الحكايه

الحكايه Contact information, map and directions, contact form, opening hours, services, ratings, photos, videos and announcements from الحكايه, Education Website, الجيزه, Giza.

الحكايه ــ إحنا شباب كلية إعلام / جامعة الأهرام الكندية، طالعين نقدّم حملة بتظهر جمال مصر وحكايتها اللي مبتنتهيش. هدفنا نوريكم بلدنا بعيون شباب بيحبوا يصوروا و يوثقوا ويحكوا قصص من قلب الشارع المصري. تابعونا وخليكم جزء من الحكاية.

02/12/2025

إحنا مش بس شباب إعلام…
إحنا الشباب المصريين.

إحنا الجيل اللي قرر يرفع صوت بلده، ويحكي للعالم عن جمالها بعينه هو.
نصور، نوثق، وننقل كل لحظة من قلب الشارع… من النوبة لطابا، من الخان للقاهرة الخديوية، من كل ركن بيحكي تاريخ وحكاية.

هدف حملتنا بسيط وواضح:
نخليكم تشوفوا مصر زينا تشوفوها بعين ولادها.
تحبوها زينا.
لإن مصر هي حكايه و حكاية مصر مبتنتهيش🇪🇬.

01/12/2025

#مصر #حضاره #تاريخ
#مصرحكايةمبتنتهيش

01/12/2025

طابا… لؤلؤة البحر الأحمر وجزء ساحر من سيناء.
هناك، كل حاجة طبيعية… لكن مش أي طبيعة…
البحر بلون فيروز مش ممكن تشوفه في أي مكان، والجبال شامخة وكأنها بتحمي المكان من الزمن.
والشمس؟ كل يوم بتشرق كأنها لوحة رسمها فنان مخصوص ليك.
في طابا… كل لحظة تحسسك إنك عايش فيلم…
تمشي على الشطوط، تسمع صوت الموج، تحس بهدوء يخطف قلبك…
تركب مركب للجزيرة، أو تطلع على قلعة صلاح الدين، وتشوف منظر يخليك تقول: "ده مكان مش من الأرض!"
طابا مش بس مدينة…
ده إحساس، ده هدوء، ده مغامرة في مكان واحد… وكل ده جزء من سيناء الخلابة.
المكان اللي كل مرة ترجعله، بتحس إنك لسه ما اكتشفتهوش كله.
خليك معانا و هتعرف ان مصر… حكاية مبتنتهيش🇪🇬.
#مصرحكايةمبتنتهيش
#مصر #طابا #سيناء #سياحه

01/12/2025

✨ الخان الخليلي… قلب القاهرة القديمة وروحها اللي مبتنتهيش ✨
في كل مكان هنا، حكاية… وفي كل محل، روح مصرية أصيلة
من ريحة البخور، لصوت النحاس وهو بيتشكّل، لضحكة الصنايعية اللي ورثوا المهنة من أجدادهم.
هنا تلاقي التاريخ ماشي جنبك، والفن مُتعلق على الحيطان، والجمال متشال في كل تفصيلة.
سواء جاي تتسوق، تكتشف، أو بس تتمشى… الخان الخليلي مكان هتحس فيه إن الزمن وقف علشانك.

🇪🇬💛 مصر… جمالها في تفاصيلها، وتفاصيلها بتبان هنا أكتر من أي مكان

#الخان #مصر #سياحه

01/12/2025

إحنا شباب كلية الإعلام… وجايين نوريكم جمال مصر زي ما إحنا شايفينه.
هدفنا بسيط وواضح: نعرّفكم على مصر بعيوننا… نوريكم جمالها الحقيقي، ونخلي كل حد يشوف قد إيه بلدنا تستاهل نعيشها ونفتخر بيها.
جايين نحكي عن بلد كل زاوية فيها حكاية، وكل خطوة فيها تاريخ، وكل لحظة فيها روح ما تتوصفش.
من نيلها الهادي…لبحرها اللي مليان حياة،
من شوارعها اللي مليانة ناس ودفا… لآثارها اللي واقفة تشهد على أعظم حضارة في الدنيا.
إحنا مش بس بنصوّر… إحنا بنعيش الحكاية،
وبنوريكم مصر اللي بنحبها،
مصر اللي مهما لفّينا… مالهاش زي.

استنّوا منّا محتوى يحسسكم إنكم معانا في كل لقطة…مصر
جميلة، وهدفنا نوريكم جمالها الحقيقي🇪🇬.
#مصرحكايةمبتنتهيش
#مصر #فخر #سياحه

01/12/2025

في قلب مصر في مكان هادي وبكر الفيوم
حتة طبيعة لسه محافظة على روحها وعلى حكايتها
وهنا بتبدأ أول فصول حملتنا حملة حكاية
لإن كل مكان في مصر وراه قصة تستاهل تتسمع
بحيرة قارون مية هادية بتحكي عن زمن طويل
وادي الريان شلالات بسيطة بس صوتها مش بسيط
والصحراء بتتمد كأنها صفحة جديدة من كتاب لسه مفتوح
إحنا مش بس بنصور مكان إحنا بنحكي حكاية
وحكاية مصر حكاية ما بتنتهيش
الفيوم فصل من فصول كتير
وكل مكان ليه حكاية حكاية مستنية اللي يرويها❤️
#مصرحكايةمبتنتهيش
#مصر #الفيوم #سياحه

🌞🏡 بيوت النوبة.. حكاية ألوان ودفافي أقصى جنوب مصر، على ضفاف النيل، هتلاقي عالم تاني.. عالم اسمه النوبة.البيوت هناك مش مج...
30/11/2025

🌞🏡 بيوت النوبة.. حكاية ألوان ودفا

في أقصى جنوب مصر، على ضفاف النيل، هتلاقي عالم تاني.. عالم اسمه النوبة.
البيوت هناك مش مجرد مباني، دي لوحة فنية معمولة بإيدين ناس بتحب الحياة.
ألوان هادية ومبهجة.. نقوش بتحكي تراثهم.. وأبواب بتفتح على قلوب طيبة قبل ما تفتح على بيوت.
كل زاوية فيها روح.. وكل باب عليه قصة.
النوبة مش مكان، النوبة إحساس… دفّا، بساطة، وفرحة من غير تكاليف.
ولو زرتو بيوتها هتحسوا إنكم رجعتو لزمن جميل… زمن كله حب وسلام وأصالة مصرية صادقة.

30/11/2025

قصر محمد علي… مكان مش مجرد زيارة، ده تجربة بتفتحلك باب على زمن تاني

حملتنا بتدعو كل واحد فينا يكتشف جمال مكان يمكن سمعنا عنه… لكن لسه مجربناش إحساس الوقوف جواه.
قصر محمد علي في شبرا مش مجرد مبنى تاريخي، ده لوحة فنية منقوشة في تفاصيلها حضارة وفن وذوق ملوكي ما بيتكررش.
ادخل القصر…
هتلاقي نفسك ماشي في ممرات بتحكي قصص،
وحدايق بتتنفس جمال،
وقاعات يفضل صداها فاكر كل اللي مرّ من هنا.
إحنا بنقولك:
زور… اكتشف… شارك الحكاية.
لإن تاريخنا مش بس محفوظ في الكتب…
تاريخنا واقف مستنيك تشوفه، تلمسه، وتعيد إحياءه من جديد❤️

قصر محمد علي… أصل الحكاية.
ومصر… حكاية مبتنتهيش🇪🇬.

Address

الجيزه
Giza

Website

Alerts

Be the first to know and let us send you an email when الحكايه posts news and promotions. Your email address will not be used for any other purpose, and you can unsubscribe at any time.

Shortcuts

Share

Category