19/05/2024
- بس مش حاسس انها حاجة لذيذة أبدا اني امشّي ورايا بودي جارد سـ.ـت، أصلي مش معمر القذافي يعني، فاهم قصدي ؟
= يا باشا دي مش سـ.ـت عادية ؟
_ أمال سـ.ـت سنين، في النهاية اسمها سـ.ـت، بتشتري حاجات من الصيدلية في كيسة سودl، وبتكتـ.ـأب لما سحبة الآيلاينر تبـ9ظ منها، وتقولها مالك تقولك لو مهتم كنت عرفت لوحدك
= لا يا افندم حضرتك فاهم غلط، الكلام دا ينطبق على كل الستـlت، إلا البودي جارد عواطف
_ وكمان اسمها عواطف ؟ دا إسم مطربة ملاهي ليلية في التمانينات مش إسم بودي جارد
= سيبك من إسمها خالص، ركز في أوبشناتها
_ إيه بقى أوبشناتها ؟
= عواطف أول بني آدمة خرمنت في تاريخ الكوكب
_ أول بني آدمة إيه ؟
= خرمنت يا افندم، نصها فضائي من كوكب زُحل، ونصها أرضي من جسر السويس
_ لأ انا مش فاهم أي حاجة
= يقال ان من 60 سنة، فيه مركبة فضائية وقعت على كوكب الأرض، وكان جواها كائن فضائي
_ اه
= الكائن دا معرفش يرجع كوكبه تاني، اتجوز واحدة سـ.ـت من كوكب الأرض وعاش هنا
_ عاش فين ؟
= في إيجار جديد في العمرانية عادي، شارع خاتم المرسلين
_ وبعدين ؟
= وبعدين خلفوا عواطف، فبقت إنسانة تتمتع بمشاعر البشريين، وبالسوبر پاورز بتاعة الفضائيين
_ وإيه اللي شغلها بودي جارد أصلا ؟
= مطلقة يا باشا وبتجري على بنتها، عندها روميساء في تانية ابتدائي
_ هو دا مكتب تأجير بودي جاردات وللا مكتب تأجير فضائيين ؟
= تصدق بالله حضرتك ؟ عواطف دي الحصان الإسود عندي في المكتب، دي مبتخرجش غير للغاليين، دي هي اللي كانت بتحرس الرئيس چون كيندي
_ الله عليك، لا مستواها في الحراسة باين
= لا انت مالكش دعوة بيه، هو الله يسامحه بقى كان مزعلها، بصلها بصة كدا معجبتهاش، عشان كدا كانت برا الموود في اليوم دا
_ طب قولي عواطف هتشتغل معايه ازاي ؟
= أولا احنا هنكـ.ـسر الطريقة النمطية اللي بيشتغل بيها أي بودي جارد
_ بمعنى ؟
= عواطف مش هتمشي وراك
_ أمال هتروح فين ؟
= هتشتغل من البيت
_ تشتغل من البيت إيه، هي داتا إنتري، دي بودي جارد
= بس سوبر هيرو
_ هتعمل ايه يعني ؟
= هتقعد في البيت معززة مكرمة تأور كوسة، تشهق على ملوخية، تخيطلك زراير القميص
_ تمام
= عندها اتنين سينسور متوصلين بحضرتك
_ متوصلين بحضرتي منين
= بتليفون حضرتك يا باشا متتخضش كدا
_ بيعملوا إيه بقى ؟
= واحد منهم بيحس بيك أول ما حد يضايقك، ويحسب نسبة المضايقة اللي انت حاسسها
_ والتاني ؟
= التاني بيحدد اللوكيشن بتاعك، وبتجيلك، ويالهوي لما عواطف تجيلك
_ تجيلي ازاي، افرض كنت في أسوان وحد ضايقني هناك، دي على ما تجيلي هكون نسيت انا متضايق ليه
= يا باشا أنا مش بكلمك في مدام عواطف بتاعة مجمع التحرير، بقولك دي سوپر هيرو
_ أيوه يعني توصل أسوان في قد إيه ؟
= 3 دقايق الا ربع ..
_ مش ممكن، دي أسرع من بهاء سلطان نفسه
= حضرتك كل المطلوب منك لما حد يضايقك، سيبه خالص واقف بعيد اتفرج، وعواطف هتقوم بالواجب
_ قوية بقى عواطف ؟
= بتلعب تمرينة التراي على قطر بضاعة، بتجره من الشرقية لمرسى مطروح
_ الله أكبر، دي هتنـ.ـسف اللي يزعلني
= هتخفيه، مش هيبقى من مصلحة حد انه يزعلك طول ما عواطف معاك
_ وتحميني من أي خـ.ـطر ؟
= دا بقى السينسور التالت اللي كنت سايبهولك مفاجأة
_ بيعمل ايه بقى ؟
= بيقدر البلا قبل وقوعه
_ نعم ؟
= اقصد يعني بيستشعر الخـ.ـطر قبل حدوثه، هتلاقيها بتقولك مثلا انا مش مرتاحة لصاحبك دا
_ اعمل ايه ؟
= تبتدي تركز معاه طبعا، عشان عواطف إحساسها مبيخيبش
_ دي مش مجرد بودي جارد بقى
= جيش كامل شغال لأمانك وسلامك، ومش بس كدا
_ إيه تاني ؟
= هترتبلك مواعيدك، وتنظملك ورقك، وتكنس وتطبخ وتعمل كل شغل البيت
_ يعني سكرتيرة ومديرة منزل ؟
= وصديقة مقربة، تقدر تحكيلها كل أسرارك، ومتخافش مفيش كلمة بتطلع لمخلوق
_ يا رlجل ؟
= ولو حست انك متضايق، أوبشن الحنية يشتغل، مش هتسيبك تكشر، هتحس انها شايلة معاك كل همومك
_ بقولك ايه، عواطف مرتبطة؟
= مش عايزك تفرح أوي كدا، زي ما عندها مزايا عواطف عندها عيوب هتتعبك
_ زي إيه ؟
= يمكن أحيانا تحس انها مبوزة من غير سبب، ساعات تكون رغاية، ساعات هتحتاج انك تدلعها وتهتم بيها أو تقعد تسمعها وهي بتقول أي كلام
_ يا باشا دي حاجات سهلة جدا جدا قصاد اللي هي بتعمله، دا انا اشيلها في عيوني
= منبهر بعواطف يا افندم ؟
_ دي كنز، انا مش هفرط فيها حتى لو مرتبها 100 ألف جنيه
= خد المفاجأة دي
_ هات
= عواطف مبتاخدش فلوس
_ أمال بتاخد إيه؟ حسنات ؟
= بتاخد عواطف، كل اللي هتحتاجه منك شوية اهتمام، شوية حنية، كلمتين حلوين
_ الله، دي لُقطة، انا خلاص اشتريت
= طب بقولك ايه يا باشا
_ اؤمر
= كل الحاجات اللي انا قلتها دي مش محتاجة سوبر هيرو، أي سـ.ـت هتحبك بجد هتعمل معاك اكتر من كدا
_ قصدك ايه ؟
= انا اسف يعني، بس انا سمعت حضرتك بتزعق للمدام في التليفون وبتشتـ.ـمها، حبيت اقولك ان مراتك هي جيشك الحقيقي، ومفيش حد عاقل يهـ.ـين جيشه ويضعفه بإيده
_ يعني مفيش عواطف ؟
= لا، بس عندي ابو عصام، بياخد 15 الف في الشهر والجمعة والسبت أجازة
02/05/2024
24/04/2024
12/03/2024
02/01/2024
02/01/2024
23/12/2023
17/11/2023