BugZero

«اللَّهُمَّ إِنِّي أَصْبَحْتُ أُشْهِدُكَ، وَأُشْهِدُ حَمَلَةَ عَرْشِكَ، وَمَلَائِكَتِكَ، وَجَمِيعَ خَلْقِكَ: أَنَّكَ أَنْتَ اللَّهُ لَا إِلَهَ إِلَّا أَنْتَ وَحْدَكَ لَا شَرِيكَ لَكَ، وَأَنَّ مُحَمَّدًا عَبْدُكَ وَرَسُولُكَ».

اخر مرحلة الان:

من أكبر المشاكل اللي بتواجه أي شخص عايز يبدأ يتعلم البرمجة، أو حتى لسه داخل الكلية وعايز يتأسس صح، هي سؤال:

"أبدأ إزاي؟"

وغالبًا بييجي بعده سؤال تاني:
"إيه أفضل لغة برمجة أتعلمها؟"

فيبدأ يدور ويبحث، ويتنقل بين عشرات المصادر والفيديوهات، ويشوف ناس بتقول Python، وناس بتقول C++، وناس بتقول Java، ويفضل في دوامة من التشتت.

وبعدها يبدأ يسأل:
"إيه أكتر لغة مطلوبة في سوق العمل دلوقتي؟"

وهنا بيكون وقع في مشكلة كبيرة؛ لأنه بيبص على المدى القصير فقط، ومش بيبني أساس قوي. وفي بعض الأحيان التشتت ده بيخليه ما يبدأش أصلًا!

طيب، هل فعلًا فيه لغة أفضل من لغة تانية؟

الإجابة: لا.
مفيش حاجة اسمها "أفضل لغة برمجة" بشكل مطلق، لكن فيه:
"أفضل لغة للمرحلة اللي أنت فيها حاليًا."

وده فرق كبير جدًا.

كل لغة برمجة اتعملت لهدف معين، وليها استخدامات ومميزات مختلفة. المهم في البداية إنك تتعلم أساسيات البرمجة وطريقة التفكير وحل المشكلات، لأن المهارات دي هتفضل معاك مهما غيرت اللغة بعد كده.

ركز على بناء الأساس، وسيب هوس "أفضل لغة" على جنب، لأن اللغة مجرد أداة، لكن المبرمج الشاطر هو اللي بيعرف يستخدم أي أداة بشكل صحيح. 🤍💻

اللينك في الكومنت 👇