09/02/2025
مخاطر كل يوم هتقابلك فى الحضانه فخلى بالك 🙆
والام هى المسؤوله عنها.
❌ احذرى ثم احذرى ارسال طفلك بأى اكسسوار قابل للقطع أو الفك او اى ملابس بها خرز او اكسسوارات فى الحضانه أو المدرسه
النتيجه اللعب بها أو وضعها فى الفم أو الاذن أو الأنف بدون وعى من الطفل والمحصله أذى صب على طفلك
❌احذرى ارسال ادوات زجاجيه مع طفلك بالحضانة النتيجه كسرها داخل الشنطه وطفلك أول حد هيتأذى منها بعد الكسر
❌ احذرى ارسال طفلك بأى مصغوات ذهبيه طفلك مش عارف قيمتها واول واحد هيلعب بيها ويفكها .الحضانه مكان الهدف منه التعلم والتكيف الاجتماعى .مش الزينه
❌ احذرى ارسال طفلك بأظافر طويله هو اول واحد هيتأذى ونرجع نلوم فين الميس لما ابنى اتخربش
❌ احذرى ارسال طفلك بأى مأكولات غير صحيه مثل اللحوم المصنعه والحلويات الضاره بحجة أصله مش بياكل غيرها ونرجع نقول جاله نزله معويه من الحضانه 🫵🤷
❌احذرى ارسال طفلك بأى عرض صحى غير طبيعى مثل سخونه خفيفه أو بوادر برد أو طفح جلدي خفيف ونرجع نقول جاله عدوى من الحضانه طفلك تعبان ياخد اجازه اسبوع لحد مايستعيد صحته 🤝❌ الام الشاطره بتنضف شعر طفلها يوميا بالفلايه😉 وتطمن ان شعر ابنها نضيف علشان منقلش اتعدى من الحضانه.
❌ الام الشاطره تتابع مستوى طفلها الدراسى يوميا علشان متقولش الولد بينسى ومش بيركز وبرده هنلوم الحضانه😉😃
❌ طفلك صغير مش هيقدر يحافظ على الأدوات يفضل تكون اداوات الكتابه خاصه بالحضانه فقط واداوات خاصه بالبيت منعا من السؤال عن حاجة طفلى نسيها بالحضانه
❌احزرى ارسال.ادواتك الخاصه زى الفون والمفاتيح وادواتك الثمينه والعاب طفلك الثمينة مع طفلك فى الحضانه ونرجع نقول الحضانه فيها إهمال الحاجات الثمينه مكانها بالبيت.
❌ طفلك يلبس شراب تحت الشوز بلاش استسهال ونرجع نشتكى رجله وجعاه ليه بعد ماروح من الحضانه.
❌حطى لطفلك غيار احتياطى حتى لو كبير متعرفيش ايه ممكن يحصل على مدار اليوم فى الحضانه علشان منرجعش نقول غياره
اتبل من ايه .اكيد اليوم مليان معارك 🙆
❌ طفلك لو عضاض متنزلوهوش الحضانه وتقولى هيتعلم الغلط لااا هو هيعلم على الاطفال الاول قبل ماهيتعلم الغلط🥹
❌نضفى شنطة طفلك يوميا بعد الحضانه واطمنى أن مفيهاش بواقى طعام علشان منرجعش نقول الادوات مش نضيفه ليه .
❌ قبل ماطفلك ينزل الحضانه لازم يلبس غيار نضيف بالكامل وريحته تبقى حلوه وشعره نضيف هتفرق فى ثقته بنفسه وحب اصدقائه والمعلمين ليه.
❌زجاجات المياه اللى بتسرب مترسلهاش مع طفلك لأنها هتبل أدواته ونرجع نقول الميس فين لما الشنطه اتبلت🥹
❌ الطعام اللى طفلك مش بيحبه مترسلهوش مع طفلك بحجة هياكل مع اصحابه ونرجع نقول هو مكلش ليه .هي الميس فين😃
❌ مترسليش مع طفلك كم عصائر وحلويات ونرجع نقول هو مكلش الساندوتشات ليه🙆
❌ علمى طفلك احترام الكبير وان الميس زى ماما ليها احترامها وكلمتها مسموعه .مش تعلمى طفلك أن يتطاول على المعلمه بحجة أصله مدلع .
❌ مترسليش تماما مع الاطفال اى عملات معدنيه أو ورقيه لأن بكل بساطه ممكن يبلعها
❌ابدا ممنوع اللبان مع طفلك هيلزق فى شعره وأيده والملابس وبرده هنتهم الميس بالاهمال
❌ شعر طفلك الطويل مش موضه ولا شكله حلو بيه
بالعكس هيكون مكان اسرع لنمو الحشرات ومتقوليش اصل بغسله كل يوم النضافه نضافه
❌ ممنوع ارسال اى زجاجة ميه مع الطفل لان اول حاجه هتتفتح فى الشنطه وتبل اداواته ممكن نستبدلها بكوب بلاستيك
❌ مترسليش اطعمه مطبوخه من البيت لأن طفلك هيصاب بالتخمه وكمان جودة الطعام هتقل داخل البوكس ويسبب الامراض
☝️طبيعى هيشتكى وهيضرب وهيضرب وهيتخربش ويتخبط و يواجه يوم حلو ويوم سئ لأنها الحياه الطبيعيه 😉
👌حافظى على هندام طفلك ونضافته علشان طفلك وجهتك ومرايتك
واخيرا وليس اخرا رغم كل الحيطه والحذر اللى بتقوم به دور الحضانه والمسؤولين الا ان لازم يحصل على مدار اليوم مخاطر كلنا بنواجهها . ودى أمور كلنا بنشوفها كل يوم وبنواجهها كل يوم بدون وعى تمام من آلام وللاسف بترمى كل الخطأ على الاداره والمسؤلين الحضانه بيت كامل بيحضن طفلك فى غيابك بيحصل للطفل زى مابيحصل وهو معاكى بالظبط.من احتكاك ومشاكل بين الأطفال وصراعات لاختلاف البيئات والتربيه وعلى الأم تفهم ذلك لحين تقويم السلوكيات بين الأطفال.اعرفى أن بيصب على المسؤولين لرعاية الأطفال حمل وضغط اكبر مما تتخيلى .وبتكون نظرة الام للمعلمه أن دى شغلتها .يبقى علشان دى شغلتها لازم تراعى أنها قدرت تكون الأم البديله فى غيابك وقدرت تداوى طفلك لحين عودتك وقدرت تهدى طفلك فى عز غضبه وقدرت تفهم مشاكله وتحلها و قدرت تكون المعلمه .وقدرت تلحق الخطأ وتشوفه وتبلغك بيه وقدرت تعدل السلوكيات الخاطئه الجاى بيها من البيت المعلمات والمربيات فى مجال الحضانات والمدارس حرفيا ترفع لهم القبعه احتراما وتبجيلا لدورها الفعال فى المجتمع. وانها قدرت بكل قوه تكون المثال القوى للمرأة الصبوره القويه.
دعواتكم لينا بالسداد والقوه والصبر والمدد
البوست ده لأهميته لازم كل معلمه ومسؤله تنشره خلى الكل يستفاد
