Zootopia Club

أنت رفيع كده ليه يا بني؟ أكيد في دودة في بطنك وبتاكل أكلك 🪱
سمعت الجملة دي كتير من طنط وأنت صغير بس تعرف بقى إن طنط ممكن تكون صح؛ دي عدوى وإسمها Helminthic Infection، شوفت بقى يلا بينا نشوف بقى طنط عندها حق ولا إيه.

ال Helminthic Infection هي عدوى بتسببها الديدان الطفيلية ومن إسمها هي كائنات بترخم على جسمك وتتطفل عليه، ومش بس كده دي بتتغذى على محتويات الأمعاء وفي منها كمان بتتغذى على الدم مباشرة وسوائل الجسم بأنواعها وفي منها بقى باشا مش بتحب تتعب نفسها خالص؛ بس متظلمهاش ده لأن معندهاش جهاز هضمي اصلا فبتمتص الغذاء جاهز على طول عن طريق الجلد وبتاخد اللي يفيدنا من جلوكوز وفيتامينات😮.

ودلوقتي بقى هقولك أمثلة عشان تفهم خطورتها أكتر،ال Ascaris ودي تصنف من الNematods و بتتغذى على محتويات الأمعاء، وبتعيش في الأمعاء الدقيقة وكترهاممكن يسبب انسداد في الأمعاء وطبعا هي بتسبب ضعف عام ونقص في الوزن.
ال Wuchereria bancrofti ودي بقى بتتغذى على سوائل الجسم (الليمف)، وبتعيش في الجهاز الليمفاوي وعشان كده بتسبب ما يعرف بداء الفيل (Elephantiasis) ورم شديد وتضخم في الأطراف.

أما بقى ال Schistosoma mansoni بتتغذى على الدم مباشرة، وبتعيش في الأوعية الدموية وطبعا بتسبب أنيميا، كل دول بقى بنعرفهم من خلال تحاليل معينة بتتحكم حسب نوعها ومعظمهم بنعرفهم من Stool or Blood analysis.

وده يعلمك لما تسمع حاجة تدور وراها يمكن يكون ليها أساس علمي اهي طنط طلع عندها حق اهي وأنت كنت فاكره هزار يا أستاذ😉.

شوفنا في فرص كتير انهم طالبين البعبع الكبير وهو ال Cv🫣

وعشان كدة أكيد مش هنسيبكم من غير ما نخليكم تعملوا Cv عشان كدة هنقولكم أزاي تعملوا Cv و ببساطة ده لينك فيه كل حاجة هتفيدكم في الموضوع وكمان هيكون مناسب لنظام ال ATS ومن غير AI كمان و فيه تمبلت تعدل عليه ب البوينتس اللي في الوورد♥️

فاكر كدة خلصنا 🫣 مينفعش والله هتلاقي في نفس اللينك وخصوصا في ملف الوورد شوية تيبس وتريكس وسيشن مفيدة وفيديوز عن الانترفيو والسوفت اسكيلز و ال personal branding ♥️ وعشان منطولش كتير ده اللينك وبالتوفيق ودايما هيتجدد ب استمرار و انتظرونا يوم 1/6 في بوست مهم ♥️

https://drive.google.com/drive/folders/1vy_N7UMVd85EGEkEMBQVjeEKp0iLOOi5

فرحتنا بالعيد بتكمل بوجود اللى بنحبهم 🌚
عشان كده عيلة زوتوبيا بتقولكم عيد أضحى مبارك عليكم و على الأمة الإسلامية جميعاً 🐑♥

قطعة لحمة نية أو نص سِوا ممكن تعرض حياتك للخطر، طب ليه؟

عشان نتجنب الصداع، الدوخة، الغثيان، الحمى، الالام في البطن و العضلات، حكة الجلد و احيانا الموضوع بيوصل للوفاه🤒

لازم نتجنب الTrichinella roundworm larvae
عشان ال Trichinellosis، و ده مرض مش معدي من شخص لآخر و لكن من لحمة نية أو نص سِوا لآخر.
و لأن في ديدان مش بتتأثر بإختلاف درجات الحرارة، بمعني لا التبريد يقتلها ولا التسخين أو التجفيف يموتها.

فهنتكلم كلام Parasitology و نسمع شوية life cycles كدة ...بهزر يا صديقي انا مش حافظاهم 💀
بس المعروف أن في لحمة نية فيها دودة صغنونة دخلت جسم الإنسان و أطلقت الlarvae من الcyst تسبح في امعاءك و توصل لعضلاتك فتحس بإرهاق و تبدأ الأعراض فتروح تعمل تحليل دم أو تاخدmuscle biopsies و تروح للدكتور و تاخد شوية أدوية Anthelmintic و تخف الحمد لله!

طب ايه رأيك لو تسيب اللحمة تستوي على نار هادية؟

دورة حياة أقل كتكوت فى الفيوم 🐤
عمرك فكرت أزاي الكتكوت بيتنفس و يتغذى من جوه البيضة اللى أنت شايفها زي الحجر؟!
تعالى أقولك 🫣
البيضة قشرتها متكونة من مادة كربونات الكالسيوم (CaCO3) و ده بيديها صلابة هتقولي اهو زي الحجر هقولك متحكمش على البيضة من قشرتها 🫵🏻 لأنها مش زي ما بتقول، القشرة مسامية جداً و ده اللى بيميزها و بيسمح للأكسجين إنه يدخل من الهواء الجوى و لثاني أكسيد الكربون إنه يخرج و ده سر حياتها يعني لو مثلاً حطيت البيضة فى شويه ماية هتموت؟! أيوه بالفعل هتموت لأنك قفلت المسام اللى بتتنفس منها 🤷🏼.
و مش بس كده القشرة دي بتتحكم فى مستوى المايه اللى داخل و اللى خارج بحيث إن الجنين ميجفش و ميغرقش .
و كمان القشرة دى خط دفاع أول للجنين لأن فيها مادة أسمها الكيوتيكل (Cuticle) دي طبقة شمعية بتمنع دخول الميكروبات.
و كمان القشرة بتحمي الجنين من الصدمات و من التغير المفاجئ فى درجات الحرارة.
و أخيراً اللحظة المنتظرة لحظة الفقس 🤩 هنا الكتكوت بيستخدم حاجة اسمها سن البيضة (Egg tooth) ده بيكون بروز صغير مؤقت فى منقاره بيكسر بيه القشرة من جوه.
و مع اول شق فى القشرة بتبدأ رحلة الحياة

ممكن تكون شايفها مجرد قشرة بيضة لكن ده نظام حيوي متكامل متقن، متنساش تقول سبحان الله ♥.

وبعد فرص كتير حلوة فاكرين الفرص خلصت 🫣

تؤتؤ انهاردة معانا كام فرصة مميزة جدا لينا فا يلا عطول نبدأ ب اول فرصة ♥️

📌 اول انترن هتكون في ايفا فارما وفتحت التسجيل تاني والتدريب متاح في أقسام كتير اللي ليه علاقة بينا
Quality - R&D

📌 تاني تدريب معانا هيكون فيه MARC Unit اللي فيها Eva وبيركز اكتر على ال R&D

سواء هتقدم على تدريب EVA أو تدريب MARC التقديم بيتم عن طريق الابليكيشن بتاعهم و بيحتاج فيديو تعرف بيه عن نفسك وتجهز ال Cv طبعا

https://play.google.com/store/apps/details?id=com.eva.eva_training_certificates

📌 تالت تدريب معانا هيكون في شركة Beyti وده هيكون في قسم ال QPD

وده لينك التقديم:
https://lnkd.in/drrYN4Zq

📌 اخر تدريب معانا انهاردة هو فيه Zemam Healthcare Business Internship وده ليه طابع مختلف هنحط تفاصيلها في الكومنتس ♥️
وده لينك التقديم:
http://internship.zemam.net