17/11/2025
❌ "الواجب مش أهم حاجة" ❌
لاني اكتشفت
• كل حرق دمي على الواجبات
• سربعتي عشان نخلص المنهج بدري
• التدريبات والخروجات اللي كنت أزنّ عشان نلغيها
• غير التوتر اللي كنت بعيشه وأعيّشه لولادي، والصريخ، وأحيانًا العقاب والضرب…
كلللل ده في الآخر ما كانش له أي لازمة!
لان اللي طلعت بيه من الهم ده👇
ـ ولاد كارهين نفسهم اكتر من كرههم للمدرسة
ـ خسرنا انا وهما خسارة أكبر من أي درجة، خسارة علاقتنا
وبقى هدفي الحالي انهم يخرجوا من الدارسة سويين نفسيًا، حتى لو ناقصين شوية درجات، ده مكسب أكبر بكتير من انهم ينقصوا نفسياً
مكسب إني مقطعتش تمارينهم، منكدتش عليهم يومهم، ومخسرتش علاقتي بيهم،
مكسب اني ركزت على مهاراتهم الاجتماعية والنفسية عشان اصلا يواجهوا الدراسة واللي فيها
هتقوليلي طب ما هو في أداءات صفية ومنزلية وتقييمات أسبوعية وامتحانات شهرية…
أعمل إيه؟
أسيبهم كده؟ لأ طبعًا.
بس تعاملي بطريقة مختلفة شوية👇
1️⃣ نظمّي الوقت بواقعية مش بمثالية.
نص ساعة تركيز حقيقي يوميًا أحسن من ساعتين نكد وصريخ.
خلي اليوم فيه أوقات ثابتة للمذاكرة، وأوقات ثابتة للراحة واللعب.
2️⃣ اقسمي المسؤولية بينك وبينهم.
انتي تتابعي وتذكّري، وممكن تساعدي في البسيط لكن الاساس تنفيذه عليهم.
3️⃣ غضّي الطرف عن الكمال.
مش لازم الخط يبقى حلو، ولا كل سؤال يتراجع، ولا كل واجب يتعمل بالتمام.
في حاجات ممكن تمشيها وتفوتيها.
4️⃣ ركّزي على الجهد مش النتيجة.
وعااااشرا تجنبي المقااااارنااااات
امدحي المحاولة، حتى لو النتيجة مش ممتازة، قولي له "عجبني إنك حاولت لوحدك" بدل "فين الدرجة النهائية؟"،
ولييييه تجيب ٨ من ١٠ مش احنا مذاكرين ؟
مش احنا واخدنها وكلام كلام ولوووم وعتاااب
عززي علاقتكم وقويها.
5️⃣ اختاري معاركك.
مش كل حاجة تستاهل العصبية.
فيه أيام بيتعبوا فيها، وفيه أيام إحنا بنتعب… فلو عدّى اليوم بهدوء، ده لوحده إنجاز.
6️⃣ اعملي طقوس لطيفة حوالين المذاكرة.
مشروبك المفضل ليكي، ضحكة، سناك بسيط، خلي الوقت ده مش وقت حرب، وقت تواصل لكن بإلتزام.
7️⃣ ضبطططط النفس وتقبل الخطأ
8️⃣ تيقني ان دي قدراتة هو ونتيجتة هو تفوقة من عدمة هو
مش ان احنا جايين نحقق احلامنا فيهم
ولاخايفين من مين هيقول ايه ولاهيسوى إيه أنا والآن وابني وفقططططططط
9️⃣ وافتكري دايمًا:
الدرجات بتروح وتيجي، لكن نفسية ابنك هي اللي بتكمل معاه. ❤️
09/11/2025