سنتر العز

امتحـانـاتك علي الابـواب وعاوز تلم المناهج
يا مستر الرياضة عاملة ازمة لينا طب ليه يا حبيبي ؟ علشان هنمتحن الجبر والهندسة في نفس اليوم
طب سيبها علي المولي سبحانه وتعالي ثم العبد لله
مجاااانا مراجعة شاملة لكل جزئية في مقرر الجبر بتاعنا هتنزلك في البوست دة بإذن الله وتقدر تحلها بنفسك وعاوز تتاكد من حلك تحت امرك ابعت لحضرتك اجابة اي سؤال حضرتك تطلبه
#موفقين رجااالة 2 إعدادي 🤲

ان شاء الله تبدأ مجموعات تأسيس
من سن 5 سنوات حتي سن الصف السادس الابتدائي .
⭐ لغة عربية بطريقة نور البيان و قواعد نحوية .
⭐ رياضيات
⭐ [Math]
⭐ English [ phonics/ grammar]
📞 01156832217
العنوان/ موقف البراجيل أمام المسجد الشرقي .

المتوفقين في مادة اللغة العربية
للصف السادس الابتدائي
م/ محمود سالم

ناس كتير بتسأل يعنى ايه يوثي ماث؟!!!
يعني ايه حساب ذهني؟؟!!!🤔🤔🤔
⭐خليني اعرف حضرتك كام معلومة بسيطة عن كورس اليوثي ماث.
🔹️ اليوثي ماث أو الحساب الذهنى
🔹️هو عباره عن استخدام العقل كآلة حاسبة و ده طبعا يؤدى الي النمو العقلي و نضجة وزيادة التركيز و تنمية المهارات .
🔹دا بيتم على مرحلتين:
👈المرحلة الأولى باستخدام العداد🧮🧮
👈المرحلة التانية باستخدام الخيال وهو دا الهدف من الكورس
" أن يصبح طفلك أسرع من الآلة الحاسبة"
🔹️أهداف البرنامج
*التركيز
*سرعة الاستجابة
*قدرات تخيل عالية
*الثقة بالنفس
*قوة الملاحظة
*ثبات الذاكرة
*القدرة على حل المشكلات
* تحسين التحصيل الدراسي
🔹️وبعد تغير المناهج وتطورها فطبعا الموضوع مهم جدا لانه بيهيأ الطفل
نعلن عن استقبال مجموعه جديده للحساب الذهني اليوسي ماس مع المدربة المعتمده من❤️ برنامج فيوتشر ماس
❤️ ميس امنيه محمد
❤️ العنوان موقف البراجيل أمام المسجد الشرقي

س : ما سبب وجود حروف صامتة في اللغة الانجليزية؟؟؟
س : ولماذا لايقومون بإزالتها طالما لاتنطق؟؟؟
••••••••••••••••••••••••••••••••••••••••••••••
حد_يعرف_الاجابة !!!
الأسئلة دي بيسألهالي الطلاب عندي وكمان اولياء الامور وتقريبا الكل 😅
--------------------------------------------------------
سيب وجود حروف صامته في الانجليزي

• علشان في كلمات كتيرة دخلت علي اللغة الانجليزية زي اللاتينية والفرنسية ، والفرنسية بالاخص لان كان في اسرة فرنسية كانت بتحكم انجلترا ف وقت من الاوقات
فكانت الكلمات دي لما تدخل الانجلش مكنتش بتتبع قواعد الانجلش كانت بتيجي وتدخل بنفس طريقة النطق والكتابة بتاعة لغتها الاصلية
فكان الانجليز بياخدوا الكلمة وعلي حسب هيعرفوا ينطقوها او لاء
وده خلي في حروف كتير سايلنت ومش بتتنطق
وفي حاجة كمان ، ان في كلمات بقت مشتقة من اللغتين دول اللاتينية والفرنسية
زي مثلا كلمة 👇
Doubt (شك)
اصلها ف اللاتينية doute
واصلها ف الفرنسية dubitare
جم الانجليز حطوا الكلمتين دول ف الخلاط وطلعونا الكلمة دي Doubt
• وفي حاجة كمان دخول اعراق واجناس مختلفة زي Vikings اللي هما حاليا بلاد السويد والنرويج والدنمارك دول بقي كان ليهم تأثير كبير ع اللغة الانجليزية من ناحية الكلمات والجرامر
مثلا زي كلمة 👇
Knife ( سكينة )
لحد الان بلاد السويد والنرويج بينطقوا حرف K لكن الانجليز لقوه تقيل ع لسانهم مابقوش ينطقوه فبقي سايلنت
وعلشان اللغة بتطور مع الوقت فكانت في حروف زمان بتتنطق لكن مع رتم الحياة السريع بقوا الانجليز بيختصروها ف نطقها فاتحولت لحروف صامتة
زي مثلا كلمة 👇
Knight فارس
تخيلوا كانت زمان بتتنطق .. (كنجهت)
دلوقتي مع تطور اللغة بقت بتتنطق .. (نايت )
• واكتر وقت اتغيرت فيه اللغة الانجليزية تغيير كبير وشامل كان ف عصر نهضة الادب الانجليزي شكسبير وغيره
حصل تغير جذري للحروف واخترعوا حروف متحركة جديدة ونطق جديد وكمان ضموا حروف ساكنة مع بعض علشان يدونا صوت جديد
زي مثلا 👇
Sh .. بتنطق ش
th .. بتنطق ث
------------------------------------------------------
طيب ليه يا مس مش بتشيلوها خالص 😅

• اول سبب ان الانجليز رفضوا حذف الحروف دي لانها كانوا بيتباهوا بدخول ثقافات مختلفة عليهم وبيعتبروها تاريخ وده طبعا سبب عاطفي اكتر مايكون منطقي وعقلاني
• تاني سبب ان في بعض الحروف الصامتة هتسبب مشاكل كبيرة اذا اتحذفت
زي مثلا 👇
To .. دي حرف جر بمعني الي
Two .. دي بمعني رقم 2
- هنا W صامتة فلو حذفناها هتبقي شبه اللي قبلها
Too .. دي بمعني ايضا
- هنا O الاخيرة صامتة فلو حذفناها هتبقي شبه الاولي
وبالتالي الحروف دي بتميز الكلمات لتسهيل معناها
ملحوظة_مهمة_برضو 👇
- لما يكون في حرف دابل ف الكلمة بننطق الاول فقط والتاني اعرفوا انه صامت
زي مثلا كلمة 👇
little .. قليل الحجم
بننطق t واحدة بس لكن التانية لاتنطق
------------------------------------------------------
وفي كمان حرف e في اخر الكلمات طبعا انتم مش عارفين ايه لازمته طالما صامت ، صح
حرف e ف اخر الكلمة بيميز معني الكلمة المقصودة ، وبيفرق ف نطق الكلمة
زي مثلا كلمة 👇
Cut .. يقطع / يقص
Cute .. لطيف
انطقوا الاتنين كده هتلاقوا ان حرف e فرق جداا ف النطق ع كده وجوده مهم 👌
------------------------------
ع كده مش دايما الحروف الصامتة وجودها مالهوش قيمة او لازمة لاء ده بيسهل علينا نطق وكتابة اللغة والتمييز بين الكلمات المتشابهة ف النطق

هعتجبكم اوي

تعالوا احكيلكوا حكايه المضارع البسيط 😅
The Present Simple🥳

الحاجه سنيه 👵🏻 إتجوزت مرتين
خلفت من عسقلاني 👴🏻 أربع عيال ( I - you - we - they )🏃🏼🏃🏻‍♀🚶🏼‍♀🧍🏼‍♂
كان لما عيل منهم بيتشاقي ويلعب كثير بتقوله ( you play a lot ) و لما يذاكروا كويس تقول ( they study well )

خلفت من بهلول 👨🏼‍🦳 عيلين ( 👧🏻he 🧒🏻 - she ) و ( it 🐈 ) دي قطه مشمشيه حلوه بس شقيه جابتها تلعب معاهم. كان كل ولاد الحاجه سنيه كوم والولد والبنت ولاد بهلول👨🏼‍🦳 دول وقطتهم كوووووم تاني.
أخر العنقود بقي وكانت بتدلعهم. لما حد يسألها عالواد تقول ( 🥋 he plays karate ) ولما القطه بقت تاكل كثيير تقول ( it eats too much )

🧑🏻 رحت سألتها 🎤 يا حاجه هو إيه الفرق بين play و plays ؟
👵🏻 قالتلي يابني مافيش فرق ده لعب وده لعب ده verb وده verb
🧑🏻 يعني ال S دي جمع يا ماما ؟
👵🏻 جمع إيه يابني ده أنا بقولها ل he لوحده عادي 🤨
🧑🏻 آه آه يا ماما فهمت يبقي S الملكيه 🙄
👵🏻 يابني ملكية إييييييه إنت غبي هو الفعل هيتملك برضوا 🤭🤭
🧑🏻 أمال يا ماما إيه الفرق ؟؟؟ 🥴
👵🏻 ممممممممم إنت عايز تعرف الفرق 🤔
🧑🏻 أيوه ايه هو الفرق ؟؟؟؟؟؟ أبوس إيدك 😇
👵🏻 الفرق يابني هو هو 👀....... هو💭💭........ هوووووو هو إن مافيش فرق 😂
🧑🏻 أمال ال S دي بتاعة إيه يا حاجه سنيه 🤒

👵🏻 بتاعة الدلع يا حبيبي أنا بحب أحط لولاد بهلول 👨🏻‍🦲 وقطتهم ( he - she - it ) حرف ssssssssssssssssssssssss 💃🏼💃🏼
لكن في الأخر كله لعب ( I play ) هي ( you play ) هي ( we play ) هي ( they play ) هي ( he plays ) هي ( she plays ) هي ( it plays ) كلهم فعل يلعب

🧑🏻 يعني معني ال S دي إيه يا حاجه
👵🏻 مالهاش اي معني ما تخلنيش أغلط فيك 👊🏻👊🏻👊🏻
🧑🏻 خلاص خلاص فهمت
طب إيه بقي ( Present Simple ) يا حاجه سنيه وبنستخدمه إمتي ؟

👵🏻 بنستخدمه مع الحاجات اللي بنعملها بصفه مستمره ومتعودين عليها ( عادتنا. هوايتنا. تقاليدنا. روتينا اليومي. الحاجات اللي بنعملها دايماً او أحياناً أو غالباً )
أي حاجه بنكررها بتبقي مضارع وبسيطه كده
- Nour works hard 👩🏻‍🏫
- Tarek likes coffee ☕
وعلشان ما تتلغبطش علشان إسم الزمن ( المضارع ) فالمضارع ده مش شرط يكون بيتعمل وبيحصل دلوقتي حالاً وقت ما أنت بتتكلم لا خالص يعني ممكن تقول ( Tarek likes coffee ) وهو طارق نايم مش شرط يكون ماسك الكبايه في إيده حالاً. لأنه عموما بيحبها دي ( عااااااده عنده ).

وتقول ( Nour works hard ) حتي لو نور دلوقتي بتتفرج عالتليفزيون لأنها ( متعوده دايماً ) إنها تشتغل بإجتهاد وده ( روتييييين حياتها ) حتي لو في أجازه
فهي works hard عمووووووماً كعاده عندها.
اوعي بس تقول عالبنت نور ( work ) حاف كده من غير S لا دي بنت الغالي 👨🏼‍🦳 وقماصه قول works/ works /works

🧑🏻 معلش يا حاجه أنا مش فاهم أنا متعود أحفظ وأول مره حد يقولي كده أنا إتبرمجت عالحفظ

👵🏻 عارف مسرحية عش المجانين بتاعة شفيق يا راجل لما كان بيقوله حاجات بديهيه عن حياة أبوه ( لما بيعطش بيشرب / لما بيبقي مستعجل يمد / لما بيبقي حران بيقول الدنيا حر ) هو ده بقي المضارع البسيط الحاجات العاديه البديهيه والعادات الطبيعيه لو حبينا نتكلم عنها هنستخدم المضارع البسيط 🤸🏻‍♂🚴🏻🤹🏻

👵🏻 عارف حرف ال ( ب ) في كلامنا اللي بنحطه قبل الفعل في العربي ( بيصحي بدري / بيسهر / بيذاكر كثير / بيمشي يومياً / بيرجع في المترو اي بببببببببب ) هو ده اللي بنعبر بيه عن أفعال متكرره هي بقي الافعال المتكرره دي المضارع البسيط 💪🏻

والفعل زي ماهو بدون تغيير مع كل الضمائر ماعدا ( he / she /it ) بندلعهم وبنحط ال S للفعل بدون أدني تغيير للمعني هي كده وخلاص مجرد تقسيمه مالهاش معني
🧑🏻 طب والنفي يا حاجه سنيه ؟
👵🏻 مع ولاد عسقلاني 👴🏻 بنفي ب( don't ) ومع ولاد بهلول 👨🏼‍🦳 بنفي ب ( doesn't )
🧑🏻 طب أحفظهم إزاي يا حاجه سنيه
👵🏻 يابني ده إنت أغبي من رمزي إنت لسه عايز تحفظ هتشلني 🤯
هقولك عالزتونه هات كام فعل علي مزاجك وإعمله أغنيه مع كل ضمير وضيف ال S مع ولاد بهلول 👨🏼‍🦳 كده مثلا
I walk - you walk - we walk - they walk. 🕺🏻🎶🎶
he walks - she walks - it walks 🎷🎻
وغير الverb علي مزاجك ( think/ talk/ drink ) إلخ.....
ما تنساش هتخليهم ( thinks/ talks/drinks ) مع ولاد عمك بهلول 👨🏼‍🦳
وكررهم هتلاقيهم إتحفروا في مخك في اللاوعي وأول ما هتيجي تتكلم هتتفك عقدة لسانك وهتلاقيهم بيفطوا وينطوا من بقك 🗣
👵🏻 سؤال أخير يابني هو الحاج اللي إنت قابلته في المعادي ده مرتبط ؟

معلومه في حدوته 😍😍🥰🤍🥳💪🏻

الابتدائى يركز:
🔸 من العام الدراسي الجديد الصف الثالث الابتدائى نجاح ورسوب زى رابعة وخامسة وستة

🔸 أولى وتانية ابتدائى هيكون عندهم امتحانات شهرية تحريرية وشفهية من 100 درجة وشرط أساسى إن التلميذ ينجح ويصعد للصف الأعلى إنه ينجح فى الاختبارات ويحضر في المدرسة ما لا يقل عن 60% من عدد أيام الدراسة . غير كده يدخل امتحان تقييم على مستوى المدرسة وتحت إشراف الإدارة يا ينجح يا يسقط.

🔸 مجموع التلميذ من تالتة ابتدائى لحد الصف السادس الابتدائى هيكون كالتالى : ▪️امتحان نهاية الترم 60 درجة
▪️والمهام الأدائية 10 درجات
▪️ وكراسة الواجب 5 درجات
▪️ وكراسة الأنشطة 5 درجات
▪️ والتقييم الأسبوعى 5 درجات
▪️ والتقييم الشهرى 10 درجات
▪️ والمواظبة والسلوك 5 درجات.

🔸الصفوف الابتدائية هيكون ليها أوائل على مستوى المدرسة والإدارة والمديرية التعليمية.

🔸 مفيش درجات وكل النتيجة بالألوان ولو ابنك جاب لون أحمر في مادة ودخل فيها دور تاني وجاب أحمر برضو هيعيد السنة.

📍 منهج(عربي و English وحساب
و دراسات وعلوم) ✍️ للجميع الصفوف الابتدائية
📍متابعه ولي الأمر📞
📍امتحان حصه ✏
📍امتحان شهري✏
📍مسابقات بجوائز لتشجيع الطفل🏆🥇
📍مراجعه كل حصه

📍 للاستفسار
01156832217

أشكركم و من نجاح لنجاح ❤️❤️

حافظ القران يلبس والداه تاجا يوم القيامة إكراما لهما علي تربيته علي حفظ القرأن
يقول النبي صلي الله عليه وسلم(( من قرأ وعمل بما فيهو،البس والداه تاجا يوم القيامة، ضوؤه احسن من ضوء الشمس في بيوت الدنيا لو كانت فيكم ،فما ظنكم بالذي عمل بهذا ؟))
لكل الطلاب الحاصلين على شهادة تقدير في القران الكريم أهنئكم على نجاحكم في المسابقة و نتمني المزيد حتي نتم حفظه كاملاً بإذن الله