يلا تأسيس مع سلسلة دكتور تأسيس عربي وإنجليزي

21/08/2026

أصوات الحروف الإنجليزية

19/08/2026

الفيديو دا فى حالة لو مشفتش حاجه حلوة النهارده

تاليا هانى القمرين ما شاء الله عليها
ربنا يبارك يا رب العالمين 🥰 🥰 🥰 🥰

17/08/2026

هنا… بداية جيل جديد ❤️

أول إنجازات الجيل الجديد ❤️🥹
هنا عبد العزيز الشورى… 3 سنين ونص فقط، ولأول مرة تقرأ كلمات بالفتحة معايا، وما شاء الله تبارك الله… قراءة ممتازة وفوق الممتازة 👏🏻❤️

بجد هنا النهارده فاجأتني وأسعدتني من قلبي…
لأن اللحظة دي بالنسبة لي مش مجرد طفلة قرأت كام كلمة، دي بداية حلم جديد بيتحقق قدام عيني. 🥹❤️

أنا كان عندي جيل عزيز جدًا على قلبي…
مكة صبري ❤️
مكة أيمن ❤️
رقية السيد ❤️
ومصطفى ❤️

جيل شفت خطواته من البداية، وتعبت معاه، وفرحت بكل تقدم وصل له…
والنهارده وأنا بشوف هنا وعبد الله وتاليا هاني وبحياة وآدم إسلام، بقول لنفسي:

الجيل ده هيتكرر تاني… أهو بدأ يتكرر قدام عيني. ❤️

يمكن الناس تشوف طفلة عندها 3 سنين ونص بتقرأ كلمات بالفتحة…
لكن أنا بشوف أكتر من كده بكتير.

بشوف حلم بيتبني.
بشوف سنين تعب ومجهود.
بشوف أطفال هكبر معاهم خطوة بخطوة.
وبشوف جيل جديد نفسي أطلعه بأحسن صورة، وأسيب في كل طفل منهم أثر جميل يفضل معاه طول عمره. ❤️

وأنا بجد فخورة جدًا بالأجيال اللي طلعتها، وفخورة أكتر إن لسه فيه جيل جديد جاي، وإن ربنا كتب لي إني أكون جزء من بدايته. 🥹❤️

هنا، عبد الله، تاليا هاني، حياة،يوسف ياسر، آدم إسلام…
إنتوا مش مجرد أطفال عندي.
إنتوا من أعظم انتصاراتي اللي جاية بإذن الله. ❤️

إنتوا اللي بشتغل وبحارب عشانهم…
عشان أشوف طفل كان لسه في أول الطريق، وبعد فترة يبقى بيقرأ ويكتب واثق في نفسه، وأمه تبعتلي تقول:

"ما شاء الله… هنا بتقرأ." 🥹❤️

الجملة دي عندي بالدنيا كلها.
ولما مامتك تبعتيلي على الخاص وتدعِيلي وتقولّي إن هنا بدأت تقرأ… بفرح بطريقة صعب أوصفها بالكلام. ❤️

وعشان كده هسيب لكم في التعليقات بعض الـ Screenshots من كلام الأمهات والدعوات الجميلة اللي بتوصلني…
لأن دي مش مجرد رسائل بالنسبة لي، دي شهادات على تعب سنين، وعلى نعمة ربنا اللي بشوفها في أولادي. ❤️

وهسيب كمان صورة هنا وهي صغيرة، عندها سنتين…
عشان نفتكر سوا إن كل إنجاز كبير، بيبدأ بخطوة صغيرة جدًا. 🥹❤️

هنا النهارده بتقرأ…
وبكرة بإذن الله هنشوفها بتقرأ أكتر وأكتر.
والجيل ده هيتكرر… ويمكن يكون أعظم من الجيل اللي قبله. ❤️

اللهم بارك في هنا وفي كل طفل بدأت معاه من أول الطريق، واكتب لي دايمًا إني أكون سبب في تعليمهم وفرحتهم، واجعل كل حرف يتعلموه في ميزان حسناتي. 🤲🏻❤️

مبروك يا هنا يا بطلة…
إنتِ النهارده مش بس قرأتي كلمات،
إنتِ عملتي أول علامة في حكاية جيل جديد أنا مستنية أشوفه يكبر قدام عيني. ❤️🥹








❤️

16/08/2026

حرف Y في آخر الكلمة 💛📚

شرحنا النهارده قاعدة مهمة وبسيطة في القراءة 👏✨
لما حرف Y ييجي في آخر الكلمة، وقبله حرفين ساكنين (Consonants)، بيكون صوته /ai/ زي صوت حرف I.

والأجمل بقى إن الأطفال طلعوا يطبقوا القاعدة ويقرأوا معايا 😍👏
ما شاء الله عليهم… ممتازين ممتازين ممتازين ❤️
تركيز، فهم، وقراءة جميلة جدًا 👏🌟

الفيديو ده مش مجرد شرح للقاعدة، ده تطبيق عملي يثبت إن الطفل لما يفهم القاعدة صح… القراءة بتبقى أسهل وأمتع 💪📖

15/08/2026

دقيقتين بس… لكن كانوا كفاية يختصروا سنة كاملة من الحب والضحك والذكريات الجميلة ❤️🥹

في المدرسة الصبح، عشنا مع أطفال Primary One لحظات من أجمل اللحظات اللي ممكن أي مُدرّسة تعيشها… شكر، ضحك، حضن، كلام من القلب، وفرحة حقيقية من غير أي تكلّف. 🥰

بنت تقول لي: «أنا بحبك يا ميس» ❤️
وكل ما تلاقيني بعيدة عنها تقرّب وتحضنني…
وبنت تانية تقول: «اعمليلي فورمة يا ميس» 😂❤️
وكلام وضحك ومواقف صغيرة، لكنها عندي كبيرة جدًا.

جوري، سيليا، كندا، ريتال، دهب ،مليكة… وكل بناتي الحلوين اللي ملوا المكان حب وبهجة ❤️🌸

الأطفال مش بس بيتعلموا مننا… إحنا كمان بنتعلم منهم معنى الحب الصادق، والفرحة البسيطة، وإن أجمل الذكريات ممكن تتلخص في حضن وكلمة حلوة وابتسامة. 🥹❤️

Primary One… سنة كاملة من التعب، والإنجاز، والضحك، والحب… اتلخصت في دقيقتين فقط.
ربنا يحفظكم يا حبايبي، ويبارك فيكم، وأفضل دايمًا فاكرة إن أجمل جزء في رحلتي هو أنتم. ❤️

14/08/2026

13/08/2026

🌷 إهداء خاص لولي الأمر الجميل ❤️

الفيديو ده إهداء مني لكل أم وأب حابين يساعدوا أولادهم يكتبوا حروف اللغة الإنجليزية بالطريقة الصحيحة ✍️🇬🇧

ومش هقول للطفل:
Up… Up… Down… Down… Dash ❌

لكن هشرحها له بالعربي وبطريقة بسيطة:
⬆️ نطلع لفوق
⬇️ ننزل لتحت
➖ وناخد شرطة
وهكذا خطوة بخطوة حسب كل حرف.

لأن الطفل لما يفهم اتجاه الحرف وطريقة تكوينه، الكتابة بتكون أسهل وأثبت عنده بإذن الله ❤️

🎁 الفيديو ده هدية مني ليكم…
ويارب أكون قدرت أفيد كل أم بتأسس طفلها في اللغة الإنجليزية.

علّموا أولادكم يكتبوا صح من البداية… لأن البداية الصح بتفرق جدًا ❤️✍️

12/08/2026

🌟 هو ابنك بينطق اسم الحرف صح؟ ولا بيقول صوته بطريقة غلط؟ 🤔

في الفيديو ده هنتعلم مع أولادنا النطق الصحيح لأسماء الحروف الإنجليزية، لأن فيه فرق كبير بين اسم الحرف 🔤 وصوت الحرف 🔊.

هنتعلم مع بعض:
✨ E اسمها E مش A
✨ F اسمها F مش "AF"
✨ M و N ليهم نُطق واضح وصحيح، ومش بنكسر صوت الحرف.

التفاصيل الصغيرة دي بتفرق جدًا مع الطفل في التأسيس، وبتساعده بعد كده يقرأ الكلمات بطريقة صحيحة وسهلة ❤️📚

👩‍🏫 تأسيس صح من البداية = قراءة صح بعدين بإذن الله.

شاهدي الفيديو وركزي مع أولادك في النطق، وقوليلي: ابنك كان بينطق أنهي حرف بطريقة مختلفة؟ 👇❤️

12/08/2026

بجد ما شاء الله كل أولادنا قصة نجاح ملهمه بجد الله أكبر 🥰🥰🥰😍🥰😍
خطوه بعد خطوه كبرنا واتعلمنا وبقين اشطر ناس فى الدنيا