FullmarkwithRamy

تعليق سريع على منهج الصف الثالث
١- يتكون المنهج من ست وحدات وكل وحدة خمس دروس ( الترم الأول)

٢- القصة منفصلة عن الكتاب وهى قصة
The count of Monte de Cristo
وهى نسخة simplified والأسئلة اللى على كل فصل تركز على الأحداث أكثر من الأسئلة النقدية
٣- يوجد فى كل وحدة حوالى ثلاث أو أربع قطع فهم مع نص الاستماع
٤- القطع بها كم من المفردات الجديدة والتعبيرات الجديدة
٥- الكتاب يركز على التعبيرات والإصطلاحات الجديدة ومعانيها مع شرحها فى مربعات خاصة ( وأعتقد أنه لن يخلو منها أى امتحان )
٦- الدرس الثالث مخصص الجرامر ، والجرامر مفهش جديد ،هى موضوعات موجودة من منهج العام الماضى.
ولكن الملفت للنظر أن الكتاب يعرض على الجرامر أربع أنواع من الأسئلة زى منهج إعدادى وهى
Choose/ Correct / find the mistake/ Re write
فهل معنى ذلك أننا سنشهد تغييرات فى مواصفات الامتحان.
وهناك ملاحظة أخرى أنه فى درس ال Review اقتصر سؤال اللغة على صيغتين فقط وهما
Choose & Re- write
٧- الدرس الرابع فى الوحدة عبارة عن تدريب على قطعة الفهم ، ونجد كتاب المدرسة فى كل وحدة يعطى ارشادات معينة عند الإجابة على قطعة الفهم ( وده شيء كويس)
ولكن الملاحظ هو تنوع الأسيلة على قطع الفهم مابين ( اختيارات و وأسئلة بأدوات استفهام وأسئلة متعلقة بالمفردات
٩- الدرس الخامس فى كل وحدة يركز على نوع من أنواع الwriting زى
Writing a blog
A persuasive essay
Argumentative essay...etc
المنهج مليان ويحتاج جهد ولازم الشرح يمشى حسب المواصفات اللى داخل الكتاب لأننا مش عارفين المواصفات هتكون ازاى.
وبالتوفيق للجميع
رابط المنهج
https://www.mediafire.com/file/vzxyranugec0we2/3rd+sec-+ministry+book-+OCR.pdf/file?fbclid=IwdGRleAMlLW9jbGNrAyUtX2V4dG4DYWVtAjExAAEeALKREDeZldRcF5vQr5ogFhe0tSpbUzmeBAZaAzjQ9zIpBSh5t738qr_YngY_aem_b0kPDf4UWoG8BR0Mw2-Uww

منقول

3rd sec- ministry book- OCR MediaFire is a simple to use free service that lets you put all your photos, documents, music, and video in a single place so you can access them anywhere and share them everywhere.

📌 مواصفات إمتحان ٣ ثانوي بالنظام الجديد ✨️
📌 سؤال ال skills كما هو مع زيادة كمية اسئلته✨️
📌 عودة سؤال ال Re_write مرة وأخرى✨️
📌 قطعة واحدة بدلا من قطعتين ✨️
📌عودة أسئلة ال synonyms & antonyms كما كانت في أولى ثانوي ✨️
هذه مواصفات مبدأية وليست نهائية

تغيير جميع مناهج اللغة الإنجليزية في كل المراحل التعليمية من أولي ابتدائي وحتى الصف الثالث الثانوي العام ولا حول ولا قوة الا بالله العلي العظيم

الغش مش نجاح.. الغش بداية لفشل كبير، وظلم للي بيتعب بجد. حافظ على ضميرك، الغشاش مشروع مسوؤل فاسد وكارثة مجتمعية.. واهدار تكافؤ الفرص
لن تصل إلى أي شىء لا في الدنيا ولا في الآخرة
رسوب ما يقرب من نصف دفعة الفرقة الأولى بكلية طب سوهاج تعني بشكل واضح أن هذه الطلبة لم تكن مؤهلة لدخول هذه الكلية

نموذج الإجابة الرسمي لغة إنجليزية..
السؤال الجدلي احتسبها will مش would

للطلبة اللي جابوا مجاميع كبيرة بالغش، بالسماعات، بالواتساب، بالتليجرام، بأي وسيلة حرام..
أحب أقولك:
لا كليتك هيكون فيها بركة مهما اجتهدت،
ولا شغلك هيكمل،
ولا فلوسك هتزيد،
ولا حياتك هتتهنى.
ولا هتحس بسعادة .
لأن ببساطة:
"ما بُني على باطل فهو باطل".

وهتفضل طول عمرك عارف إنك ناقص...
غشاش.
حرامي.
خاين للأمانة.

أما للناس اللي تعبت وذكرت بضمير، واتفوقت بمجهودها الحقيقي، لكن للأسف مجاميع الغشاشين غطت عليهم وعلت التنسيق:
أنت اتظلمت.. ده حقيقي.
بس تعبك ما راحش، ومجهودك مش هيروح.
ليه؟
لأن الأرزاق مش بإيدينا.
القدر مش بيترتب بالدرجات.
اللي شايفك هو ربنا،
ربنا العادل..
ربنا اللي وعد وقال:
"وما كان الله ليضيع إيمانكم".

صدقني، هييجي اليوم اللي هتشوف فيه نتيجة تعبك:
▪️ في وظيفة محترمة فيها راحة ورضا وتوفيق
▪️ في بيت مليان حب وراحة بال
▪️ في أولاد صالحين
▪️ في بركة في الرزق، حتى لو قليل لكنه مكفيك
▪️ في صحة، في ستر، في توفيق من حيث لا تحتسب

وهو ده الفرق..
اللي خد مكانك ظلمًا، خد ورقة.
وأنت... ربنا هيعوضك بكرامة، وقيمة، ورضا.

اعمل الصح وسيب الباقي على ربنا... لأنه لما يعوض، بيعوض بأفضل مما تتخيل 🌿💚

#الغش

مش هبقى بحترم نفسي، ولا بحترم الناس، لو طلعت قلت الدنيا تمام والنتيجة عظيمة، وقدام عيني حاجات مينفعش أبدا يتسكت عليها ولا الواحد ميقلوش رأيه فيها.

مش هبقى راضي عن نفسي وأنا شايف قدامي كشوف لطلبة بتسلسل الأرقام مجاميعها متقاربة جدا، وإن دل على شيء فهو دليل على إن اللجنة لا كانت نزيهة ولا اللي فيها يستحقوا النتيجة دي.. وطبعا طريقة التصحيح إلكترونية وصعب على المسئول يقدر يكشف الشبهة لو موجودة.

مش هبقى راضي عن نفسي وأنا شايف قدامي كشوف لطلبة في لجنة واحدة جايبة درجات خيالية، وطلبة تانية بكشوف طويلة جايبة درجات هزيلة جدا لمجرد إن ده كان طالب محترم والتاني كان مرفّه.

مش هبقى راضي عن نفسي وأنا شايف شكاوى بالجملة من رسوب غير طبيعي في علمي علوم وتحديدا فيزياء وكيمياء وأحياء، وكأن نص الدفعة جايبة درجات النجاح بالعافية بدون أي سبب مقنع.

مش هبقى راضي عن نفسي وأنا شايف قائمة الطلبة الأوائل نفسهم في شعبة علمي علوم، و90% منهم مقدرش يقفل الأحياء ولا يجيب فيها أكتر من 56/ 57.. إذن أسئلة التميز نفسها كانت تعجيزية.

مش هبقى راضي وأنا شايف طلبة بتحكي عن تفوقها الدراسي طول السنين اللي فاتت وجابت 50 و60%.. ومنهم اللي واقع في مادة أساسية أو ناجح فيها بالعافية.. يعني واخد درجات رأفة.. ازاي وليه؟!.

مش هبقى راضي وقدامي أهالي لا مصدقين ولا مستوعبين الصدمة في ولادهم المتفوقين، وغيرهم كان مستواهم ضعيف وحصل على مجموع المفروض لا يتناسب مع مستواه.

مش هبقى راضي وأنا شايف طلبة جايبة فوق الـ90 وراسبين في اللغة التانية لمجرد إنها خارج المجموع.. فلا هم اهتموا ولا المسئول اهتم إنه يهتم بمادة زي دي حتى في جدول التدريس.. فالنتيجة صفر.

مش هبقى راضي وأطلع أقول حصل وحصل.. وقدامي شواهد مغايرة لأي حاجة ممكن أقولها حتى لو في إيدي أدلة على إنه حصل.. بس تسقط أي حاجة حصلت قدام إني أقول اللي لازم يتقال حتى لو اختلف مع حاجة في إيدي.

طالما اللي في إيدي أقل من اللي شايفة، والناس شايفاه، ولمساه.. يبقى اللي في إيدي ملوش أي قيمة ولا وقته ولا تاريخه.. اللي لازم يتقال هو اللي قولته بضمير مرتاح وبشجاعة متناهية مهما خسرت بعدها.. بس كسبت احترامي لنفسي.

محبط إني أقول كلمة كويسة قدام مشهد زي ده.. ومحبط إني أطبطب على قلب حد اتكسر وكلامي ممكن ما يكونش له قيمة.. ومحبط إني أشوف طلبة مصدومة في نتيجتها ونتيجة غيرها ومش في إيدي حاجة غير الكلمة.

عايز تطبق البكالوريا طبقها.. بس رجّع نظام الامتحانات القديم للثانوية العامة.. النظام الحالي ظالم ويفتقد للحد الأدنى من النزاهة والإنسانية والعدالة.. اعمل نظام امتحانات محترم لا فيه شبهة ولا فيه سماعة ولا فيه آلاعيب رخيصة من البعض.. ده لو عايز يكون فيه عدالة امتحانية مش مجرد هروب من الثانوية لنظام البكالوريا.

متظلموش ولادكم ولا تقارنوهم بغيرهم.. مش شرط وقوع ابنك إنه كان مستواه ضعيف.. عندك كذا شاهد إن غيره يمكن يكون جاب مجموع لا يستحقه بأي طريقة كانت.. عندك شاهد إن كان فيه امتحانات تعجيزية بدليل إن الأوائل نفسهم وقع منهم درجات كتير.. عندك شاهد إن طرق الغش المبتكرة خارج أي حسابات وأقوى من إمكانيات المواجهة.. عندك شاهد إثبات إن ابنك محترم.

قلت ما يُمليه عليا ضميري فقط.. مهما كانت النتيجة.
الصحفي المحترم أ- احمد حافظ
Ahmed Hafez ترند التعليم - أحمد حافظ

ملف النتيجة كامل للثانوية العامة 2025 ملف اكسيل حمل من الرابط
النتيجة كاملة ملف إكسل .. لاب وكمبيوتر و موبايل
https://docs.google.com/spreadsheets/d/1BREox0p1Z9vKGzwEpY8DlEGeqZOHIEnF/edit?usp=drivesdk&ouid=112191616809307087390&rtpof=true&sd=true