مركز مودرن اكاديمي للتخاطب وتنمية المهارات ، { حسام الدين بهجت } : أخصائي تربية خاصة جامعة عين شمس تخاطب و تنمية مهارات وتعديل سلوك وصعوبات التعلم ،،،
13/06/2026
واحدة من اسباب تاخر الكلام كسل وضعف جهاز النطق و الكلام ودي من الاسباب اللي مش بياخد باله منها ولي الامر .. عشان كدة دايما التشخيص الدقيق مهم جدا لوضع خطة علاجية مناسبة .. ولازم نعرف ان التخاطب مش كلمة دي مليون خطة علاجية.
مودرن اكاديمي
الفكره مش بس ان الطفل يتكلم .. هدفنا كمان ان الطفل يتكلم كويس وده اللي احنا بنحاول نعمله مع الطفل .. هدفنا اول ما يتكلم ان احنا نخش في برنامج اللغه عشان نطبق اهداف خاصه بالحوار ووصف الحدث ونقل الرساله والبلاغه اللغويه وغيره من الاهداف الخاصه ببرنامج اللغه♥️
12/06/2026
في البدايه حابب اعرفكم على سليم .. سليم جالنا حصيلته اللغويه كلها اربع خمس كلمات زي بابا وماما وباي حاجات بسيطه جدا لا تعبر عن عمره الزمني اللي تخطى ثلاث سنوات .. وكمان كان عنده بعض المشاكل الاجتماعيه ومشاكل في التواصل مع الاخرين والغرباء .. بدانا مباشره في مهارات قبل اللغه واللغه الاستقباليه بدا الطفل يعبر وبدانا على طول نخش في الكفاءه اللغويه ووضع برنامج لغه للطفل ودي الاهداف اللي معانا في فيديو النهارده♥️
09/06/2026
لمن يهمه الامر .. كل عام دراسي وحضراتكم طيبين .. تم فتح باب التدريب المجاني العملي والنظري على البرامج والمقاييس والاختبارات الخاصة بالتربية الخاصة بفرعي فيصل وشبرا مصر
للتواصل يرجي التواصل مع رسائل الصفحة او رقم المركز والحصول على شهادة بعد انتهاء مدة التدريب
فرع فيصل 01091022794
فرع شبرا +201121584240
التواصل عن طريق الأرقام فقط
لايوجد تفاصيل في التعليقات التفاصيل في الارقام الموضحة ورسائل الصفحة وشكرا جزيلا لحضراتكم
مودرن اكاديمي
بنكون حريصين على تدريب الطفل على اهداف تنميه مهارات زي الادراك والتمييز والفهم والانتباه عشان نقرب المسافه ما بين العمر الزمني والعمر العقلي للطفل بخلاف الاهداف التخاطبيه عشان نقرب المسافه ما بين العمر اللغوي والعمر الزمني للطفل زي ما واضح في الفيديو الطفل مش هتحس ان هو عنده مشكله اصلا مش هيعرف يشخصه غير الاخصائي وده هدفنا ان الطفل يندمج بشكل طبيعي في المجتمع بدون الشعور باختلاف♥️
06/06/2026
الوصايا الخمس لما تشوف اهل معاهم طفل من ذوى القدرات الخاصه !!!
#متنحش..عشان تتأكد ان الولد او البنت عندهم مشكلة , محدش بيحب حد يتفرج عليه
#متسألش .. هو ابنك / بنتك عنده ايه؟؟؟ . وده حصل ليه ..؟؟؟هتعمل ايه لما تعرف المعلومة دى !!
#متتفزلكش .. انت مش متخصص ولا دكتور .. فبلاش تدى نصايح انت مش واثق منها .وياريت متديش اصلا الا لو اتسألت مباشرة وهتعرف تفيده
#متخافش وتقوم بحركة مش لطيفة وتبعد ولادك عن الطفل / الطفلة دى ..هما مش هياكلوا ولادك ولا هما بيعدوا ..ولا بياذوا اى شخص اصلا
#متتصعبنش ..بلاش فقرة مصمصة الشفايف ....
ويا عينى!!!!!!!!!!!
انت مش احسن منه وهو مش اقل منك فى حاجه!!!!
الكمال لله ومفيش حد فينا كامل!!
ربنا بيختبرنى فى حاجه وبيختبرك فى حاجه
ممكن تكون انت تملك حاجات مش عندى بس فى نفس الوقت انا كمان املك حاجات مش عندك وفى الاخر كله توزيع ربنا وكلنا متساوين
. خليك انسان متفهم ومقدر لظروف الناس بس من غير احساس الشفقة ..احساس الشفقة ده بيقتل اللى قصادك حرفيا
دول ابطال حقيقين في مجتمع غير ادمي
استقيموا يرحمكم الله
منقول
مطلوب للتدريب ثم التعيين بفرع شبرا مصر اخصائيه تخاطب لمن يهم الامر برجاء التواصل على الارقام الموضحه الخاصه بفرع شبرا
01121584240
06/06/2026
٧ جمل مينفعش تقولهم لأي أم حاسة بالتعب!
❌ هو إنتي لسة شوفتي حاجة.
❌ لما إنتي بتقولي كدة! اومال انا اعمل إيه في اللي استحملته.
❌ ما كل الستات بتحمل وتخلف يعني، إشمعني إنتي بتشتكي؟
❌ إنتي مكبرة الموضوع جدا، اومال هتعملي إيه في اللي جي!
❌ هو محدش خلف غيرك!!
❌ بدل ما تحمدي ربنا علي النعمة اللي عندك بتشتكي؟
❌ هو مش ده كان إختيارك وقرارك! محدش ضربك على أيدك
لو إنتي أم وعديتي بالتحديات ده وكانت بسيطة بالنسبة لك
فمش بالضرورة تكون بسيطة بالنسبة لغيرك
ولو إنت زوج
لو إنتي صاحبة او أخت
صدقوا الأم لما تشتكي
لما تقول إنها تعبانة
هي مش بتدلع هي فعلا تعبانة ومحتاجة اللي يسندها
إدعموها وإسمعوها
شجعوها تتكلم
وفكروها إنها بطلة
ولو في إيديكم قدموا لها المساعدة اللي تقدروا عليها
ده حتي الكلمة الطيبة صدقة
بدل ما نعللي علي بعض او نقلل ونستهون باللي حاسينه ❤️
مودرن اكاديمي
| Monday | 7am - 5pm |
| Tuesday | 7am - 5pm |
| Wednesday | 7am - 5pm |
| Thursday | 7am - 5pm |
| Saturday | 7am - 5pm |
| Sunday | 7am - 5pm |