اخصائية التخاطب - ايمان شوقي

من شهر كده جاتلي بنوته العياده مع مامتها وتابعت معايا وكانت لدغة ف 6 حروف وحاليا بقت بتنطق منهم 3 ، وحقيقي أنا مش قادره اوصفلكم سعادتي وفرحتي ب مجهودي، وسعادة مامتها وهي شايفاها بتنطق الحروف صح بعد ما كانت فاقدة الامل أنها تعرف تنطقهم اصلا وبعد محاولات كتيرررر جدا معاها ف البيت ومافيش فايده ف لما جاتلي العياده وبقت بتشوف بنتها كل شوية تنطق حرف من الحروف صح بتبقي مش مصدقه والبنت نفسها مبسوطه أنها بقت بتعرف تنطق صح💗

في امهات كتير بتبقي فاكرة إن اللدغة هتفضل مع ابنها ومش هتتعدل ،وبتفقد الامل
اللدغة بتتظبط خطوة خطوة ، والصبر بيجيب نتيجة بلاش احباط وكسل ، خدي الخطوة بدري . كل ما تبدأي وهو صغير الموضوع بيبقي اسهل والنتيجة أسرع.
#تخاطب

"تعالي أقولك على 5 حركات صغيرة بتفرق جداً في كلام طفل الداون

أطفال الداون عضلات الفم واللسان عندهم أضعف شوية، فالكلام محتاج تمرين لطيف ومستمر علشان عضلات الفم واللسان تبقي قوية ويقدر يتكلم بطريقة اوضح.
جربي دول معاه في البيت 10 دقايق يومياً 👇🏻

1. تمرين المصاصة لتقوية اللسان🍭
هاتي مصاصة وخليه يلحسها يمين وشمال وفوق وتحت.
الحركة دي بتقوي عضلة اللسان وبتساعد على نطق: ل، ر، ت، د.

2. لعبة المرايا🪞
اقعدي قدامه وقدام المرايا واعملي وشوش مضحكة: افتحي بوقك، طلعي لسانك، انفخي خدودك.
اللعبة دي بتقوي عضلات النطق وبتخليه يلاحظ حركة بوقه ويقلدك.

3. لعبة النفخ 🎈
هاتي بالونة أو فقاقيع صابون وخليه ينفخ.
النفخ بيقوي النفس، والنفس القوي = كلام أوضح وصوت أعلى.

4. لعبة الصوت والحركة للكلام الوظيفي اربطي كل كلمة بحركة :
ماما = اشارة بإيدك ناحيتك
اشرب = حركة شرب
خلص = تسقيف
الحركة بتساعد المخ يفتكر الكلمة اسرع وبتقلل الإحباط عنده

5. أهم حاجة مع طفل الداون:
بطئي كلامك، اديله وقت يجاوب، وشجعي أي محاولة حتى لو مش واضحة اطفال الداون بيفرحوا جدا ب التشجيع وبيخليهم يحاولوا اكتر واكتر

التمارين دي مناسبة لأغلب الاطفال ك بداية ف البيت لكن لو حابه خطة تناسب حالة وعمر ابنك بالظبط احجزي ع الرقم الموجود عالصفحه وهنقيمه ونبدأ خطوة بخطوة

📍 العيادة: رسالة نور على نور شبرامنت، خلف المحكمة
المواعيد: السبت والأربع الساعة 4
سعر الجلسة: بسيط جداً ومناسب لجميع الحالات

جلسة تنمية مهارات♥️

ابنك بيحب اللعب تعالي نستغل حبه للعب ونحوله لمهارات تنفعه ف المدرسة والحياة، بنحول الجلسة لوقت لعب والطفل مش حاسس أنه ده "علاج"

خلي طفلك يلعب بذكاء🧩🧠
هو مش بس بيلعب ب مكعبات صغيره احنا بنشتغل علي 6 مهارات ف نفس الوقت وهما:

1. تركيز وانتباه : قاعد مركز علشان يطابق الشكل بظبط

2. مهارات حركية دقيقه🖐🏻 : صوابعه بتتحكم في القطع الصغيرة = تمهيد الطفل للكتابة

3. الإدراك البصري👀 : بيميز الألوان والأشكال والأحجام

4. حل مشكلات : المربع ده يركب فين ؟ مخه شغال تفكير علشان يحط كل مكعب ف مكانه الصحيح

5. صبر وتحكم🧘🏻 : بيتعلم يستني ويكمل النشاط للآخر

6. بيعلمه ازاي بكتب اللي علي السبورة بسهوله في اطفال مش بتعرف تنقل وبتواجه صعوبة كبيره ف ده

الهدف مش الشكل اللي عمله الهدف أنه مخه شغال وبيفكر وبيحاول علشان يوصل لنفس الشكل ده♥️

نصايح عملية - إزاي أساعد ابني يتكلم في البيت؟ 🏠

*5 حاجات بتعمليها كل يوم هتخلي ابنك يتكلم أسرع 👶🗣️

1. انزلي لمستواه : لما تكلميه اقعدي على ركبك وخلي عينك في عينه. التواصل البصري = نص الكلام.

2. علقي على كل حاجة : بص عصفورة ، دي مياه ساقعة ، بابا جه . انتِ الراديو بتاعه ف البيت 📻

3. اديه اختيارات : بدل عايز ايه؟ قولي عايز موز ولا تفاح؟ . كده هيضطر يقول كلمة.

4. اقفلي الشاشات : التليفزيون 📺والموبايل📱 بيأخروا الكلام. الطفل بيتعلم من بني آدم، مش من كرتون.

5. متصلحيش كلامه : لو قال "بو" على مياه، متقوليش "قول مياه". قولي انتِ آه عايز مياه؟ اتفضل المياه . هو هيقلدك لوحده.

*أهم قاعدة : الكلام لعبة مش امتحان. اضحكي وهزري معاه وهو بيتعلم ❤️

عندك سؤال عن حالة ابنك؟ ابعتيلي وهرد عليكي♥️

*بتضايقي لما حد يقولك "هو ابنك لسه متكلمش؟

*بتحسي بقلق كل ما تشوفي طفل في سنه بيتكلم وهو لسه بيقول كلمتين بس؟

*أنا إيمان شوقي، أخصائية تخاطب. ومهمتي أرجعلك إحساس الأمان ده ♥️

*المكان في عياده رساله - ب شبرامنت - خلف المحكمة
سبت واربع من الساعه 4 ل الساعه 8

*بشتغل على:
🔸 *تأخر الكلام - هنخليه يحكي جمل كاملة
🔸 *اللدغات الرخمة - س، ر، ك، ل هتتظبط نهائي
🔸 *التأتأة - هيتكلم بثقة قدام أي حد
🔸 *الانتباه والتركيز - عشان المدرسة والحضانة

*🎁 قرار مهم: الجلسه هتبقي بسعر رمزي مناسب لجميع الحالات

*مستنية إيه؟ كل يوم تأخير = صعوبة زيادة على ابنك
*احجزي دلوقتي لأن العدد محدود
علشان اقدر ادي لكل طفل حقه ♥️

*مكاني: شبرامنت - الجيزة | جلسات برايفت بس

* *