Mr Ali El kordy

21/08/2026

13/08/2026

شوفت دلع البنات ياولا ، اللى بيشتغلوا من الفجر للعصر عشان ١٠٠ جنية فى جنى السودانى ، وحصد الطريق فى الاسماعليه أرواحهم ، طيب شوفت دلع البنات ياولا ، من كام سنه فى المنوفية وهن رايحين يجمعوا العنب عشان برضة ١٠٠ جنية يومية وحصدهم الطريق برضة ، طيب شوفت البنات ياولا على جانبى الطرق السريعة وداخل المدن وهن بيبعوا شاى وقهوة وبرضة بيحصدهم عربيات دلع البنات ياولا، طيب شوفت البنات ياولا فى كل المولات اللى بتولع لعدم وجود سلامة للمنشأه ولا تراخيص عشان يدوبك يستروا نفسهم ، شوفت البنات ياولا الحقيقين ياولا اللى بيشتغلوا وشايلين البلد على أكتافهم مش البنات ياولا اللى بيرقصوا على صفحات الفيس بوك وحفلات الهضبة و صوت مصر و نمر وان ، وأهاليهم فرحانين قوى برقصهم وأغتيال بنات مصر عشان لقمة العيش ، شوفت ياولا ياريت تفهم حاجة ياولا .

29/07/2026

نتيجة طلعت
ناس جابت طب وهندسة
ناس مجابتش طب ولا هندسة
ناس فرحانة انها عدت صافي
ناس جابت مجموع بالغش
ناس حزينة عشان شايفين انهم انظلموا
ناس فرحانة عشان مش فارقالهم
أهالي فرحانة بعيالها مهما كان
مجموعهم
أهالي بيحطوا على عيالهم مهما كان بذلهم وجهدهم وتعبهم

كل سنة نفس المشهد
والشاطر اللي مضيعش دينه ولا عصى ربه ولا سبب أذي لنفسه او عياله
والعاقل اللي يفهم أن دي مرحلة كله بيعدي عليها، مش النهاية
لا اللي جاب طب وهندسة كده وصل
ولا اللي موصلش لهدفه في السنة دي فشل

من حق اللي جاب مجموع يفرح
وبرضو من حق اللي مجبش مجموع يزعل
لكن العاقل اللي ميخليش الفرحة تدفعه لمعصية او احساس انه خلاص وصل، لان الطريق لسه طويل
والعاقل اللي ميخليش الحزن يدفعه لمعصية او كلمة اعتراض على قضاء الله، لان دي مش النهاية وتقدر تعوض في اللي جاي ان شاءالله

ألف مبروك لكل واحد عدى من السنة على خير
أيا كان مجموعه ايه ❤️❤️
#الثانوية