Jacqueline,MCT -"ERP بالعربي"

رمضان مُبارك عليكم جميعا 😊

📌هو انت لما بتيجى تطبق ال system فى شركة او تعمل "implementation"
بتحتاج تعمل configuration ولا customization؟

تعالى نفهم مع بعض ببساطة ايه معنى الكلمتين دول فى مجال ال ERP وايه دورهم وقت تطبيق البرنامج

🔹 Configuration
يعني إنك تستخدم الإعدادات (Settings) اللي موجودة بالفعل في النظام وتظبطها على شغلك.
✅ مثال: تحدد مثلا العملات، طرق الاستلام، طريقة حساب التكلفة.
➡️ هنا ما فيش أي تعديل في النظام نفسه، بس بتستخدم اللي موجود وبتظبطه حسب شركتك.

🔹 Customization
يعني إنك تعمل تعديل أو تضيف Features جديدة على النظام نفسه.
✅ مثال: تقرير معين محتاجه، خانة فى كارت الصنف او العميل تضيف فيه بيانات
➡️ هنا بنكتب Code جديد أو بنبرمج حاجة ونضيفها للنظام بتاعك عشان تغطى احتياجك اللى مش موجود by default في النظام اللى أنت شاريه.

طب ليه مهم أنك تعرف الفرق بينهم لما تبدأ دراسة ال ERP؟

لأن كل ما تزود Customizations، بيزيد الـ Risk التكلفة وبيصعب عليك كمان انك تعمل upgrade للسيستم بتاعك قدام.

فى حين ان كل ما تشتغل أكثر بالـ Configuration، بتخلي النظام Stable أكتر وأسهل في الصيانة.

💡 الخلاصة:
اتعلم لما تيجى تطبق سيستم عند عميل وتسمع طلباته تسأل نفسك:

هل أقدر أحقق ده بالـ Configuration؟
لو آه ✅ يبقى أفضل و أوفر وأسهل.
لو لأ ❌ يبقى Customization هو الحل وتخلى عينك فى وسط راسك وانت بتحط ال design بتاعها وتجربها قبل ما تسلمها للعميل

خليكم متابعين عشان تعرفوا مبادئ ومفاهيم اكتر مهمة عن مجال ال ERP
يارب اكون بفيدكم 🤗

📌هى لو شركتنا شارية ERP مفهوش CRM مبنى جواه هيعملوا ايه؟

طب استنى نفهم الناس الأول ايه هو ال CRM وبعدين نجاوب سؤالك ببساطة 😀

ال CRM هى اختصار لـ Customer Relationship Management أو "إدارة علاقات العملاء".
الموديل ده في أنظمة الـ ERP بيركز على كل ما يخص العملاء الحاليين او اللى لسة هيتسجلوا.

🔹 طب دوره ايه فى الشركة؟

1️⃣اول حاجة تسجيل بيانات العملاء والتواصل معاهم.

2️⃣متابعة الـ Leads او (العملاء المحتملين) وتحويلهم لعملاء فعليين او صفقة حقيقية.

3️⃣إدارة كل cycle المبيعات من أول عرض السعر لحد الفاتورة.

4️⃣واخيرا متابعة خدمة العملاء بعد البيع (Support & Complaints).

بيعنى نقدر نقول ان ✅ "الهدف الأساسي" منه هو بناء علاقة قوية مع العميل، وزيادة فرص المبيعات.

نرجع بقى لسؤالك، تعمل ايه لو اشتريت ERP مفيش جواه module او app بيخدم ويخزن كل ال data دى بكل تفاصيلها ؟

فى الحالة دى بيكون عندك حلين:
1️⃣الحل الأول هو انك تبنى ال module من خلال البرمجة او ال development جوة ال app اللى انت شغال بيه.
2️⃣الحل التانى هو انك تشوف App كويس جواه كل احتياجاتك وتبدأ تربطه او تعمله "integration " مع ال ERP بتاعك ودى نقطة قوية جدا جوة ال ERP انه يكون قابل للتكامل او الترابط مع Apps تانية ممكن تحتاجها عشان تكمل شغلك وتضمن تكامل بين كل العمليات

📍بكدة نبقى عرفنا مفهومين مهمين ف ال ERP
مفهوم ال CRM .. واحد من اهم ال Apps فى ال Market
ومفهوم ال integration بين ال ERP واى App تانى مش موجود جواه

خليكم متابعين عشان تعرفوا اكتر عن مجال ال ERP وكا ال concepts بتاعته

يارب اكون بفيدكم 🤗

كل عام وأنتم جميعا بكل خير 🤍

دلوقتى انت جاهز لخطوة أكبر ومعلومات أعمق!

✅بعد ما اتعلمنا مع بعض "ازاى الشركة بتجمع كل الحركات الخاصة بيها فى مكان واحد" وهو ال ERP

✅عرفنا كمان ايه الوظائف المهمة والمتاحة فى المجال دة.

✅ايه المهارات المطلوبة و اللى محتاج تنميها عشان تقدر تنجح فى المجال.

✅واخيرا ايه هى انواع ال ERPs او ال systems اللى تقدر تبدأ مذاكراتها او تتعلم من خلالها مبادئ ال ERP وال features بتاعته.

جه الوقت انك تبدأ تتعرف على ال Modules او المكونات اللى بتكون موجودة داخل ال ERP دة واللى هتكون مسوؤل ان شاء الله عن تطبيقها عند العميل بعد ما تتقنها.

هسيبلكم الفيدوهات فى التعليقات للى عاوز يشوف الموضوعات بالترتيب او فاته حاجة

خليكم متابعين

يارب أكون بفيدكم 😊

-هى مش Hybrid دى بتتقال على اللى بيشتغل من البيت؟ 🤔
=لأ التانية Remote
-طب دى للى بيشتغل من المكتب؟
=لأ التانية onsite
-الله! امال Hybrid دى بتتقال على ايه؟🙄
=بص يا صديقى، كلمة Hybrid بتستخدم دلوقتى للتعبير عن حاجة بتشتغل بطريقتين فى نفس الوقت
📍مثال (موظف بيشتغل ايام من البيت وايام من المكتب)
(عربية بتشتغل بالبنزين والكهربا)

📌والنهاردة هنستخدمها بردة عشان تعبر عن طريقة لطبيق بعض ال ERP systems اللى بتجمع بين نظامين (اونلاين او cloud و offline او on-premises)

🖥الطريقة دى معناها ببساطة انك بتدمج ما بين النظامين فبتخلى بعض اجزاء السيستم شغالة اونلاين وبعضها على الاجهزة عندك وبتربط الاتنين ببعض

🔖امتى اختاره؟
1️⃣مش عاوزة تعتمد على الاونلاين بشكل كامل عشان ميحصلش مشكلة لو النت فصل زى محلات ال retail، ممكن ميعرفش يبيع، لكن فى نفس الوقت عاوز البرنامج عندك ميبقاش منفصل عن ال updates اللى بتحصل على السيستم.
2️⃣عندك modules معينة بيحصل عليها تحديثات باستمرار والافضل انها تبقى shared و accessible من اى مكان زى ال CRM مثلا.
3️⃣بتشتغل على confidential data مينفعش تترفع على ال cloud او يبقى متاح ال access عليها زى المؤسسات الحكومية او القطاعات المالية.

⛔️عيوبه ايه؟
1️⃣تكلفته عالية بردة مقارنة بال cloud لكن اقل من ال on-premise
2️⃣بيحتاج فريق IT متميز وقوى هيكون مسوؤل عن متابعة وادارة الجزئين والعلاقة بينهم.🛠🛠
3️⃣محتاج قبل ما تبدأ فيه تكون مخطط كويس جدا كل حاجة هتشتغل ازاى ودة هيتطلب experts وتكلفة بردة على المشروع

وبكدة نبقى عرفنا ببساطة يعنى ايه Hybrid وامتى اختاره.

دة اللينك بتاع الطريقة الاولى اللى هى ال cloud
https://www.facebook.com/share/p/1CRyZkoKPG/
ودة اللينك بتاع الطريقة التانية ال on-premise
https://www.facebook.com/share/p/1HiNnuyZX6/

استنوا كل يوم اتنين بوست جديد بمفهوم جديد

يارب اكون بفيدكم، بالتوفيق للجميع🤗

يعنى ايه On Premise ؟🤔

النهاردة هنشرح الطريقة التانية لتطبيق ال system او ال ERP فى الشركات وهى طريقة ال On Premise.

🖥الطريقة دى معناها ببساطة ان ال system يبقى بيشتغل على اجهزة الشركة، داخل الشركة نفسها مش اونلاين على النت زى ال cloud.

🛠🛠بتحتاج تجهزله بنية تحتية وتعين فريق مخصوص هيكون مسؤول عن ال backup وال security وال App development

🔖امتى اختاره؟
1️⃣عاوز تقلل التكلفة المستقبلية للsystem (ودة لأن بمجرد ما بتطبق ال App على الأجهزة عندك مش بتكون مضطر تدفع subscription ثابت مثلا للشركة كل شهر او سنة زى ال cloud
فدة بيخلى التكلفة عندك بعد فترة تبقى مستقرة).
2️⃣بتشتغل على confidential data مينفعش تترفع على ال cloud او يبقى متاح ال access عليها زى المؤسسات الحكومية او القطاعات المالية.
3️⃣مش عاوز تبقى معتمد على شبكات الانترنت عشان ال system يشتغل لأنك هتكون شغال offline

⛔️عيوبه ايه؟
1️⃣بيتطلب بنية تحتية تكلفتها كبيرة.
2️⃣بيحتاج فريق كامل يكون مسؤل عن ال backup وال Security والصيانة الشاملة لل system عموما
3️⃣هتواجهك صعوبات ف الجزء التقنى فى الشركة خاصتا لو معندكش فريق IT قوى
4️⃣مش بيتحدث بشكل تلقائى من الشركة لأنه على الاجهزة بتاعتك فقط ودة هيخليك متأخر شوية عن باقى الشركات اللى شغالة بنفس ال app cloud او اونلاينز

وبكدة نبقى عرفنا ببساطة يعنى ايه on premise وامتى اختاره.

دة اللينك بتاع الطريقة الاولى اللى هى ال cloud
https://www.facebook.com/share/p/1CRyZkoKPG/

ان شاء الله البوست الجاى نتكلم عن ال Hybrid Method
لو حد عنده استفسارات اكتبوها فى التعليقات وارد عليكم

بالتوفيق للجميع 😊