السلوك وبناء الروابط بدون ضغوط الواجبات والصحيان بدرى .
طب نعمل ايه ف الاجازة 🤔
1. نحط "روتين مرن" (وليس عشوائية مطلقة)
الأطفال اللى بيعانوا من مشاكل سلوكية (زى فرط الحركة، تشتت الانتباه، أو العناد) ينهاروا في غياب النظام. العشوائية تزيد من توترهم وتظهر في صورة نوبات غضب أو تمرد 😞😞 بس احنا بنشوف ده ف صورة سلوكيات غلط ومش عارفين ان قله النظام هى السبب

الحل: مش عايزين نظام عسكري زى ايام الدراسة، لكن هيكل يومي متوقع ومعروف من قبلها حددوا مواعيد ثابتة تقريبيه للنوم والصحيان، ووجبات الطعام ومش لازم ٦ صباحا نصحى لكن ممكن ١٠ او ١١ او ١٢ كل بيت وليه قانونه المهم يبقي فيه قانون اصلا 👌👌

نصيحة : استخدموا "الجدول البصري" (لوحة عليها صور للأنشطة: وقت القراءة، وقت اللعب، وقت الشاشة). شايفين قصادهم اللى هيحصل بالترتيب وده بيخلى الطفل عنده شعور بالأمان وتقلل المقاومة.

2. استثمار وقت الفراغ بذكاء (تقنين الشاشات)
الوقوع في فخ ترك الطفل أمام الأجهزة اللوحية والتلفزيون علشان نخلص من إزعاجه هو "مسكن مؤقت بيعقد المشكلة بعدين". زيادة وقت الشاشات ترتبط طردياً بزيادة العصبية، وقلة الانتباه، وضعف المهارات الاجتماعية.

البديل: استبدال الشاشات بـ أنشطة تفريغ الطاقة. الألعاب الحركية، السباحة، ركوب الدراجات، أو حتى المساعدة في أعمال المنزل وده مهم جدا لو زهقان دور على حلول مش بابا وماما اللى هيدوروا لان اكيد هو زهقان علشان يمسك الشاشه مش اكتر 🙄🙄

تحفيز الوظائف التنفيذية: الألعاب القائمة على تبادل الأدوار، ألعاب الألغاز، والتركيب (المكعبات) تساعد جداً في تطوير مهارات الصبر، التخطيط، والتحكم في الانفعالات.

3. التركيز على "الوقت الجيد" (Quality Time)
في زحمة الحياة، ممكن ننسى أننا نتكلم مع أطفالنا بدون توجيه أوامر.

الفكرة: خصصوا 15 إلى 20 دقيقة يومياً لكل طفل على حدة (بنسميه الوقت الخاص). في هذا الوقت، يعمل الطفل اللى عايزه هو (لعب، رسم، حديث) دون أي انتقاد، أو توجيه، أو نصائح منكم. الاستثمار البسيط ده بيشحن "خزان العاطفة" عند الطفل، وهتلاحظوا انخفاض ملخوظ في السلوكيات السلبية اللى بيعملها لمجرد جذب الانتباه لانه فعلا خلاص متشاف ف الوقت الخاص 👏👏

4. استبدال العقاب بـ "العواقب "
بدلاً ما نركز على السلوك السيئ والصراخ المستمر، غيروا العدسة التي بتشوفوا بيها ولادكم .

اصطاد السلوك الجيد: لما يقعد الطفل هادى لدقائق، أو يشارك لعبته مع أخيه، امدحوه فوراً وبشكل محدد ("أنا فخور بك لأنك شاركت لعبتك" وليس فقط "أنت ممتاز").

الاتفاق المسبق: قبل الذهاب لأي مشوار أو تجمع عائلي، ضعوا قواعد واضحة وعواقب معروفة. (مثلاً: "هندخل المحل، ومسموح بشراء شيء واحد فقط. إذا صرخت، سنغادر فوراً"). والالتزام بتنفيذ العاقبة بهدوء وبدون عصبية هو السر✔️✔️
اجازة سعيده بدون خناقات ♥️♥️♥️

Address

١٢ ش الحسين بن علي
Heliopolis
00202

Telephone

+201152328406

Website

Alerts

Be the first to know and let us send you an email when Mariam Fayez-مريم فايز posts news and promotions. Your email address will not be used for any other purpose, and you can unsubscribe at any time.

Contact The School

Send a message to Mariam Fayez-مريم فايز:

Shortcuts

Share

Category