كبسولة تربوية مع الأخصائية مارى نبيل

25/10/2024

🌟 النهاردة الويك إند! 🌟
خصص ساعة واحدة بس للعب مع ابنك أو بنتك، مهما كان عمرهم! 🎉
🕒 ساعة من غير شاشات نهائي، ومن غير أي انشغالات جانبية.
ده وقت مهم جدًا للتواصل وبناء ذكريات جميلة مع أولادك. هتكتشفوا مع بعض حاجات جديدة وهتنبسطوا بجد مع بعض.

وعشان أسهلها عليك هقولك بعض الاقتراحات لألعاب تعليمية ممتعة:
لعبة الألغاز: ساعدهم يحلوا ألغاز تناسب أعمارهم. ده مش بس ممتع، لكن كمان بيساعدهم على التفكير النقدي.

لعبة البناء: استخدموا مكعبات أو ألعاب البناء. شجعهم يبنوا أشكال جديدة، وده كمان ينمي مهاراتهم الحركية.

الرسم والتلوين: خليهم يعبروا عن مشاعرهم من خلال الرسم. ممكن تتشاركوا في رسم لوحة كبيرة مع بعض.

لعبة التخمين: اختاروا شخصية أو حيوان، وخلّوا التاني يخمن مين هو من خلال أسئلة.

قصص تفاعلية: اقرأوا قصة مع بعض، واطلب منهم يتخيلوا نهاية مختلفة أو يغيروا بعض الأحداث.

👈ممكن كمان تدور على ألعاب تانية ممتعة لسن ابنك.

🎈 فكر في ده كوقت للتواصل والتقرب، وهتلاقي إن ساعة واحدة هتعمل فرق كبير!
استمتعوا بويك إند مليء بالضحك والمرح! 💖

#كبسولةـتربوية
#قربــمنـابنك
#تعديلـسلوك
#تربيةـايجابية

17/04/2024

https://youtu.be/OtZXWmhRFfc?si=YRPl7GJ72RbsLNYb

بعض النصائح التربوية فى تربية الأولاد #صادقه #احترمه #شجعه

16/04/2024

ليه مَهما أعاقب أو أكافئ سلوك ابني مابيتصلحش؟
خلينا دائما قبل مانفكر فى العقاب نفكر و نشوف ايه سبب السلوك الغلط وليه بيعملوا
❌بيكذب ممكن يكون خايف منك
❌بيضايق اخوه علشان غيران
❌عدم تواجد الام : بيعمل الحاجات الغلط علشان محتاج وجودك جمبه يا ماما وده بنسميه الاحتياج العاطفى ❤️قربوا من ولادكم و احضنهم و اسمعوهم وقوليله بحبك كتير
شبعوا ولادكم حب علشان يبقى سلوكه متزن ويقلل غلطاته



#الامهات

28/03/2024

متقوليش لابنك ❌
حليت كل حاجة غلط .... أنا شرحتلك وانت مابتفهمش حاجة.
قولى لابنك ✅
شاطر انك حليت ، جرب تحاول تانى علشان توصل للإجابة الصح وانا هساعدك .

#تربيةايجابية

#الامهات

25/03/2024

عندما تطلب شيئا من طفلك استخدم
١_ الأسلوب المباشر بدلا من الأسلوب غير المباشر مثلا
من فضلك وطى صوتك بدلا من تأدب
٢_ الإيجابية بدلا من السلبية مثلا
من المهم بالنسبة لى أن تساعدنى فى استقبال الضيوف والترحيب بهم
بدلا من لا تعزل نفسك فى غرفتك كما تفعل فى كل مرة
٣_ الاحترام بدلا من الإهانة والسخرية
مثلا سأكون شاكرة إذا خفضت صوت الموسيقى بدلا من اغلق هذا الشئ الان

#تربيةايجابية

#الامهات

10/02/2024

المدارس رجعت تانى
ياريت تقعد تتكلم مع طفلك لمدة 5 دقائق
واقوله الطويل أو القصير أو السمين أو النحيف أو الأسود أو الأبيض كلهم خلقة ربنا وكلهم حلوين وربنا بيميز كل واحد فيهم.
أعرفه أنه لا حرج في ارتداء نفس الأحذية كل يوم مش لازم ابقى حلو واشترى كل شوية حذاء جديد.
اشرح لهم أن حقيبة الظهر المستعملة تحمل نفس أحلام حقيبة ظهر جديدة... علموهم البساطة
يرجى تعليمهم عدم استبعاد أي شخص بسبب "كونه مختلفا" أو عدم وجود ام أو أب. اشرح لهم أن الإغاظة تؤلمهم ...
وأنهم يذهبون إلى المدرسة للتعلم والاستمتاع وتجربة أشياء جديدة واكتشاف أنفسهم وتكوين صداقات ...
نعلمهم يصاحبوا إلى ملوش صحاب حتى لو فيه عيب هو ممكن يساعده و يغيره .

التعليم يبدأ في المنزل ...




#الامهات

30/01/2024

ابسط الطرق لتجعل طفلك واثق فى نفسه :
1.امدح طفلك أمام الغير.
2. لا تجعله ينتقد نفسه.
3. قل له(لو سمحت)
4. عامله كطفل واجعله يعيش طفولته.
5. ساعده في اتخاذ القرار بنفسه.
6. علمه السباحة.
7.أخبره أنك تحبه وضمه إلى صدرك, فهذا يزرع فيه الثقة بنفسه
8. اسأله عن رأيه, وخذ رأيه في أمر من الأمور.
9. اجعل له ركنا في المنزل لأعماله واكتب اسمه على إنجازاته.
10. ساعده في كسب الصداقات, فإن الأطفال هذه الأيام لا يعرفون كيف يختارون أصدقاءهم.
11. اجعله يشعر بأهميته ومكانته وأن له قدرات وهبها الله له.
12. اجعل له يوما فيه مفاجآت. 13. علمه مهارات إبداء الرأي والتقديم وكيف يتكلم ويعرض ما عنده للناس.
14. علمه كيف يقرأ التعليمات ويتبعها.
15. علمه كيف يضع لنفسه مبادئ وواجبات ويتبعها وينفذها.
16. علمه مهارة الإسعافات الأولية.
17. أجب عن جميع أسئلته.
18. أوف بوعدك له.
19. علمه مهارة الطبخ البسيط كسلق البيض.
20. عرفه بقوة البركة وأهمية الدعاء.
21. علمه كيف يعمل ضمن فريقه.
22. شجعه على توجيه الأسئلة.
23. اجعله يشعر أن له مكانة بين أصدقائه.
24. أفصح عن أسباب أي قرار تتخذه.
25. كن في أول يوم من أيام المدرسة معه.
26. ارو له قصصا من أيام طفولتك.
27. اجعل طفلك يلعب دور المدرس وأنت تلعب دور التلميذ.
28. علم طفلك كيف يمكن العثور علي الاشياء عندما تضيع.
29. علمه كيف يرفض ويقول
30. علمه كيف يمنح ويعطي.
31. أعطه مالا يكفي ليتصرف به عند الحاجة.
32. شجعه على الحفظ والاستذكار.
33. علمه كيف يدافع عن نفسه وجسده.
34. اشرح له ما يسأل عنه من شبهات وشكوك في نفسه.
35. لا تهدده على الإطلاق.
36. أعطه تحذيرات مسبقة.
37. علمه كيف يواجه الفشل.
38. علمه كيف يستثمر ماله.
39. جرب شيئا جديدا له ولك في آن معا مع معرفة النتائج مسبقا.
40. علمه كيف يصلح أغراضه ويرتبها.
41. شاطره في أحلامه وطموحاته وشجعه على أن يتمنى.
42.اعتذر له عن أي خطإ واضح يصدر منك.
43. علمه القيم والمبادئ السليمة والكريمة. 44. علمه كيف يتحمل مسؤولية تصرفاته.
45. امدح أعماله وإنجازاته وعلمه كتابتها.

26/01/2024

#الامهات

22/01/2024

متنسوش لو الحلقة عجبتكم اعملوا لايك و شير واشتراك فى القناة على اليوتيوب 😍

اسباب وعلاج السرقة عند الاطفال #الامهات #السرقة

15/01/2024

الحضن مهم اوي في تربيه الاطفال احضنوا ولادكم اوي ودلعوهم سمعوهم كلام حلو شبعوهم من حنيتكم وحبكم متخليش الطفل متعطش لاي حضن غير حضنك اعرفوا قيمه ان الطفل يشبع من حنانكم انتوا نفسكم محتاجين لحضن ولادكم اوعوا تفتكروا ان الحنيه والدلع ده بيبوظ بالعكس طالما بنوجه وبنربي عمرهم ما هيبوظوا وبقول بالعكس الطفل لو غلط وعاقبناه باننا نزعل منه وهيفتقد الحضن ده بعد ما اتعود عليه وعرف قيمته زعلنا هيفرق معاه ومش هنحتاج لا للعنف ولا للزعيق طول الوقت هنكتفي بأننا يادوب نزعل منهم ونتقل في الصلح خلي حضنك لطفلك حياه🤗



#التخاطب
#الامهات

‏

03/01/2024

⛔️ النطق والتخاطب ومراحل نمو الكلام عند الأطفال وتدرجه :

⚠️ لازم كل أم وكل أب يعرفوا
إمتي إبنك لازم ينطق وإمتى يقول كام كلمه وتقلق امتي وتهتم ازاي ....؟!!..
👶 الطفل من شهرين :
تقلق لو مش بيثبت عينه وهو بيبصلك أو مش بيتخض من الصوت العالي ..
👶 من 4 الي 5 شهور :
تقلق لو مش بيناغي ويقول أوووه أغغغغغ ...
👶 6 شهور :
تقلق لو الطفل مش بيحرك عيونه في كل ناحيه - مش بيحرك ايديه عشان يمسك بيها حاجه - مش بيضحك للناس اللي يعرفهم ...
👶 9 شهور :
تقلق لو الطفل مش عارف بابا و ماما
🧒 سنه :
تقلق لو مش بيهتم او معندوش فضول بالحاجات الجديده
🧒 سنه ونص :
تقلق لو الطفل مش بيقول بابا ومامل أو اي كلمتين أو مش بيفهم الاوامر البسيطه زي (روح - تعالى - هات - خد)
سنتين :
مش بيقول عالأقل 10 كلمات
👧 3 سنوات :
مش بيقول جمله عالأقل ومش بيكون فاهم معنى الكلام ومش بيشاور او مش بيلعب مع الاطفال ومنطوي...
🤓 نصائح عامه :

⬅️ طفلك إتأخر في الكلام إقفلى التلفزيون والتاب واللاب والتليفون وأقعدى إتكلمى مع طفلك ماتسيبهوش قدام شاشة تقدمله معلومات من إتجاه واحد ومابيتطلبش منه تفاعل او رد ومستغربة انه إتأخر فالكلام طيب حيتكلم ليه؟؟؟!!...
⬅️ الطفل عامل زى كمبيوتر هارده فاضى وإنت بتملاه داتا ،هاتى قصص ملونة وإقريله كل دة حيخزنه وبيبقى داتا تنفعه وقت مايتكلم ،إتعملت دراسة فاليابان لقوا ان الاطفال اللى أهاليهم بيحكولهم حواديت و يتكلموا معاهم بيتكلموا بنسبة ٩٠ ٪ عند عمر سنة ، عكس أطفالنا فالعالم العربى بنرميهم قدام قنوات اغانى تكرر نفس الاغانى لما مايبقاش عندهم داتا غير مجموعة اغانى بتتكرر طول اليوم ١٠٠ مرة..
⬅️ اتكلموا عربي مع الاطفال لحد ما ينطقوا كويس وبعدين علموهم لغه تانيه لأن الطفل لما بيسمع لغتين مبيبقاش عارف مطلوب منه يتكلم بأنهي لغه وبيكون مشتت بين اللغتين ....
⬅️ ممنوع تدي طفل أقل من سنتين تليفون يلعب عليه ألعاب او يقعد أدام أي حاجه فيها شاشه كمبيوتر او لاب او تلفزيون .. لأن الأضرار الناتجه منها بيكون تأخر في الكلام وتشتيت الإنتباه وعصبيه وفرط حركه وميل الي العزله وسمات توحد .....
⬅️ بلاش قنوات أغاني الاطفال عشان دي لعنه لان الطفل هيتبرمج انه ميعرفش يردد غير اغاني القناه دي .


#التخاطب

#الاطفال
#الامهات

27/12/2023

#الامهات
#الكذب
متنسوش تعملوا لايك و شير و اشتراك فى القناة تشجعيكم يهمنى 🥰 🥰

اسباب وانواع وعلاج الكذب عند الاطفال #الكذب ، #الامهات